☔ Weather
Bengaluru: ☀️ 20°C | AQI 137
Mysore: ☀️ 19°C | AQI 107
Mangalore: ☀️ 24°C | AQI 143
Bengaluru: ☀️ 20°C | AQI 137
☔ Weather
Bengaluru: ☀️ 20°C | AQI 137
Mysore: ☀️ 19°C | AQI 107
Mangalore: ☀️ 24°C | AQI 143
Bengaluru: ☀️ 20°C | AQI 137

ಬಿಗ್‌ಬಾಸ್‌ನಲ್ಲಿ ಶುರುವಾಯ್ತು ಸೀಕ್ರೆಟ್ ಡೈಮಂಡ್ ಟಾಸ್ಕ್

ಬಿಗ್‌ಬಾಸ್‌ನಲ್ಲಿ ಸೀಕ್ರೆಟ್ ಡೈಮಂಡ್ ಗೇಮ್

Photo Credits: @colorskannadaofficial (Instagram)

ಬಿಗ್‌ಬಾಸ್ ಕನ್ನಡ 13ರ ರಿಯಾಲಿಟಿ ಶೋನಲ್ಲಿ ಆರಂಭದಲ್ಲೇ ಭರ್ಜರಿ ಆಟ ಮತ್ತು ತಂತ್ರಗಳು ಶುರುವಾಗಿವೆ. ಈಗಾಗಲೇ ದೊಡ್ಮನೆಗೆ 8 ಸ್ಪರ್ಧಿಗಳು ಪ್ರವೇಶಿಸಿದ್ದು, ಇನ್ನುಳಿದ ಸ್ಪರ್ಧಿಗಳು ವಿಮಾನದಲ್ಲೇ ಉಳಿದುಕೊಂಡಿದ್ದಾರೆ. ಮನೆಯೊಳಗೆ ಬಂದಿರುವ ಸ್ಪರ್ಧಿಗಳಿಗೆ ಬಿಗ್‌ಬಾಸ್ ಮೊದಲ ದಿನವೇ ರೋಚಕ ಟಾಸ್ಕ್ ನೀಡಿದ್ದಾರೆ.

ಮನೆಯಲ್ಲಿದ್ದ 8 ಸ್ಪರ್ಧಿಗಳಿಗೂ ಬಿಗ್‌ಬಾಸ್ ಒಂದೊಂದು ಡೈಮಂಡ್ ಬಾಕ್ಸ್ ನೀಡಿದ್ದರು. ಆದರೆ ಅದರಲ್ಲಿ ಒಬ್ಬರ ಬಾಕ್ಸ್‌ನಲ್ಲಿ ಮಾತ್ರವೇ ನೈಜ ವಜ್ರವಿತ್ತು. ವಜ್ರ ಸಿಕ್ಕ ಸ್ಪರ್ಧಿ ಅಧಿಕೃತ ಸೂಚನೆ ಬರುವವರೆಗೆ ಅದನ್ನು ಅತ್ಯಂತ ರಹಸ್ಯವಾಗಿ ಕಾಪಾಡಿಕೊಳ್ಳಬೇಕಿತ್ತು.

ವಜ್ರದ ರಹಸ್ಯವನ್ನು ಯಶಸ್ವಿಯಾಗಿ ಕಾಪಾಡಿಕೊಂಡರೆ ನೇರ ನಾಮಿನೇಷನ್‌ನಿಂದ ಪಾರಾಗುವ ಸುವರ್ಣ ಅವಕಾಶವಿತ್ತು. ಒಂದು ವೇಳೆ ರಹಸ್ಯ ಬಹಿರಂಗವಾದರೆ ಆ ಸ್ಪರ್ಧಿ ನೇರವಾಗಿ ನಾಮಿನೇಟ್ ಆಗಬೇಕಿತ್ತು. ಹೀಗಾಗಿ ಈ ಆಟ ಸಖತ್ ಕುತೂಹಲ ಮೂಡಿಸಿತ್ತು.

ಗಗನ್ ಚಿನ್ನಪ್ಪ ಕೈ ಸೇರಿದ ರಹಸ್ಯ ವಜ್ರ: ಮಾಸ್ ಆಕ್ಟಿಂಗ್

ಈ ಮಹತ್ವದ ರಹಸ್ಯ ವಜ್ರವು ನಟ ಗಗನ್ ಚಿನ್ನಪ್ಪ ಅವರ ಪಾಲಿಗೆ ಸಿಕ್ಕಿತ್ತು. ಆದರೆ ತಮ್ಮ ಬಳಿ ವಜ್ರವಿಲ್ಲ ಎನ್ನುವಂತೆ ಗಗನ್ ಚಿನ್ನಪ್ಪ ಇತರ ಸ್ಪರ್ಧಿಗಳ ಮುಂದೆ ಭರ್ಜರಿ ಅಭಿನಯ ಮಾಡಿದ್ದಾರೆ. ತಮ್ಮ ತಂತ್ರದಿಂದ ಎಲ್ಲರನ್ನೂ ದಾರಿ ತಪ್ಪಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ಮನೆಯಲ್ಲಿದ್ದ ಇತರ ಸ್ಪರ್ಧಿಗಳೆಲ್ಲರೂ ಆಸಿಯಾ ಬಳಿಯೇ ವಜ್ರ ಇರಬಹುದು ಎಂದು ಗಂಭೀರವಾಗಿ ಅನುಮಾನ ಪಡುತ್ತಿದ್ದರು. ಆದರೆ ವಜ್ರವನ್ನು ಅತ್ಯಂತ ಸುರಕ್ಷಿತವಾಗಿ ತಮ್ಮ ಬಳಿಯೇ ಇಟ್ಟುಕೊಂಡು ಗಗನ್ ಚಿನ್ನಪ್ಪ ಮಾಸ್ ಗೇಮ್ ಆಡಿದ್ದಾರೆ.

ತಮ್ಮ ಸೂಕ್ತ ಯುಕ್ತಿಯಿಂದ ಇತರ ಸ್ಪರ್ಧಿಗಳನ್ನು ಆಟವಾಡಿಸಿದ ಗಗನ್ ನಡೆ ಪ್ರೇಕ್ಷಕರಿಗೆ ಸಖತ್ ಇಷ್ಟವಾಗಿದೆ. ಬಿಗ್‌ಬಾಸ್ ನೀಡಿದ ಮೊದಲ ದಿನದ ಟಾಸ್ಕ್‌ನಲ್ಲೇ ಗಗನ್ ತಮ್ಮ ಜಾಣ್ಮೆಯನ್ನು ಮೆರೆದಿದ್ದಾರೆ.

ಯುಕ್ತಿಯಿಂದ ಗೆದ್ದ ಗಗನ್: ವೈರಲ್ ಆಯ್ತು ಹೊಸ ಪ್ರೋಮೋ

ಆರಂಭದಲ್ಲೇ ಗಗನ್ ಚಿನ್ನಪ್ಪ ಅವರ ಮಿಂಚಿನ ಆಟ ಹಾಗೂ ಬುದ್ಧಿವಂತಿಕೆಯ ಪ್ರಕ್ರಿಯೆ ಪ್ರೇಕ್ಷಕರಲ್ಲಿ ರೋಮಾಂಚನ ಮೂಡಿಸಿದೆ. ಶಕ್ತಿಯಿಂದಷ್ಟೇ ಅಲ್ಲ, ಕೆಲವೊಂದು ವಿಚಾರಗಳನ್ನು ಯುಕ್ತಿಯಿಂದ ಗೆಲ್ಲಬೇಕು ಎಂಬ ಪವರ್‌ಫುಲ್ ಡೈಲಾಗ್ ಹೊಡೆದು ಗಗನ್ ಮಿಂಚಿದ್ದಾರೆ.

ಮೊದಲ ಟಾಸ್ಕ್ ಅನ್ನು ಗಗನ್ ಚಿನ್ನಪ್ಪ ಯಶಸ್ವಿಯಾಗಿ ಪೂರೈಸಿರುವ ಸುಳಿವನ್ನು ಕಲರ್ಸ್ ಕನ್ನಡ ಬಿಡುಗಡೆ ಮಾಡಿರುವ ಹೊಸ ಪ್ರೋಮೋದಲ್ಲಿ ಕಾಣಬಹುದು. ಗಗನ್ ಆಟದ ಶೈಲಿಗೆ ಅಭಿಮಾನಿಗಳಿಂದ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.

ಈ ರಹಸ್ಯ ವಜ್ರದ ಆಟವು ಮುಂಬರುವ ದಿನಗಳಲ್ಲಿ ದೊಡ್ಮನೆಯಲ್ಲಿ ಯಾವ ರೀತಿಯ ಹೊಸ ತಿರುವು ಪಡೆಯಲಿದೆ ಎಂಬುದನ್ನು ನೋಡಲು ಪ್ರೇಕ್ಷಕರು ಕಾತರದಿಂದ ಕಾಯುತ್ತಿದ್ದಾರೆ.