BBK 13: ‘ಬಿಗ್ ಬಾಸ್ ಕನ್ನಡ ಸೀಸನ್ 13’ ರಿಯಾಲಿಟಿ ಶೋ ದಿನದಿಂದ ದಿನಕ್ಕೆ ರೋಚಕ ತಿರುವುಗಳನ್ನು ಪಡೆದುಕೊಳ್ಳುತ್ತಿದೆ. ವಾರದ ಕಥೆಯ ಹಾದಿಯಲ್ಲಿ ವೀಕೆಂಡ್ ಪಂಚಾಯಿತಿಯ ವೇಳೆ ಕಿಚ್ಚ ಸುದೀಪ್ ಅವರು ಸ್ಪರ್ಧಿಗಳ ವಿರುದ್ಧ ತೀವ್ರ ಆಕ್ರೋಶ ಹೊರಹಾಕಿದ್ದಾರೆ.
ಮನೆಯಲ್ಲಿ ನಡೆಯುವ ಟಾಸ್ಕ್ ನಿಯಮಗಳನ್ನು ಸರಿಯಾಗಿ ಅರ್ಥಮಾಡಿಕೊಳ್ಳದೆ ಆಟವನ್ನು ಹಾಳುಮಾಡುತ್ತಿರುವ ಸ್ಪರ್ಧಿಗಳಿಗೆ ಸುದೀಪ್ ಖಡಕ್ ಎಚ್ಚರಿಕೆ ನೀಡಿದ್ದಾರೆ. ಅಲ್ಲದೆ, ತಮಗೂ ಕೂಡ ಆಟದಲ್ಲಿ ಅಸಡ್ಡೆ ತೋರುವ ಸ್ಪರ್ಧಿಗಳನ್ನು ಮನೆಯಿಂದ ನೇರವಾಗಿ ಹೊರಗೆ ಕಳಿಸುವ ಅಧಿಕಾರವಿದೆ ಎಂದು ಸ್ಪಷ್ಟಪಡಿಸಿದ್ದಾರೆ.
ಗೇಮ್ ಅರ್ಥವಾಗಿಲ್ಲ ಎಂದ ಜಗ್ಗ ಮಮ್ಮಿಗೆ ಸುದೀಪ್ ಸಿಟ್ಟು
ಶನಿವಾರದ ಎಪಿಸೋಡಿನಲ್ಲಿ ಆಟದ ಬಗ್ಗೆ ಹಾಗೂ ಟಾಸ್ಕ್ ನಿಯಮಗಳ ಬಗ್ಗೆ ಸುದೀಪ್ ಕೆಲ ಪ್ರಶ್ನೆಗಳನ್ನು ಕೇಳಿದರು. ಈ ವೇಳೆ ಸ್ಪರ್ಧಿ ಜಗ್ಗ ಮಮ್ಮಿ ಅವರಿಗೆ ಪ್ರಶ್ನೆ ಸರಿಯಾಗಿ ಅರ್ಥವಾಗದೆ ತಮಗೆ ತೋಚಿದಂತೆ ಉತ್ತರ ನೀಡಿದರು. ಅದರಲ್ಲೂ ಮುಂದುವರಿದು “ನನಗೆ ಇನ್ನೂ ಗೇಮು ಸರಿಯಾಗಿ ಅರ್ಥವಾಗಿಲ್ಲ” ಎಂದು ಹೇಳಿಕೆ ನೀಡಿದರು. ಇಷ್ಟು ವಾರಗಳು ಕಳೆದರೂ ಆಟದ ಸ್ಪಷ್ಟತೆ ಇಲ್ಲದಿರುವುದನ್ನು ನೋಡಿ ಸುದೀಪ್ ತೀವ್ರ ಕೋಪಗೊಂಡರು. “ಕೂಡಲೇ ಹೋಗಿ ಸೂಟ್ಕೇಸ್ ರೆಡಿ ಮಾಡಿಕೊಳ್ಳಿ, ಐದು ನಿಮಿಷದಲ್ಲಿ ಮನೆಯಿಂದ ಹೊರಗೆ ಬನ್ನಿ” ಎಂದು ಗರಂ ಆದರು. ಸುದೀಪ್ ಅವರ ಈ ಮಾತಿನಿಂದ ಜಗ್ಗ ಮಮ್ಮಿಗೆ ಹಾಗೂ ಇಡೀ ಮನೆಗೆ ದೊಡ್ಡ ಶಾಕ್ ಕಾದಿತ್ತು.
ಇದನ್ನು ಓದಿ: BBK 13: ‘ಎಲ್ಲರೂ ದಡ್ಡರೆ, ಒಳಗೆ ಡ್ರಾಮಾ ಕ್ಲಾಸ್ ನಡೀತಿದ್ಯಾ?’; ಟಾಸ್ಕ್ ಹಾಳುಮಾಡಿದ ಸ್ಪರ್ಧಿಗಳಿಗೆ ಕಿಚ್ಚನ ಕ್ಲಾಸ್
“ಹೊರಗೆ ಕಳಿಸುವ ಅಧಿಕಾರ ನನಗೂ ಇದೆ” ಎಂದ ಕಿಚ್ಚ ಸುದೀಪ್
ನಂತರ ಮನೆಯ ಎಲ್ಲ ಸ್ಪರ್ಧಿಗಳನ್ನುದ್ದೇಶಿಸಿ ಮಾತನಾಡಿದ ಸುದೀಪ್, “ಯಾರಿಗೆ ಇನ್ನೂ ಗೇಮ್ ಅರ್ಥವಾಗಿಲ್ಲವೋ ಅವರು ಕೂಡಲೇ ಹೊರಗೆ ಬನ್ನಿ, ನನಗೆ ಯಾವುದೇ ಬೇಸರ ಇಲ್ಲ” ಎಂದರು. “ಈ ಬಾರಿ ನನಗೆ ಇಬ್ಬರು ಮೂವರನ್ನು ಹೊರಗೆ ಕಳಿಸುವ ಆಸೆ ಇದೆ, ಆ ಅಧಿಕಾರ ನನಗೂ ಇದೆ. ನಾನೂ ಸಹ ಗೇಟ್ ತೆರೆಯಬಲ್ಲೆ” ಎಂದು ನೇರವಾಗಿ ಎಚ್ಚರಿಕೆ ನೀಡಿದರು. ಕಳೆದ ವಾರ ಮಾಡರ್ನ್ ಕವಿ ಮಂಜು ಹೊರ ಹೋದಾಗ ತಾವೂ ಗೇಟ್ ತೆರೆಯುವುದಾಗಿ ಹೇಳಿದ್ದನ್ನು ಸುದೀಪ್ ಈ ವೇಳೆ ನೆನಪಿಸಿದರು. ಸ್ಪರ್ಧಿಗಳು ಆಟವನ್ನು ಗಂಭೀರವಾಗಿ ಪರಿಗಣಿಸದೆ ಇರುವುದೇ ಈ ಕೋಪಕ್ಕೆ ಕಾರಣವಾಗಿತ್ತು.
BBK 13: ಸೂಟ್ಕೇಸ್ ರೆಡಿ ಮಾಡಿದ ಜಗ್ಗ ಮಮ್ಮಿ ಮತ್ತು ವಾರದ ಎಲಿಮಿನೇಷನ್
ಸುದೀಪ್ ಅವರ ಮಾತಿನಂತೆ ಗಾಬರಿಗೊಂಡ ಜಗ್ಗ ಮಮ್ಮಿ ತಮ್ಮ ಸೂಟ್ಕೇಸ್ ಅನ್ನು ರೆಡಿ ಮಾಡಿಕೊಂಡು ಬಾಗಿಕೊಂಡು ಬಂದರು. ಆದರೆ ಸುದೀಪ್ ಕೊನೆಯಲ್ಲಿ ಅವರನ್ನು ತಡೆದು ಮನೆಯಲ್ಲೇ ಉಳಿಯಲು ಸೂಚಿಸಿದರು. ಸದ್ಯ ಜಗ್ಗ ಮಮ್ಮಿ ಸೇರಿದಂತೆ ಪ್ರಮುಖ ಸ್ಪರ್ಧಿಗಳು ಈ ವಾರ ನಾಮಿನೇಷನ್ ಪಟ್ಟಿಯಲ್ಲಿದ್ದಾರೆ. ಈ ವಾರದ ಅಂತ್ಯದಲ್ಲಿ ಮನೆಯಿಂದ ಹೊರಹೋಗುವ ಅತಿಥಿ ಯಾರೆಂಬುದು ಭಾನುವಾರದ ಎಪಿಸೋಡಿನಲ್ಲಿ ಅಧಿಕೃತವಾಗಿ ತಿಳಿಯಲಿದೆ. ಒಟ್ಟಿನಲ್ಲಿ ಈ ಬಾರಿಯ ವೀಕೆಂಡ್ ಪಂಚಾಯಿತಿ ಸ್ಪರ್ಧಿಗಳಿಗೆ ದೊಡ್ಡ ಎಚ್ಚರಿಕೆಯಂಟಾಗಿದೆ.
