ದಿನಭವಿಷ್ಯ: ಇಂದು ಈ ರಾಶಿಯವರು ಅತಿಯಾದ ತೊಂದರೆಯಿಂದ ದೈವಕ್ಕೆ ಶರಣಾಗುವರು; ನಿಮ್ಮ ರಾಶಿ ಫಲ ಹೇಗಿದೆ?

Photo Credits: AI Generated

ಸೆಪ್ಟೆಂಬರ್ 10, 2026 ರ ನಿತ್ಯ ಭವಿಷ್ಯವು ನಿಮ್ಮ ರಾಶಿ ಫಲವನ್ನು ವಿವರವಾಗಿ ತಿಳಿಸುತ್ತದೆ. ಮೇಷದಿಂದ ಮೀನದವರೆಗಿನ ಎಲ್ಲಾ 12 ರಾಶಿಗಳಿಗೆ ಇಂದು ಪ್ರೀತಿ, ವೃತ್ತಿ, ಹಣಕಾಸು ಮತ್ತು ಆರೋಗ್ಯ ಹೇಗಿರಲಿದೆ ಎಂಬುದರ ಸಂಪೂರ್ಣ ಮಾಹಿತಿ ಇಲ್ಲಿದೆ. ಸವಾಲುಗಳನ್ನು ಎದುರಿಸುವ ಧೈರ್ಯ, ನಿರ್ಧಾರಗಳು ಹಾಗೂ ದಿನದ ಆರ್ಥಿಕ ಸ್ಥಿತಿಯ ಕುರಿತು ಮಾರ್ಗದರ್ಶನ ಇಲ್ಲಿದೆ.

ಶಾಲಿವಾಹನ ಶಕವರ್ಷ 1949ರ ದಕ್ಷಿಣಾಯನ, ವರ್ಷ ಋತುವಿನ ಶ್ರಾವಣ ಮಾಸದ ಕೃಷ್ಣ ಪಕ್ಷದ ಚತುರ್ದಶೀ ತಿಥಿಯ ಗುರುವಾರದಂದು ನಿರ್ಮಾಣ ಕಾರ್ಯಕ್ಕೆ ಬ್ರೇಕ್, ಕಾನೂನಾತ್ಮಕ ಹೋರಾಟ, ದಾಂಪತ್ಯದಲ್ಲಿ ಕಲಹ, ಸಮಯಾಭಾವ, ಮನೋನಿಗ್ರಹ, ಹೊಸ ಕೆಲಸದ ಸಾಧಕ ಬಾಧಕಗಳ ಚರ್ಚೆ ಇವೆಲ್ಲ ಇಂದಿನ ಭವಿಷ್ಯ.

ಗ್ರಹಗಳ ಪ್ರಭಾವವು ನಿಮ್ಮ ರಾಶಿಗಳ ಮೇಲೆ ಬೀರುವ ಪರಿಣಾಮವನ್ನು ತಿಳಿದುಕೊಳ್ಳಿ. ದಿನದ ಶುಭ ಹಾಗೂ ಅಶುಭ ಸಮಯಗಳ ಪಂಚಾಂಗ ವಿವರಗಳು ಇಲ್ಲಿವೆ. ಯಾವ ರಾಶಿಯವರು ಇಂದು ಮುನ್ನೆಚ್ಚರಿಕೆ ವಹಿಸಬೇಕು ಎಂದು ಈ ಕೆಳಗೆ ನೋಡಿ.

ಮೇಷ ರಾಶಿ

ಆಸ್ತಿ ವಿಚಾರಗಳಲ್ಲಿ ಹಿರಿಯರೊಂದಿಗೆ ಸಮಾಲೋಚನೆ ನಡೆಸುವಿರಿ. ಸ್ವಂತ ಉದ್ಯೋಗದಲ್ಲಿ ಪ್ರಗತಿ ಕಂಡುಬರಲಿದ್ದು ವ್ಯಾಪಾರ ವೃದ್ಧಿಸಲಿದೆ. ಅಂದುಕೊಂಡ ಕೆಲಸಗಳು ಪೂರ್ಣಗೊಳ್ಳುವವರೆಗೂ ತಾಳ್ಮೆಯಿಂದ ಇರುವುದು ಅಗತ್ಯ.

ವೃಷಭ ರಾಶಿ

ಬಂಧು-ಮಿತ್ರರ ಭೇಟಿಯಿಂದ ಮನಸ್ಸಿಗೆ ಸಂತೋಷವಾಗಲಿದೆ. ಸಹೋದರನ ಕಡೆಯಿಂದ ಅನಿರೀಕ್ಷಿತ ನೆರವು ಸಿಗಲಿದೆ. ಅಪರಿಚಿತರ ಅಥವಾ ಸಹವಾಸದ ಪ್ರಭಾವದಿಂದ ನಿಮ್ಮ ಅಭಿಪ್ರಾಯಗಳನ್ನು ಬದಲಾಯಿಸಿಕೊಳ್ಳಬೇಡಿ.

ಮಿಥುನ ರಾಶಿ

ಅಜ್ಞಾತ ಕರೆಗಳು ಅಥವಾ ಆನ್‌ಲೈನ್ ಮೋಸದ ಜಾಲಗಳ ಕುರಿತು ಎಚ್ಚರವಿರಲಿ. ಕಚೇರಿ ಕೆಲಸಗಳಲ್ಲಿ ಆಲಸ್ಯ ತೋರದೆ ಸಮಯಕ್ಕೆ ಮಹತ್ವ ನೀಡಿ. ಉತ್ತಮ ಅಭ್ಯಾಸಗಳು ನಿಮ್ಮ ಆರೋಗ್ಯವನ್ನು ವೃದ್ಧಿಸಲಿವೆ.

ಕರ್ಕಾಟಕ ರಾಶಿ

ಹಳೆಯ ಸಾಲಗಳನ್ನು ತೀರಿಸಿ ನಿರಾಳರಾಗುವಿರಿ. ಅನಾರೋಗ್ಯದ ಕಾರಣ ಸುದೀರ್ಘ ಪ್ರಯಾಣಗಳನ್ನು ಮುಂದೂಡುವುದು ಒಳಿತು. ಆರ್ಥಿಕ ಪರಿಸ್ಥಿತಿ ಉತ್ತಮವಾಗಿದ್ದರೂ ಮನಸ್ಸಿಗೆ ಶಾಂತಿ ಕಾಪಾಡಿಕೊಳ್ಳುವುದು ಮುಖ್ಯ.

ಸಿಂಹ ರಾಶಿ

ಸ್ನೇಹಿತರ ಸಲಹೆಗಳು ನಿಮ್ಮ ಸವಾಲುಗಳಿಗೆ ಪರಿಹಾರ ನೀಡಲಿವೆ. ಕಾರ್ಯಕ್ಷೇತ್ರದ ಒತ್ತಡವನ್ನು ಕಡಿಮೆ ಮಾಡಿಕೊಳ್ಳಲು ಕೆಲಸಗಳನ್ನು ಹಂಚಿಕೊಳ್ಳಿ. ಧಾರ್ಮಿಕ ಮತ್ತು ಸಾಮಾಜಿಕ ಕಾರ್ಯಗಳಲ್ಲಿ ಆಸಕ್ತಿ ವಹಿಸುವಿರಿ.

ಕನ್ಯಾ ರಾಶಿ

ಬಹಳ ದಿನಗಳಿಂದ ಬಾಕಿ ಉಳಿದಿದ್ದ ಕೆಲಸಗಳನ್ನು ಇಂದು ಪೂರ್ಣಗೊಳಿಸುವಿರಿ. ದೊಡ್ಡ ಮೊತ್ತದ ಖರೀದಿ ಮಾಡುವಾಗ ಅವಶ್ಯಕತೆಗಳನ್ನು ಗಮನದಲ್ಲಿಡಿ. ಹೊಸ ಉದ್ಯಮ ಅಥವಾ ಸಂಬಂಧಗಳ ಕಡೆಗೆ ಗಮನ ಹರಿಸುವಿರಿ.

ತುಲಾ ರಾಶಿ

ಅನಿರೀಕ್ಷಿತವಾಗಿ ಧಾರ್ಮಿಕ ಕ್ಷೇತ್ರಗಳಿಗೆ ಭೇಟಿ ನೀಡುವ ಯೋಗವಿದೆ. ಆರ್ಥಿಕ ನಿರ್ವಹಣೆಯಲ್ಲಿ ಜಾಗರೂಕರಾಗಿರಿ ಮತ್ತು ಹಣವನ್ನು ಭವಿಷ್ಯಕ್ಕಾಗಿ ಉಳಿಸಿ. ನಿಮ್ಮವರನ್ನು ಬೆಂಬಲಿಸಿ ನಿಲ್ಲುವ ಗುಣ ಮೆಚ್ಚುಗೆ ಪಡೆಯಲಿದೆ.

ವೃಶ್ಚಿಕ ರಾಶಿ

ನಿಮ್ಮ ಬೆಲೆಬಾಳುವ ವಸ್ತುಗಳನ್ನು ಜೋಪಾನವಾಗಿಟ್ಟುಕೊಳ್ಳಿ. ಉದ್ಯೋಗದಲ್ಲಿ ನಿಷ್ಠೆಯಿಂದ ಕೆಲಸ ಮಾಡಿ ಆದಾಯ ಹೆಚ್ಚಿಸಿಕೊಳ್ಳಲು ಶ್ರಮಿಸುವಿರಿ. ಅನಗತ್ಯ ಅಹಂಕಾರ ಪ್ರದರ್ಶಿಸದೆ ಮಾತು ಸೌಮ್ಯವಾಗಿರಲಿ.

ಧನು ರಾಶಿ

ಅತಿಯಾದ ಮಾನಸಿಕ ಒತ್ತಡದಿಂದ ಆರೋಗ್ಯದಲ್ಲಿ ವ್ಯತ್ಯಾಸವಾಗದಂತೆ ನೋಡಿಕೊಳ್ಳಿ. ಭೂಮಿ ಅಥವಾ ಆಸ್ತಿ ಖರೀದಿಯಿಂದ ಲಾಭವಿದೆ. ಸಂಗಾತಿಯೊಂದಿಗೆ ಉತ್ತಮ ಸಮಯ ಕಳೆಯಲು ಆದ್ಯತೆ ನೀಡುವಿರಿ.

ಮಕರ ರಾಶಿ

ಸ್ಥಿರಾಸ್ತಿ ವ್ಯವಹಾರಗಳಲ್ಲಿ ಎಚ್ಚರಿಕೆಯ ನಿರ್ಧಾರ ಅಗತ್ಯ. ಪ್ರೇಮ ವಿಚಾರಗಳಲ್ಲಿ ಗೊಂದಲ ತಂದುಕೊಳ್ಳಬೇಡಿ. ಸವಾಲುಗಳನ್ನು ಛಲದಿಂದ ಎದುರಿಸಿ, ಸಮಯಕ್ಕೆ ಸರಿಯಾಗಿ ವಿಶ್ರಾಂತಿ ಪಡೆಯುವುದು ಒಳಿತು.

ಕುಂಭ ರಾಶಿ

ಕೆಲಸದಿಂದ ವಿರಾಮ ತೆಗೆದುಕೊಂಡು ಕುಟುಂಬ ಮತ್ತು ಮಕ್ಕಳೊಂದಿಗೆ ಸಮಯ ಕಳೆಯುವಿರಿ. ಕಾರ್ಯ ಸಿದ್ಧಿಯಾಗುವವರೆಗೆ ನಿಮ್ಮ ಯೋಜನೆಗಳನ್ನು ಗೌಪ್ಯವಾಗಿಡಿ. ಹಳೆಯ ಪ್ರಮುಖ ದಾಖಲೆಗಳು ಕೈಸೇರಲಿವೆ.

ಮೀನ ರಾಶಿ

ಉದ್ಯೋಗ ರಂಗದಲ್ಲಿ ನೂತನ ಸಿದ್ಧತೆಗಳನ್ನು ಮಾಡಿಕೊಳ್ಳುವಿರಿ. ಸ್ತ್ರೀ ವರ್ಗದವರಿಂದ ಆರ್ಥಿಕ ಸಹಾಯ ಲಭಿಸಲಿದೆ. ತಾಯಿಯ ಆರೋಗ್ಯದಲ್ಲಿ ಸುಧಾರಣೆ ಕಂಡುಬರಲಿದ್ದು, ಮನಸ್ಸಿಗೆ ನೆಮ್ಮದಿ ಸಿಗಲಿದೆ.

ಇಂದಿನ ಪಂಚಾಂಗ (10 ಸೆಪ್ಟೆಂಬರ್ 2026)

ಸಂವತ್ಸರ: ಪರಾಭವ

ಅಯನ: ದಕ್ಷಿಣಾಯನ | ಋತು: ವರ್ಷ ಋತು

ಮಾಸ: ಶ್ರಾವಣ (ಮಾಸ) | ಪಕ್ಷ: ಕೃಷ್ಣ ಪಕ್ಷ

ತಿಥಿ: ಚತುರ್ದಶೀ | ವಾರ: ಗುರುವಾರ

ನಕ್ಷತ್ರ: ಪುಷ್ಯಾ | ಯೋಗ: ಶಿವ | ಕರಣ: ಭದ್ರ

ಸೂರ್ಯೋದಯ: ಬೆಳಿಗ್ಗೆ 06:09 | ಸೂರ್ಯಾಸ್ತ: ಸಂಜೆ 06:23

ರಾಹು ಕಾಲ: 01:48 PM – 03:20 PM

ಯಮಗಂಡ ಕಾಲ: 06:10 AM – 07:41 AM

ಗುಳಿಕ ಕಾಲ: 09:13 AM – 10:45 AM