☔ Weather
Bengaluru: ☀️ 24°C | AQI 113
Mysore: ☀️ 22°C | AQI 110
Mangalore: ☀️ 27°C | AQI 172
Bengaluru: ☀️ 24°C | AQI 113
☔ Weather
Bengaluru: ☀️ 24°C | AQI 113
Mysore: ☀️ 22°C | AQI 110
Mangalore: ☀️ 27°C | AQI 172
Bengaluru: ☀️ 24°C | AQI 113

Ramayana Movie Box Office: ಬಾಕ್ಸ್ಆಫೀಸ್ನಲ್ಲಿ ಸುನಾಮಿ ಎಬ್ಬಿಸಿದ ಯಶ್-ರಣಬೀರ್ ಸಿನಿಮಾ; ಕೇವಲ 8 ದಿನಕ್ಕೆ 1000 ಕೋಟಿ ಕ್ಲಬ್ಗೆ ಎಂಟ್ರಿ

Ramayana Movie Box Office: Crosses 1000 Crore Club In 8 Days Yash Ranbir Kapoor Record
ನಿತೇಶ್ ತಿವಾರಿ ನಿರ್ದೇಶನದ ಯಶ್ ಮತ್ತು ರಣಬೀರ್ ಕಪೂರ್ ನಟನೆಯ ರಾಮಾಯಣ ಸಿನಿಮಾ ಕೇವಲ 8 ದಿನಗಳಲ್ಲಿ 1000 ಕೋಟಿ ರೂ. ಕ್ಲಬ್ ಸೇರಿ ಐತಿಹಾಸಿಕ ದಾಖಲೆ ಬರೆದಿದೆ.

‘ರಾಮಾಯಣ: ಪಾರ್ಟ್ 1’ ಸಿನಿಮಾದ ಅಬ್ಬರ ಸದ್ಯ ಬಾಕ್ಸ್‌ಆಫೀಸ್‌ನಲ್ಲಿ (Ramayana Movie Box Office) ಎಲ್ಲೆಡೆ ಮುಂದುವರಿದಿದೆ. ಬಿಡುಗಡೆಯಾಗಿ ಒಂದು ವಾರ ಕಳೆದರೂ ಸಿನಿಮಾದ ಕಲೆಕ್ಷನ್ ಕಿಂಚಿತ್ ಕೂಡ ತಗ್ಗಿಲ್ಲ.

ಕೇವಲ 8 ದಿನಕ್ಕೆ 1000 ಕೋಟಿ ರೂ. ಕ್ಲಬ್ ಸೇರುವ ಮೂಲಕ ಈ ಚಿತ್ರ ಬ್ಲಾಕ್‌ಬಸ್ಟರ್ ಹಿಟ್ ಎನಿಸಿಕೊಂಡಿದೆ. ಇದರಿಂದಾಗಿ ನಟರಾದ ಯಶ್ ಹಾಗೂ ರಣಬೀರ್ ಕಪೂರ್ ಅವರಿಗೆ ಭರ್ಜರಿ ಗೆಲುವು ಸಿಕ್ಕಂತಾಗಿದೆ.

ನಿತೇಶ್ ತಿವಾರಿ ನಿರ್ದೇಶನದ ಈ ಸಿನಿಮಾ ವಿಶ್ವಾದ್ಯಂತ ಐತಿಹಾಸಿಕ ಸಾಧನೆ ಮಾಡುವ ಮೂಲಕ ಭಾರತೀಯ ಚಿತ್ರರಂಗದಲ್ಲಿ ಹೊಸ ಸಂಚಲನ ಸೃಷ್ಟಿಸಿದೆ.

ಮೊದಲ ವಾರದಲ್ಲೇ ವಿಶ್ವಾದ್ಯಂತ ಭರ್ಜರಿ ಕಲೆಕ್ಷನ್

ದೀಪಾವಳಿಗೂ ಮೂರು ದಿನ ಮುನ್ನ ಅಂದರೆ ನವೆಂಬರ್ 5ರಂದು ‘ರಾಮಾಯಣ’ ಸಿನಿಮಾ ವಿಶ್ವಾದ್ಯಂತ ತೆರೆಕಂಡಿತ್ತು. ಮೊದಲ ದಿನ ವಿಶ್ವಾದ್ಯಂತ 128 ಕೋಟಿ ರೂಪಾಯಿ ಗಳಿಸುವ ಮೂಲಕ ಉತ್ತಮ ಆರಂಭ ಪಡೆದಿತ್ತು.

ಚಿತ್ರಕ್ಕೆ ಸಿಕ್ಕ ಉತ್ತಮ ವಿಮರ್ಶೆ ಮತ್ತು ಪ್ರೇಕ್ಷಕರ ಮೆಚ್ಚುಗೆಯಿಂದಾಗಿ ವಿದೇಶಗಳಲ್ಲೂ ಸಿನಿಮಾ ಭರ್ಜರಿ ಕಲೆಕ್ಷನ್ ಮಾಡಿತು. ವೀಕೆಂಡ್‌ನಲ್ಲಿ 507 ಕೋಟಿ ರೂಪಾಯಿ ಗಳಿಸಿದ್ದ ಈ ಚಿತ್ರ, ವಾರದ ದಿನಗಳಲ್ಲೂ ದಾಖಲೆಯ ಗಳಿಕೆ ಕಂಡಿತು.

ಇದನ್ನು ಓದಿ: Ramayana Movie Box Office Collection: ಮೊದಲ ವಾರದಲ್ಲೇ 934 ಕೋಟಿ ಬಾಚಿಕೊಂಡ ‘ರಾಮಾಯಣ’; 1000 ಕೋಟಿ ಕ್ಲಬ್ಗೆ ಹೆಜ್ಜೆ

ಬುಧವಾರದ ವೇಳೆಗೆ ಏಳು ದಿನಗಳ ಅಂತ್ಯಕ್ಕೆ 935 ಕೋಟಿ ರೂಪಾಯಿ ಗ್ರಾಸ್ ಕಲೆಕ್ಷನ್ ಮಾಡಿತ್ತು. ಗುರುವಾರ ಮಧ್ಯಾಹ್ನದ ಹೊತ್ತಿಗೆ ಸ್ಪಾಟ್ ಬುಕಿಂಗ್‌ಗಳ ನೆರವಿನಿಂದ ಸಿನಿಮಾ 1,000 ಕೋಟಿ ರೂಪಾಯಿ ಮೈಲಿಗಲ್ಲನ್ನು ದಾಟಿದೆ.

Ramayana Movie Box Office: ಅತಿ ವೇಗವಾಗಿ 1,000 ಕೋಟಿ ರೂ. ಗಳಿಸಿದ ಮೂರನೇ ಸಿನಿಮಾ

ಭಾರತೀಯ ಚಿತ್ರರಂಗದ ಇತಿಹಾಸದಲ್ಲಿ ‘ರಾಮಾಯಣ’ 1000 ಕೋಟಿ ರೂ. ಗಳಿಸಿದ 11ನೇ ಭಾರತೀಯ ಸಿನಿಮಾವಾಗಿ ಹೊರಹೊಮ್ಮಿದೆ.

ಅತಿ ವೇಗವಾಗಿ 1000 ಕೋಟಿ ರೂ. ಗಳಿಸಿದ ಸಿನಿಮಾಗಳ ಪಟ್ಟಿಯಲ್ಲಿ ಈ ಚಿತ್ರ ಮೂರನೇ ಸ್ಥಾನದಲ್ಲಿದೆ. ‘ಪುಷ್ಪ 2’ ಮತ್ತು ‘ಧುರಂಧರ್’ ಕೇವಲ 7 ದಿನಗಳಲ್ಲಿ ಈ ಸಾಧನೆ ಮಾಡಿದ್ದರೆ, ‘ರಾಮಾಯಣ’ 8 ದಿನಗಳಲ್ಲಿ ಪೂರೈಸಿದೆ.

ಈ ಮೂಲಕ ‘ಬಾಹುಬಲಿ 2’, ‘ಆರ್‌ಆರ್‌ಆರ್’, ‘ಕೆಜಿಎಫ್ 2’, ‘ಜವಾನ್’ ಮತ್ತು ‘ಪಠಾಣ್’ ಚಿತ್ರಗಳ ದಾಖಲೆಯನ್ನು ರಾಮಾಯಣ ಸಿನಿಮಾ ಹಿಂದಿಕ್ಕಿದೆ.