☔ Weather
Bengaluru: ☀️ 23°C | AQI 115
Mysore: ☀️ 21°C | AQI 108
Mangalore: ☀️ 26°C | AQI 162
Bengaluru: ☀️ 23°C | AQI 115
☔ Weather
Bengaluru: ☀️ 23°C | AQI 115
Mysore: ☀️ 21°C | AQI 108
Mangalore: ☀️ 26°C | AQI 162
Bengaluru: ☀️ 23°C | AQI 115

Bigg Boss 13: ದೊಡ್ಮನೆಯಲ್ಲಿ ಶುರುವಾಯ್ತಾ ಹೊಸ ಲವ್ ಸ್ಟೋರಿ?

Bigg Boss 13: Thandav Ram and Kavya Gowda’s Cute Chemistry Sparks New Love Rumors
Bigg Boss 13: ದೊಡ್ಮನೆಯಲ್ಲಿ ತಾಂಡವ್ ರಾಮ್ ಮತ್ತು ಕಾವ್ಯ ಗೌಡ ನಡುವೆ ಹೊಸ ಲವ್ ಸ್ಟೋರಿ ಶುರುವಾಗಿದೆಯಾ?

ಬಿಗ್ ಬಾಸ್ (Bigg Boss 13)ಮನೆಯಲ್ಲಿ ದಿನಕ್ಕೊಂದು ಹೊಸ ತಿರುವು ಸಿಗುತ್ತಿದೆ. ದೊಡ್ಮನೆಯಲ್ಲಿ ಆಟ ಮತ್ತು ಜಗಳಗಳ ನಡುವೆ ಹೊಸ ಕ್ರಶ್ ಕಥೆಯೊಂದು ಶುರುವಾದಂತೆ ಕಾಣಿಸುತ್ತಿದೆ. ಈ ಬಾರಿ ತಾಂಡವ್ ರಾಮ್ ಮತ್ತು ಕಾವ್ಯ ಗೌಡ ಅವರ ನಡುವೆ ವಿಶೇಷ ಕೆಮಿಸ್ಟ್ರಿ ಶುರುವಾಗಿದೆ.

ತಾಂಡವ್ ರಾಮ್ ಮತ್ತು ಕಾವ್ಯ ಗೌಡ ಅವರ ನಡೆ-ನುಡಿಗಳು ಎಲ್ಲರ ಗಮನ ಸೆಳೆಯುತ್ತಿವೆ. ತಾಂಡವ್ ರಾಮ್ ಆಡುವ ಪ್ರತಿಯೊಂದು ಮಾತಿಗೂ ಕಾವ್ಯ ಗೌಡ ನಾಚಿಕೊಳ್ಳುತ್ತಿದ್ದಾರೆ. ತಾಂಡವ್ ಹೇಳುವ ವರ್ಣನೆಗೆ ತಕ್ಕಂತೆ ಕಾವ್ಯ ಕೊಡುತ್ತಿರುವ ಎಕ್ಸ್‌ಪ್ರೆಷನ್‌ಗಳು ಪ್ರೇಕ್ಷಕರಿಗೆ ಸಖತ್ ಇಷ್ಟವಾಗುತ್ತಿವೆ.

ಈ ಕುತೂಹಲಕಾರಿ ಕ್ಷಣಗಳ ವಿಡಿಯೋ ಪ್ರೋಮೋ ಈಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ‘ಎಲ್ಲವೂ ಕಾವ್ಯಮಯ’ ಎಂಬ ಸಾಲಿನೊಂದಿಗೆ ಕಲರ್ಸ್ ಕನ್ನಡದ ಇನ್‌ಸ್ಟಾಗ್ರಾಮ್ ಪೇಜ್‌ನಲ್ಲಿ ಈ ವಿಡಿಯೋ ಹಂಚಿಕೊಳ್ಳಲಾಗಿದೆ. ಈ ಪ್ರೋಮೋ ಬಿಗ್ ಬಾಸ್ ವೀಕ್ಷಕರಲ್ಲಿ ಭಾರಿ ಕುತೂಹಲ ಮೂಡಿಸಿದೆ.

ತಾಂಡವ್ ರಾಮ್ ವರ್ಣನೆಗೆ ಕಾವ್ಯ ಗೌಡ ಫುಲ್ ಫ್ಲಾಟ್

ಸೆಪ್ಟೆಂಬರ್ 17ರ ಈ ಪ್ರೋಮೋದಲ್ಲಿ ತಾಂಡವ್ ರಾಮ್ ಮತ್ತು ಕಾವ್ಯ ನಡುವಿನ ಮಾತುಕತೆ ತಮಾಷೆಯಾಗಿದೆ. ತಾಂಡವ್ ತಮ್ಮ ಸೀರೆ ಶೋರೂಮ್‌ಗೆ ಒಬ್ಬ ಒಳ್ಳೆ ಮಾಡೆಲ್ ಬೇಕಾಗಿದ್ದಾರೆ ಎಂದು ಹೇಳುತ್ತಾರೆ. ಅದಕ್ಕೆ ಗಗನ್ ಚಿನ್ನಪ್ಪ, ‘ನಮ್ಮ ಕಾವ್ಯಾಕ್ಕಿಂತ ಒಳ್ಳೆ ಬ್ಯೂಟಿ ಬೇಕಾ?’ ಎಂದು ಕಾಲೆಳೆಯುತ್ತಾರೆ.

ನಂತರ ತಾಂಡವ್, ಹುಡುಗಿ ಮೈಮಾಟ ಚೆನ್ನಾಗಿರಬೇಕು ಮತ್ತು ಕಾಮನಬಿಲ್ಲಂತ ಹುಬ್ಬು ಇರಬೇಕು ಎಂದು ಬಣ್ಣಿಸುತ್ತಾರೆ. ಇದನ್ನು ಕೇಳಿ ಪಕ್ಕದಲ್ಲಿದ್ದ ಕಿರಣ್ ಶಾಸ್ತ್ರಿ, ‘ಕಾಮನಬಿಲ್ಲು ಆಕಾಶದಲ್ಲಿ ಇರುತ್ತಲ್ಲವೇ?’ ಎಂದು ತಮಾಷೆಯಾಗಿ ಪ್ರಶ್ನಿಸುತ್ತಾರೆ. ಈ ವೇಳೆ ಕಾವ್ಯ ಗೌಡ ನೀಡಿದ ಮುದ್ದಾದ ಎಕ್ಸ್‌ಪ್ರೆಷನ್‌ಗಳು ಪ್ರೋಮೋದ ಹೈಲೈಟ್ ಆಗಿವೆ.

ಇದು ಕೇವಲ ಕ್ರಶಾ ಅಥವಾ ಪ್ರೀತಿಯ ಆರಂಭವೇ?

ಪ್ರಸ್ತುತ ಬಿಗ್ ಬಾಸ್ ಮನೆಯಲ್ಲಿ ತಾಂಡವ್ ರಾಮ್ (Thandav Ram) ಮತ್ತು ಕಾವ್ಯ ಗೌಡ (Kavya Gowda) ಇಬ್ಬರೂ ಸಿಂಗಲ್ ಆಗಿದ್ದಾರೆ. ಹೀಗಾಗಿ ಇವರ ನಡುವೆ ನಿಜವಾಗಿಯೂ ಪ್ರೀತಿ ಚಿಗುರುತ್ತಿದೆಯೇ ಎಂಬ ಚರ್ಚೆ ಶುರುವಾಗಿದೆ. ಇವರ ವರ್ತನೆಗಳನ್ನು ನೋಡಿದರೆ ಮನೆಯಲ್ಲಿ ಹೊಸ ಕ್ರಶ್ ಸ್ಟೋರಿ ಶುರುವಾಗಿದೆ ಅನಿಸುತ್ತದೆ.

ಆದರೆ ಬಿಗ್ ಬಾಸ್ ಮನೆಯಲ್ಲಿ ಹುಟ್ಟುವ ಪ್ರೀತಿ ಎಷ್ಟು ದಿನ ಇರುತ್ತದೆ ಎಂಬ ಪ್ರಶ್ನೆ ಇದ್ದೇ ಇದೆ. ದೊಡ್ಮನೆಯಲ್ಲಿ ಅರಳುವ ಅನೇಕ ಪ್ರೇಮ ಕಥೆಗಳು ಶೋ ಮುಗಿದ ನಂತರ ಮುಂದುವರಿಯುವುದು ಕಷ್ಟ. ಹೀಗಾಗಿ ಇವರಿಬ್ಬರ ಬಂಧ ಎಲ್ಲಿಯವರೆಗೆ ಸಾಗುತ್ತದೆ ಎಂಬುದನ್ನು ಕಾದು ನೋಡಬೇಕಿದೆ.

ದೊಡ್ಮನೆಯಲ್ಲಿ ಜೋರಾಗಿದೆ ಬಿಗ್ ಗೇಮ್

ಇನ್ನೊಂದೆಡೆ ಬಿಗ್ ಬಾಸ್ (Bigg Boss 13) ಮನೆಯಲ್ಲಿ ಸ್ಪರ್ಧಿಗಳ ನಡುವೆ ಆಟ ಮತ್ತು ಸ್ಪರ್ಧೆ ಜೋರಾಗಿದೆ. ನಾಮಿನೇಷನ್ ಮತ್ತು ಜಗಳಗಳು ಒಂದು ಹಂತಕ್ಕೆ ತಲುಪಿವೆ. ಆಟದ ಒತ್ತಡದಿಂದಾಗಿ ಕಿರಣ್ ಶಾಸ್ತ್ರಿ ಕಣ್ಣೀರಿಟ್ಟ ಸನ್ನಿವೇಶವೂ ನಡೆದಿದೆ.

ಮತ್ತೊಂದೆಡೆ ಆಸಿಯಾ ತಮ್ಮ ಉತ್ತಮ ಆಟದ ಮೂಲಕ ಗೆಲುವು ಸಾಧಿಸಿದ್ದಾರೆ. ಇನ್ನುಳಿದಂತೆ ಎಲ್ಲಾ ಸ್ಪರ್ಧಿಗಳು ಮುಖ್ಯ ಮನೆಗೆ ತಲುಪಿದ್ದಾರೆ. ಪ್ರಸ್ತುತ ಯಾರೂ ವಿಮಾನದ ಭಾಗದಲ್ಲಿ ಉಳಿದಿಲ್ಲ. ಬಿಗ್ ಬಾಸ್ ಮನೆಯ ಪ್ರತಿಯೊಂದು ಕ್ಷಣವೂ ಈಗ ರೋಚಕವಾಗುತ್ತಿದೆ.