☔ Weather
Bengaluru: ☀️ 21°C | AQI 127
Mysore: ☀️ 20°C | AQI 114
Mangalore: ☀️ 25°C | AQI 143
Bengaluru: ☀️ 21°C | AQI 127
☔ Weather
Bengaluru: ☀️ 21°C | AQI 127
Mysore: ☀️ 20°C | AQI 114
Mangalore: ☀️ 25°C | AQI 143
Bengaluru: ☀️ 21°C | AQI 127

ಫ್ಲೈಟ್ ಥೀಮ್‌ನಲ್ಲಿ ಅಸಲಿ ಆಟ; ದೊಡ್ಮನೆಯಲ್ಲಿ ಕಾವೇರಿದ ವಾತಾವರಣ

ಫ್ಲೈಟ್ ಥೀಮ್‌ನಲ್ಲಿ ಅಸಲಿ ಆಟ

@colorskannadaofficial (Instagram)

ಕನ್ನಡದ ಅತ್ಯಂತ ಜನಪ್ರಿಯ ರಿಯಾಲಿಟಿ ಶೋ ‘ಬಿಗ್ ಬಾಸ್’ ಸೀಸನ್ 13 ಆರಂಭವಾಗಿ ಪ್ರೇಕ್ಷಕರನ್ನು ರಂಜಿಸುತ್ತಿದೆ. ಈ ಬಾರಿಯ ಫ್ಲೈಟ್ ಥೀಮ್ ದೊಡ್ಮನೆಗೆ ಹೊಸ ಮೆರುಗು ನೀಡಿದೆ.

ಆಟ ಶುರುವಾಗಿ ಮೂರು ದಿನಗಳಾಗಿದ್ದರೂ ಕೇವಲ 8 ಜನರಿಗೆ ಮಾತ್ರ ಮುಖ್ಯ ಮನೆ ಪ್ರವೇಶಿಸಲು ಸಾಧ್ಯವಾಗಿದೆ. ಉಳಿದ ಸ್ಪರ್ಧಿಗಳು ಇಂದಿಗೂ ಫ್ಲೈಟ್‌ನಲ್ಲೇ ತಮ್ಮ ಪಯಣ ಮುಂದುವರಿಸಿದ್ದಾರೆ.

ದಿನವೂ ವಿಭಿನ್ನ ಟಾಸ್ಕ್‌ಗಳು ಹಾಗೂ ನಿಯಮಗಳಿಂದಾಗಿ ಸ್ಪರ್ಧಿಗಳ ನಡುವಿನ ಗೊಂದಲ ಮತ್ತು ಕಿತ್ತಾಟ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಲೇ ಇದೆ.

ಗಗನ್ – ಧನುಷ್ ವಾಗ್ವಾದ: ಮಾತಿಗೆ ಮಾತು ಬೆಳೆದು ಮಾತಿನ ಚಕಮಕಿ

ಬಿಗ್ ಬಾಸ್ ಹಂಚಿಕೊಂಡಿರುವ ಹೊಸ ಪ್ರೋಮೋದಲ್ಲಿ ಟ್ರೆಜರ್ ಟಾಸ್ಕ್ ಗೆದ್ದಿರುವ ಗಗನ್ ಅವರಿಗೆ ವಿಶೇಷ ಅಧಿಕಾರ ಸಿಕ್ಕಿದೆ. ಫ್ಲೈಟ್‌ನಲ್ಲಿರುವ ಯಾವ ಅಭ್ಯರ್ಥಿ ಮನೆಗೆ ಬರಲು ಅನರ್ಹರು ಎಂಬ ಪ್ರಶ್ನೆಯನ್ನು ಬಿಗ್ ಬಾಸ್ ಕೇಳಿದ್ದಾರೆ.

ಇದಕ್ಕೆ ಗಗನ್ ಅವರು ಧನುಷ್ ಅವರ ಹೆಸರನ್ನು ಸೂಚಿಸಿದ್ದಾರೆ. “ಮಾತಿನಲ್ಲಿ ಮರ್ಯಾದೆ ಇರಬೇಕು, ಅವರು ಮನೆಗೆ ಬರಲು ಇನ್ನು ಸಮಯ ಬೇಕು” ಎಂದು ಗಗನ್ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಗಗನ್ ನೀಡಿದ ಉತ್ತರದಿಂದ ಕೋಪಗೊಂಡ ಧನುಷ್, “ನಿಮ್ಮ ನಿರ್ಧಾರವನ್ನು ನಾನು ಒಪ್ಪುವುದಿಲ್ಲ” ಎಂದು ಖಡಕ್ ಆಗಿ ವಾದಕ್ಕಿಳಿದಿದ್ದು, ಇಬ್ಬರ ನಡುವೆ ಜಗಳ ಶುರುವಾಗಿದೆ.

ಸೆಲೆಬ್ರಿಟಿ vs ಕಾಮನ್ ಮ್ಯಾನ್: ಮೊದಲ ವಾರದಲ್ಲೇ ಎದ್ದ ಕಿಚ್ಚು

ಜಗಳದ ಮಧ್ಯೆ ಧನುಷ್, “ನಾವೇಕೆ ನಿಮ್ಮ ಮಾತನ್ನು ಸುಮ್ಮನೆ ಕೇಳಬೇಕು? ಇಲ್ಲಿ ಕಾಮನ್ ಮ್ಯಾನ್ ಅಂತ ಪರ್ಸನಲ್ ಟಾರ್ಗೆಟ್ ಮಾಡಲಾಗುತ್ತಿದೆ” ಎಂದು ಆಕ್ರೋಶ ಹೊರಹಾಕಿದ್ದಾರೆ.

ಇಡೀ ಕರ್ನಾಟಕ ಇದನ್ನು ನೋಡುತ್ತಿದೆ ಎಂದು ಕೂಗಾಡಿದ ಧನುಷ್ ಬೆಂಬಲಕ್ಕೆ ಮಂಜುನಾಥ್ ನಿಂತಿದ್ದಾರೆ. “ದೊಡ್ಮನೆಯಲ್ಲಿ ಸೆಲೆಬ್ರಿಟಿ ಹಾಗೂ ಕಾಮನ್ ಮ್ಯಾನ್ ವಾರ್ ನಡೆಯುತ್ತಿದೆ” ಎಂದು ಅವರು ಮಣೆ ಹಾಕಿದ್ದಾರೆ.

ಮೊದಲ ವಾರದಲ್ಲೇ ಎದ್ದಿರುವ ಈ ‘ಸೆಲೆಬ್ರಿಟಿ vs ಕಾಮನ್ ಮ್ಯಾನ್’ ಕಿಚ್ಚು ಮುಂಬರುವ ದಿನಗಳಲ್ಲಿ ಇನ್ನ್ಯಾವ ಮಟ್ಟಕ್ಕೆ ತಲುಪಲಿದೆ ಎಂಬುದನ್ನು ಕಾದು ನೋಡಬೇಕಿದೆ. ಬಿಗ್ ಬಾಸ್ ದೊಡ್ಮನೆಯ ಈ ಹೈ-ಡ್ರಾಮಾ ಪ್ರೇಕ್ಷಕರಲ್ಲಿ ದಿನದಿಂದ ದಿನಕ್ಕೆ ಭಾರಿ ಕುತೂಹಲ ಮೂಡಿಸುತ್ತಿದೆ.