☔ Weather
Bengaluru: ☀️ 24°C | AQI 113
Mysore: ☀️ 22°C | AQI 110
Mangalore: ☀️ 27°C | AQI 172
Bengaluru: ☀️ 24°C | AQI 113
☔ Weather
Bengaluru: ☀️ 24°C | AQI 113
Mysore: ☀️ 22°C | AQI 110
Mangalore: ☀️ 27°C | AQI 172
Bengaluru: ☀️ 24°C | AQI 113

INDIA : ಸಾಕ್ಷ್ಯ ಸಮೇತ ರಾಷ್ಟ್ರಪತಿ ಬಳಿ ಮತ್ತೆ I.N.D.I.A. ನಿಯೋಗ – ದೆಹಲಿಯಿಂದ ರಾಜ್ಯಗಳಿಗೂ ಹೋರಾಟ

Image of INDIA Alliance
ವೋಟ್ ಚೋರಿ ದಾಖಲೆಗಳನ್ನು ಹಿಡಿದುಕೊಂಡು ಇಂಡಿಯಾ (INDIA Alliance) ಮೈತ್ರಿಕೂಟದ ನಾಯಕರು ಮತ್ತೊಮ್ಮೆ ರಾಷ್ಟ್ರಪತಿ ಭವನದತ್ತ ಹೆಜ್ಜೆ ಹಾಕಲು ಸಿದ್ಧತೆ ಮಾಡಿಕೊಂಡಿದ್ದಾರೆ.

ಮುಖ್ಯಾಂಶಗಳು

  • ವೋಟ್ ಚೋರಿ ವಿರುದ್ಧ ಇಂಡಿಯಾ ಪ್ರೊಟೆಸ್ಟ್
  • ರಾಜ್ಯಗಳಿಗೂ ವ್ಯಾಪಿಸಲಿದೆ ಹೋರಾಟ

ನವದೆಹಲಿ : ವೋಟ್ ಚೋರಿ ಆರೋಪಕ್ಕೆ ಸಂಬಂಧಿಸಿದ ದಾಖಲೆಗಳನ್ನು ಹಿಡಿದುಕೊಂಡು ಇಂಡಿಯಾ (INDIA Alliance) ಮೈತ್ರಿಕೂಟದ ನಾಯಕರು ಮತ್ತೊಮ್ಮೆ ರಾಷ್ಟ್ರಪತಿ ಭವನದತ್ತ ಹೆಜ್ಜೆ ಹಾಕಲು ಸಿದ್ಧತೆ ಮಾಡಿಕೊಂಡಿದ್ದಾರೆ. ನವದೆಹಲಿಯಲ್ಲಿ ಈ ನಿರ್ಧಾರ ಹೊರಬಿದ್ದಿದ್ದು, ಚುನಾವಣಾ ಅಕ್ರಮದ ವಿಚಾರದಲ್ಲಿ ಮುಖ್ಯ ಚುನಾವಣಾ ಆಯುಕ್ತ ಜ್ಞಾನೇಶ್ ಕುಮಾರ್ ಅವರ ವಿರುದ್ಧದ ಹೋರಾಟವನ್ನು ಇನ್ನಷ್ಟು ತೀವ್ರಗೊಳಿಸುವ ಉದ್ದೇಶ ಇದರ ಹಿಂದಿದೆ. ಅಕ್ಟೋಬರ್ 9 ರಂದು ವಿರೋಧ ಪಕ್ಷಗಳ ತಂಡ ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರನ್ನು ಭೇಟಿ ಮಾಡಿದ್ದಾಗ, ಆರೋಪಗಳನ್ನು ಸಾಬೀತುಪಡಿಸುವಂತಹ ಸ್ಪಷ್ಟ ಪುರಾವೆಗಳನ್ನು ನೀಡುವಂತೆ ಅವರು ಸೂಚಿಸಿದ್ದರು. ಅದಕ್ಕೆ ಪ್ರತಿಯಾಗಿ ಮತದಾರರ ಪಟ್ಟಿಯಿಂದ ಅನ್ಯಾಯವಾಗಿ ಹೆಸರುಗಳನ್ನು ಕೈಬಿಡಲಾಗಿದೆ ಎಂಬುದಕ್ಕೆ ಬಲವಾದ ದಾಖಲೆಗಳನ್ನು ಸಿದ್ಧಪಡಿಸಿರುವ ಮೈತ್ರಿ ನಾಯಕರು, ಶೀಘ್ರದಲ್ಲೇ ಮತ್ತೆ ಭೇಟಿಗೆ ಅವಕಾಶ ಕೋರಲು ತೀರ್ಮಾನಿಸಿದ್ದಾರೆ.

ಪ್ರತಿ ರಾಜ್ಯದಲ್ಲೂ ಹೋರಾಟಕ್ಕೆ ಪ್ಲಾನ್ !

ಈ ಸಂದರ್ಭದಲ್ಲಿ ದೆಹಲಿಯ ರಾಮ್‌ಲೀಲಾ ಮೈದಾನದಲ್ಲಿ ಬೃಹತ್ ಸಮಾವೇಶ ನಡೆಸಲು ವಿರೋಧ ಪಕ್ಷಗಳು ಯೋಜನೆ ಹಾಕಿವೆ. ಲೋಕಸಭೆಯ ವಿರೋಧ ಪಕ್ಷದ ನಾಯಕ ರಾಹುಲ್ ಗಾಂಧಿ ನೇತೃತ್ವದಲ್ಲಿ ಮಿಂಟೋ ರಸ್ತೆಯಿಂದ ರಾಮ್‌ಲೀಲಾ ಮೈದಾನದವರೆಗೆ ಮೆರವಣಿಗೆ ಸಾಗಲಿದೆ. ಕಾಂಗ್ರೆಸ್ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಅವರ ಮನೆಯಿಂದ ಪ್ರಮುಖ ನಾಯಕರು ಹೊರಡಲಿದ್ದು, ಸಂಸದರು ಕಾನ್‌ಸ್ಟಿಟ್ಯೂಷನ್ ಕ್ಲಬ್‌ನಲ್ಲಿ ಜಮಾಯಿಸಿ ಮೆರವಣಿಗೆಯಲ್ಲಿ ಪಾಲ್ಗೊಳ್ಳಲಿದ್ದಾರೆ. ದೆಹಲಿಯಿಂದ ಆರಂಭವಾದ ಈ ಪ್ರತಿಭಟನೆಯನ್ನು ಮುಂದಿನ ತಿಂಗಳಿಂದ ರಾಜ್ಯಗಳಿಗೂ ವಿಸ್ತರಿಸಲು ನಿರ್ಧರಿಸಲಾಗಿದ್ದು, ಆಯಾ ರಾಜ್ಯಗಳಲ್ಲಿ ಪ್ರಮುಖ ಮೈತ್ರಿ ಪಕ್ಷಗಳೇ ಮುನ್ನಡೆಸಲಿವೆ. ಕೇರಳದಂತಹ ರಾಜ್ಯಗಳಲ್ಲಿ ಪ್ರತ್ಯೇಕ ಹೋರಾಟ ರೂಪಿಸಲಾಗಿದೆ. ಮಳೆಯ ಕಾರಣ ಮುಂದೂಡಿದ್ದ ಸಿಇಸಿ ವಿರುದ್ಧದ ಪಬ್ಲಿಕ್ ಇಂಪೀಚ್‌ಮೆಂಟ್ ಕಾರ್ಯಕ್ರಮವನ್ನು ನಡೆಸಲು ತೀರ್ಮಾನಿಸಲಾಗಿದ್ದು, ಪ್ರಮುಖ ಚುನಾವಣೆಗಳನ್ನು ರದ್ದುಗೊಳಿಸಬೇಕು, ಬ್ಯಾಲೆಟ್ ಪೇಪರ್ ಪದ್ಧತಿಗೆ ಹಿಂತಿರುಗಬೇಕು ಮತ್ತು ಇವಿಎಂ ಅಕ್ರಮ ತಡೆಯಬೇಕು ಎಂಬುದು ಪ್ರಮುಖ ಬೇಡಿಕೆಗಳಾಗಿವೆ.

ಇದನ್ನೂ ಓದಿ : ಎಸ್.ವೈ & ದೇವೇಗೌಡರ ಧಿಡೀರ್ ಭೇಟಿ – ಪರಿಷತ್ ಗೆಲುವಿನ ಬಳಿಕ ಯಡಿಯೂರಪ್ಪು ಆಕ್ಟಿವ್

ಈ ಬೆಳವಣಿಗೆ ಕೇವಲ ಆರೋಪ ಪ್ರತ್ಯಾರೋಪಕ್ಕೆ ಸೀಮಿತವಾಗದೆ, ಚುನಾವಣಾ ವ್ಯವಸ್ಥೆಯ ಮೇಲಿನ ಜನರ ನಂಬಿಕೆಗೆ ಸಂಬಂಧಿಸಿದ ದೊಡ್ಡ ಪ್ರಶ್ನೆಯಾಗಿ ಬೆಳೆದಿದೆ. ರಾಷ್ಟ್ರಪತಿಗಳ ಬಳಿ ಸಾಕ್ಷ್ಯ ನೀಡುವುದು ಸಾಂವಿಧಾನಿಕ ಹಾದಿಯನ್ನು ಹಿಡಿದುಕೊಂಡು ಒತ್ತಡ ಹೇರುವ ತಂತ್ರವಾದರೆ, ರಾಮ್‌ಲೀಲಾ ಮೈದಾನದ ಸಮಾವೇಶ ಮತ್ತು ರಾಜ್ಯಮಟ್ಟದ ಹೋರಾಟ ಬೀದಿ ಹೋರಾಟದ ಮೂಲಕ ಜನಾಭಿಪ್ರಾಯ ರೂಪಿಸುವ ಪ್ರಯತ್ನವಾಗಿದೆ. ವಿರೋಧ ಪಕ್ಷಗಳು ನಿಜವಾದ ದಾಖಲೆಗಳನ್ನು ಮುಂದಿಟ್ಟರೆ, ಆಯೋಗ ಉತ್ತರಿಸಬೇಕಾದ ಅನಿವಾರ್ಯತೆ ಸೃಷ್ಟಿಯಾಗುತ್ತದೆ. ಇಲ್ಲದಿದ್ದರೆ ಇದು ಕೇವಲ ರಾಜಕೀಯ ಪ್ರದರ್ಶನವಾಗಿ ಉಳಿಯುವ ಅಪಾಯವಿದೆ. ಅದೇ ರೀತಿ ಚುನಾವಣಾ ಆಯೋಗ ಪಾರದರ್ಶಕವಾಗಿ ಸ್ಪಷ್ಟನೆ ನೀಡದಿದ್ದರೆ, ಅನುಮಾನಗಳು ಇನ್ನಷ್ಟು ಗಟ್ಟಿಯಾಗುತ್ತವೆ. ಹೀಗಾಗಿ ಮುಂದಿನ ದಿನಗಳಲ್ಲಿ ಈ ಹೋರಾಟ ಮತದಾರರ ಪಟ್ಟಿ ಪರಿಷ್ಕರಣೆ, ಇವಿಎಂ ವಿಶ್ವಾಸಾರ್ಹತೆ ಮತ್ತು ಚುನಾವಣಾ ಆಯೋಗದ ಸ್ವಾಯತ್ತತೆ ಎಂಬ ಮೂರು ವಿಚಾರಗಳ ಸುತ್ತ ತೀವ್ರ ಚರ್ಚೆಗೆ ಕಾರಣವಾಗುವುದು ಖಚಿತವಾಗಿದೆ.