☔ Weather
Bengaluru: ☀️ 20°C | AQI 141
Mysore: ☀️ 19°C | AQI 109
Mangalore: ☀️ 24°C | AQI 143
Bengaluru: ☀️ 20°C | AQI 141
☔ Weather
Bengaluru: ☀️ 20°C | AQI 141
Mysore: ☀️ 19°C | AQI 109
Mangalore: ☀️ 24°C | AQI 143
Bengaluru: ☀️ 20°C | AQI 141

TOXIC TRAILER: ‘ಟಾಕ್ಸಿಕ್’ ಟ್ರೇಲರ್ ಲಾಂಚ್‌ಗೆ ಮುಹೂರ್ತ ಫಿಕ್ಸ್: ಬಾಕ್ಸ್ ಆಫೀಸ್ ಶೇಕ್ ಮಾಡಲು ಬರ್ತಿದ್ದಾರೆ ಯಶ್…

'ಟಾಕ್ಸಿಕ್' ಟ್ರೇಲರ್ ಧಮಾಕಾಗೆ ಮುಹೂರ್ತ ಫಿಕ್ಸ್...

Photo Credits: @kvn.productions (Instagram)

ಸ್ಯಾಂಡಲ್‌ವುಡ್‌ನಿಂದ ಹಾಲಿವುಡ್‌ವರೆಗೂ ಜಾಗತಿಕ ಮಟ್ಟದಲ್ಲಿ ಸಖತ್ ಸದ್ದು ಮಾಡುತ್ತಿರುವ ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ‘ಟಾಕ್ಸಿಕ್: ಎ ಫೇರಿ ಟೇಲ್ ಫಾರ್ ಗ್ರೋನ್-ಅಪ್ಸ್’ ಸಿನಿಮಾದ ಟ್ರೇಲರ್ ಇಂದೇ ಬಿಡುಗಡೆಯಾಗುತ್ತಿದೆ.

ಚಿತ್ರತಂಡವು ಟ್ರೇಲರ್ ಅನಾವರಣದ ಅಧಿಕೃತ ಸಮಯವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳುವ ಮೂಲಕ ಕೋಟ್ಯಂತರ ಅಭಿಮಾನಿಗಳ ಕಾತುರವನ್ನು ಮತ್ತಷ್ಟು ಹೆಚ್ಚಿಸಿದೆ. ಬೆಂಕಿ ಹಾಗೂ ಭಾರಿ ಸ್ಫೋಟದ ನಡುವೆ ಮಾಸ್ ಮತ್ತು ರಗಡ್ ಲುಕ್‌ನಲ್ಲಿ ಯಶ್ ಎಂಟ್ರಿ ಕೊಡುತ್ತಿರುವ ಪೋಸ್ಟರ್ ಶೇರ್ ಮಾಡಿದ್ದು, ಪ್ರೇಕ್ಷಕರಲ್ಲಿ ರೋಮಾಂಚನ ಉಂಟುಮಾಡಿದೆ.

ಇಂದು ಸಂಜೆ 7:01ಕ್ಕೆ ಟ್ರೇಲರ್ ಲಾಂಚ್…

ಚಿತ್ರತಂಡ ಅಧಿಕೃತವಾಗಿ ಪ್ರಕಟಿಸಿರುವಂತೆ ಇಂದು ಸಂಜೆ ಸರಿಯಾಗಿ 7:01ಕ್ಕೆ ‘ಟಾಕ್ಸಿಕ್: ಎ ಫೇರಿ ಟೇಲ್ ಫಾರ್ ಗ್ರೋನ್-ಅಪ್ಸ್’ ಚಿತ್ರದ ಟ್ರೇಲರ್ ಬಿಡುಗಡೆಯಾಗಲಿದೆ. ಟ್ರೇಲರ್ ಬಿಡುಗಡೆಯ ಸಮಯವಾದ 7:01 (7+0+1=8) ರಲ್ಲೂ ಎಂಟರ ಸಂಖ್ಯೆಯ ಮ್ಯಾಜಿಕ್ ಮುಂದುವರಿದಿದೆ. ಪೋಸ್ಟರ್‌ನಲ್ಲಿ ಯಶ್ ಅವರ ‘ರಾಯ್’ ಪಾತ್ರದ ಮಾಸ್ ಹಾಗೂ ಸ್ಟೈಲಿಶ್ ಎಂಟ್ರಿ ಗೂಸ್‌ಬಂಪ್ಸ್ ತರಿಸುವಂತಿದೆ. ಯೂಟ್ಯೂಬ್ ಮತ್ತು ಇನ್‌ಸ್ಟಾಗ್ರಾಮ್‌ನಲ್ಲಿ ಟ್ರೇಲರ್ ನೋಡಲು ಜಾಗತಿಕ ಮಟ್ಟದಲ್ಲಿ ಅಭಿಮಾನಿಗಳು ಕಾಯುತ್ತಿದ್ದಾರೆ. ಟ್ರೇಲರ್ ರಿಲೀಸ್ ಆಗುತ್ತಿದ್ದಂತೆ ಹಲವು ಹಳೆಯ ದಾಖಲೆಗಳು ಧೂಳಿಪಟವಾಗುವುದು ಬಹುತೇಕ ಖಚಿತವಾಗಿದೆ. ಟ್ವಿಟರ್ ಸೇರಿದಂತೆ ಎಲ್ಲ ಮಾಧ್ಯಮಗಳಲ್ಲೂ ‘ಟಾಕ್ಸಿಕ್’ ಟ್ರೆಂಡಿಂಗ್‌ನಲ್ಲಿ ಪ್ರಥಮ ಸ್ಥಾನದಲ್ಲಿದೆ.

Photo Credits: @kvn.productions (Instagram)

‘ರಾಯ್’ ಮತ್ತು ‘ಟಿಕೆಟ್’ ಪಾತ್ರದಲ್ಲಿ ಯಶ್ ಗರ್ಜನೆ…

ಗೀತು ಮೋಹನ್‌ದಾಸ್ ನಿರ್ದೇಶನದ ಈ ಮೆಗಾ ಸಿನಿಮಾದಲ್ಲಿ ಯಶ್ ‘ರಾಯ್’ ಮತ್ತು ‘ಟಿಕೆಟ್’ ಎಂಬ ದ್ವಿಪಾತ್ರಗಳಲ್ಲಿ ಮಿಂಚಿದ್ದಾರೆ. ಕಿಯಾರಾ ಅಡ್ವಾಣಿ ‘ನಾಡಿಯಾ’ ಪಾತ್ರದಲ್ಲಿ ಹಾಗೂ ನಯನತಾರಾ ‘ಗಂಗಾ’ ಎಂಬ ಶಕ್ತಿಶಾಲಿ ಪಾತ್ರದಲ್ಲಿ ನಟಿಸಿದ್ದಾರೆ. ಹುಮಾ ಖುರೇಷಿ ‘ಎಲಿಜಬೆತ್’, ತಾರಾ ಸುತಾರಿಯಾ ‘ರೆಬೆಕ್ಕಾ’ ಮತ್ತು ರುಕ್ಮಿಣಿ ವಸಂತ್ ‘ಮೆಲಿಸ್ಸಾ’ ಆಗಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರವನ್ನು ಮೂಲತಃ ಕನ್ನಡ ಹಾಗೂ ಇಂಗ್ಲಿಷ್ ಭಾಷೆಗಳಲ್ಲಿ ನೇರವಾಗಿ ಚಿತ್ರೀಕರಿಸಲಾಗಿದೆ. ಅಲ್ಲದೆ ಹಿಂದಿ, ತೆಲುಗು, ತಮಿಳು ಮತ್ತು ಮಲಯಾಳಂ ಭಾಷೆಗಳಲ್ಲಿ ಅದ್ಧೂರಿಯಾಗಿ ಡಬ್ ಮಾಡಿ ಬಿಡುಗಡೆ ಮಾಡಲಾಗುತ್ತದೆ. ಪ್ರತಿಯೊಬ್ಬ ನಟ-ನಟಿಯರ ಪಾತ್ರಕ್ಕೂ ಸಿನಿಮಾದಲ್ಲಿ ಭಾರಿ ತೂಕ ಮತ್ತು ಪ್ರಾಮುಖ್ಯತೆ ನೀಡಲಾಗಿದೆ.

ಕೆವಿಎನ್ ಮತ್ತು ಮಾನ್‌ಸ್ಟರ್ ಮೈಂಡ್ ಜೋಡಿ…

ವೆಂಕಟ್ ಕೆ. ನಾರಾಯಣ ಹಾಗೂ ಯಶ್ ಅವರು ಕೆವಿಎನ್ ಪ್ರೊಡಕ್ಷನ್ಸ್ ಮತ್ತು ಮಾನ್‌ಸ್ಟರ್ ಮೈಂಡ್ ಕ್ರಿಯೇಷನ್ಸ್ ಅಡಿಯಲ್ಲಿ ನಿರ್ಮಿಸಿದ್ದಾರೆ. ‘ಕೆಜಿಎಫ್’ ಖ್ಯಾತಿಯ ರವಿ ಬಸ್ರೂರ್ ಅವರ ಹಿನ್ನೆಲೆ ಸಂಗೀತ ಈ ಚಿತ್ರಕ್ಕೂ ದೊಡ್ಡ ಆನೆಬಲ ತಂದಿದೆ. ಉಜ್ವಲ್ ಕುಲಕರ್ಣಿ ಅವರ ಚುರುಕಾದ ಸಂಕಲನ ದೃಶ್ಯಗಳಿಗೆ ಮತ್ತಷ್ಟು ವೇಗ ಮತ್ತು ಮೆರುಗು ನೀಡಿದೆ. ತಾಂತ್ರಿಕವಾಗಿ ಮತ್ತು ಕಥೆಯ ದೃಷ್ಟಿಯಿಂದ ಈ ಸಿನಿಮಾ ವಿಶ್ವ ದರ್ಜೆಯ ಮಟ್ಟದಲ್ಲಿ ಮೂಡಿಬಂದಿದೆ. ಇಂದಿನ ಟ್ರೇಲರ್ ಲಾಂಚ್ ಬಳಿಕ ಜಾಗತಿಕ ಚಿತ್ರರಂಗದ ಕಣ್ಣು ‘ಟಾಕ್ಸಿಕ್: ಎ ಫೇರಿ ಟೇಲ್ ಫಾರ್ ಗ್ರೋನ್-ಅಪ್ಸ್’ ಮೇಲಿರುವುದು ನಿಶ್ಚಿತ. ಆಗಸ್ಟ್ 26ರಂದು ಸಿನಿಮಾ ತೆರೆಕಾಣಲಿದ್ದು, ಬಾಕ್ಸ್ ಆಫೀಸ್‌ನಲ್ಲಿ ಹೊಸ ಚರಿತ್ರೆ ಸೃಷ್ಟಿಸಲು ಸಜ್ಜಾಗಿದೆ.