Jailer 2: ಸೂಪರ್‌ಸ್ಟಾರ್ ರಜನಿಕಾಂತ್ ಅಭಿನಯದ ‘ಜೈಲರ್ 2’ ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ ಭರ್ಜರಿ ಸದ್ದು ಮಾಡುತ್ತಿದೆ. ಬಿಡುಗಡೆಯಾದ ಮೊದಲ ವಾರದಲ್ಲೇ ಈ ಚಿತ್ರ ₹549 ಕೋಟಿಗೂ ಅಧಿಕ ಕಲೆಕ್ಷನ್ ಮಾಡಿ ಹೊಸ ದಾಖಲೆ ಬರೆದಿದೆ. ನಿರ್ಮಾಣ ಸಂಸ್ಥೆ ಸನ್ ಪಿಕ್ಚರ್ಸ್ ಅಧಿಕೃತವಾಗಿ ಪೋಸ್ಟರ್ ಬಿಡುಗಡೆ ಮಾಡುವ ಮೂಲಕ ಈ ವಿಚಾರವನ್ನು ಘೋಷಿಸಿದೆ.
ಮೊದಲ ವಾರದಲ್ಲೇ ₹549 ಕೋಟಿಗೂ ಅಧಿಕ ಹಣ ಗಳಿಕೆ
ನೆಲ್ಸನ್ ದಿಲೀಪ್ ಕುಮಾರ್ ನಿರ್ದೇಶನದ ಈ ಸಿನಿಮಾ ಅಕ್ಟೋಬರ್ 15ರಂದು ವಿಶ್ವಾದ್ಯಂತ ಅತ್ಯಂತ ವೈಭವದಿಂದ ಬಿಡುಗಡೆಯಾಗಿತ್ತು. ಮೊದಲ ವಾರದ ಕಲೆಕ್ಷನ್ ವಿಚಾರವಾಗಿ ಸಾಮಾಜಿಕ ಜಾಲತಾಣಗಳಲ್ಲಿ ಹಲವು ರೀತಿಯ ಅಂದಾಜುಗಳು ಹರಿದಾಡುತ್ತಿದ್ದವು. ಆದರೆ ಈಗ ಸನ್ ಪಿಕ್ಚರ್ಸ್ ಸಂಸ್ಥೆಯೇ ಅಧಿಕೃತ ಅಂಕಿಅಂಶಗಳನ್ನು ಹೊರಹಾಕಿದೆ. ತಮಿಳು ಚಿತ್ರವೊಂದು ತನ್ನ ಮೊದಲ ವಾರದಲ್ಲಿ ದಾಖಲಿಸಿದ ಅತಿ ದೊಡ್ಡ ಗಳಿಕೆಗಳಲ್ಲಿ ಇದು ಒಂದಾಗಿದೆ. ರಜನಿಕಾಂತ್ ಅವರ ಜನಪ್ರಿಯತೆ ಹಾಗೂ ಅನಿರುದ್ಧ್ ರವಿಚಂದರ್ ಅವರ ಸಂಗೀತ ಈ ಯಶಸ್ಸಿಗೆ ಪ್ರಮುಖ ಕಾರಣವಾಗಿದೆ.
1000 ಕೋಟಿ ಕ್ಲಬ್ ಸೇರುತ್ತಾ ‘ಜೈಲರ್ 2’ ಸಿನಿಮಾ?
ಜೈಲರ್ 2 ಚಿತ್ರದ ಸದ್ಯದ ಗಳಿಕೆ ಗಮನಿಸಿದರೆ ಮುಂದಿನ ದಿನಗಳಲ್ಲಿ ಇನ್ನಷ್ಟು ದೊಡ್ಡ ಮೊತ್ತ ಸಂಗ್ರಹಿಸುವ ಸಾಧ್ಯತೆಯಿದೆ. ತಮಿಳು ಚಿತ್ರರಂಗದಲ್ಲಿ ಇದುವರೆಗೆ ಯಾವುದೇ ಸಿನಿಮಾ ₹1000 ಕೋಟಿ ಕಲೆಕ್ಷನ್ ಗಡಿ ದಾಟಿಲ್ಲ. ಹೀಗಾಗಿ ಜೈಲರ್ 2 ಆ ಅಪರೂಪದ ಮೈಲಿಗಲ್ಲು ತಲುಪಬಹುದೇ ಎಂಬ ತೀವ್ರ ಕುತೂಹಲ ಮೂಡಿದೆ. ಚಿತ್ರದ ಮುಂದಿನ ವಾರಗಳ ಪ್ರದರ್ಶನ ಹಾಗೂ ಪ್ರೇಕ್ಷಕರ ಪ್ರತಿಕ್ರಿಯೆ ಅಂತಿಮ ಗಳಿಕೆಯ ಮೇಲೆ ಪರಿಣಾಮ ಬೀರಲಿದೆ.
ಇದನ್ನು ಓದಿ: Jailer 2: ಅಬ್ಬಬ್ಬಾ! ಕಮ್ಮಿ ಆಗಿಲ್ಲ ‘ಜೈಲರ್ 2’ ಟಿಕೆಟ್ ರೇಟ್
Jailer 2: ಕಾಲಿವುಡ್‌ನಲ್ಲಿ ಸೃಷ್ಟಿಯಾಗುತ್ತಾ ಹೊಸ ಇತಿಹಾಸ?
ರಜನಿಕಾಂತ್ ಅಭಿನಯದ ‘2.0’ ಸಿನಿಮಾ ತಮಿಳು ಚಿತ್ರರಂಗದ ಅತ್ಯಂತ ದೊಡ್ಡ ವಾಣಿಜ್ಯ ಯಶಸ್ಸುಗಳಲ್ಲಿ ಒಂದಾಗಿದೆ. ಈಗ ಜೈಲರ್ 2 ಕೂಡ ಭರ್ಜರಿ ಗಳಿಕೆ ಮಾಡುತ್ತಿರುವುದರಿಂದ ಹಳೆಯ ಎಲ್ಲಾ ದಾಖಲೆಗಳು ಮುರಿಯುವ ಲಕ್ಷಣ ಕಾಣಿಸುತ್ತಿದೆ. ಚಿತ್ರದಲ್ಲಿ ವಿದ್ಯಾ ಬಾಲನ್, ಎಸ್.ಜೆ. ಸೂರ್ಯ, ಮಿಥುನ್ ಚಕ್ರವರ್ತಿ ಮತ್ತು ರಮ್ಯಾ ಕೃಷ್ಣನ್ ಸೇರಿದಂತೆ ದೊಡ್ಡ ತಾರಾಗಣವೇ ನಟಿಸಿದೆ. ಮುಂದಿನ ದಿನಗಳಲ್ಲಿ ಈ ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ ಎಷ್ಟು ಕೋಟಿ ಲೂಟಿ ಮಾಡಲಿದೆ ಎಂಬುದನ್ನು ಕಾದು ನೋಡಬೇಕಿದೆ.
