ಬಿಗ್ ಬಾಸ್ ಕನ್ನಡ (Bigg Boss Kannada) ಮನೆಯಲ್ಲಿ ನಿತ್ಯವೂ ವಿಭಿನ್ನ ಘಟನೆಗಳು ನಡೆಯುತ್ತವೆ. ಮನೆಗೆ ಬಂದ ಸ್ಪರ್ಧಿಗಳು ಪ್ರೇಕ್ಷಕರನ್ನು ರಂಜಿಸಲು ಹೊಸ ಹೊಸ ಪ್ರಯತ್ನಗಳನ್ನು ಮಾಡುತ್ತಾರೆ. ಇಂತಹ ಸ್ವಾರಸ್ಯಕರ ಕ್ಷಣಗಳು ವೀಕ್ಷಕರಿಗೆ ತಮಾಷೆ ಹಾಗೂ ಅಪಾರ ಮನರಂಜನೆ ನೀಡುತ್ತವೆ.
ಇದೀಗ ಬಿಗ್ ಬಾಸ್ ಮನೆಯಲ್ಲಿ ಒಂದು ತಮಾಷೆಯ ಸನ್ನಿವೇಶ ನಡೆದಿದೆ. ಮನೆಯ ಸ್ಪರ್ಧಿ ಕಿರಣ್ ಶಾಸ್ತ್ರಿ (Kiran Shastri) ಅವರು ದೇವರಿಗೆ ಪೂಜೆ ಸಲ್ಲಿಸಿದ್ದಾರೆ. ದೇವರಿಂದ ಪ್ರಸಾದದ ರೂಪದಲ್ಲಿ ಹೂವು ಪಡೆಯಲು ಪ್ರಾರ್ಥನೆ ಮಾಡಿದ್ದಾರೆ.
ಕಿರಣ್ ಶಾಸ್ತ್ರಿ ಅವರು ದೇವತೆಯ ವಿಗ್ರಹದ ಮುಂದೆ ಭಕ್ತಿಯಿಂದ ನಿಂತಿದ್ದರು. ತಮ್ಮ ಆಟದ ಬಗ್ಗೆ ದೇವರಿಂದ ಸಂಕೇತ ಪಡೆಯಲು ಕಾಯುತ್ತಿದ್ದರು. ಈ ದೃಶ್ಯವು ಬಿಗ್ ಬಾಸ್ ಮನೆಯಲ್ಲಿದ್ದ ಇತರ ಸ್ಪರ್ಧಿಗಳ ಗಮನ ಸೆಳೆದಿದೆ.
Bigg Boss Kannada: ‘ನನ್ನ ಆಟ ಚೆನ್ನಾಗಿದ್ರೆ ಒಂದು ಹೂವು ಕೊಡು’: ಕಿರಣ್ ಶಾಸ್ತ್ರಿ ಬೇಡಿಕೆ
ದೇವತೆಯ ಮೂರ್ತಿಯ ಮುಂದೆ ನಿಂತ ಕಿರಣ್ ಶಾಸ್ತ್ರಿ ವಿಭಿನ್ನವಾಗಿ ಪ್ರಾರ್ಥಿಸಿದರು. “ನಾನು ಈವರೆಗೆ ಆಡಿದ ಆಟ ಚೆನ್ನಾಗಿತ್ತು ಅನ್ನೋದಾದ್ರೆ ಒಂದು ಹೂವು ಕೆಳಗೆ ಹಾಕು” ಎಂದು ಕೇಳಿಕೊಂಡರು. ಹಾಗೆಯೇ “ಮುಂದೆ ನನ್ನನ್ನು ಚೆನ್ನಾಗಿ ರಕ್ಷಣೆ ಮಾಡ್ತೀಯಾ ಅನ್ನೋದಕ್ಕೂ ಒಂದು ಹೂವು ಕೊಡು” ಎಂದು ಭಕ್ತಿಯಿಂದ ಬೇಡಿಕೊಂಡರು.
ಇದನ್ನು ಓದಿ: Bigg Boss Kannada 13: ಕಿಚನ್‌ನಲ್ಲಿ ಅವಿನಾಶ್‌ಗೆ ಮಾತಿನಲ್ಲೇ ತಿವಿದ ಮಾಡ್ರನ್ ಕವಿ ಮಂಜು; ಗಲಾಟೆನೋ ಗಲಾಟೆ
ಆದರೆ ಕಿರಣ್ ಶಾಸ್ತ್ರಿ ಅವರು ಎಷ್ಟೇ ಹೊತ್ತು ಪ್ರಾರ್ಥಿಸಿದರೂ ಮೂರ್ತಿಯಿಂದ ಹೂವು ಕೆಳಗೆ ಬೀಳಲೇ ಇಲ್ಲ. ಅವರು ದೇವರಿಗೆ ಒಂದಾದ ಮೇಲೊಂದರಂತೆ ಹಾಡುಗಳನ್ನು ಹಾಡಿ ಪ್ರಸನ್ನಗೊಳಿಸಲು ಪ್ರಯತ್ನ ಮಾಡಿದರು. ಆದರೂ ದೇವತೆಯ ವಿಗ್ರಹದಿಂದ ಯಾವುದೇ ಹೂವು ಕೆಳಗೆ ಬೀಳಲಿಲ್ಲ.
ನೆಲದ ಮೇಲೆ ಮಲಗಿ ಗೋಗರೆದ ಸ್ಪರ್ಧಿ: ನಕ್ಕಿ ನಕ್ಕಿ ಸುಸ್ತಾದ ಮನೆಮಂದಿ
ಎಷ್ಟೇ ಹಾಡು ಹಾಡಿದರೂ ಹೂವು ಬೀಳದಿದ್ದಾಗ ಕಿರಣ್ ಶಾಸ್ತ್ರಿ ಕೊನೆಗೆ ಉಪಾಯವಿಲ್ಲದೇ ನೆಲದ ಮೇಲೆ ಮಲಗಿದರು. “ಮಮ್ಮಿ ಗಿವ್ ಮಿ ಒನ್ ಫ್ಲವರ್ ಪ್ಲೀಸ್.. ಇಷ್ಟೆಲ್ಲಾ ಹಾಡು ಹಾಡಿದರೂ ಒಂದು ಹೂವು ಕೊಡೋಕೆ ಅಷ್ಟೊಂದು ಕಷ್ಟನಾ?” ಎಂದು ದೇವರೆದುರು ಗೋಗರೆದು ಬೇಡಿಕೊಂಡಿದ್ದಾರೆ.
ಕಿರಣ್ ಶಾಸ್ತ್ರಿ ಅವರ ಈ ತಮಾಷೆಯ ವರ್ತನೆಯನ್ನು ಕಂಡು ಮನೆಯಲ್ಲಿದ್ದ ಇತರ ಸ್ಪರ್ಧಿಗಳು ಜೋರಾಗಿ ನಕ್ಕಿದ್ದಾರೆ. ದೇವರಿಂದ ಹೂವು ಪಡೆಯಲು ಅವರು ಪಟ್ಟ ಪಾಡು ಬಿಗ್ ಬಾಸ್ ಮನೆಯಲ್ಲಿ ದೊಡ್ಡ ನಗುವಿನ ಅಲೆಯನ್ನೇ ಎಬ್ಬಿಸಿದೆ. ಈ ಮುದ್ದಾದ ಹಾಗೂ ತಮಾಷೆಯ ಸನ್ನಿವೇಶ ಪ್ರೇಕ್ಷಕರ ಗಮನವನ್ನೂ ಸೆಳೆಯುತ್ತಿದೆ.
