☔ Weather
Bengaluru: ☀️ 24°C | AQI 113
Mysore: ☀️ 22°C | AQI 110
Mangalore: ☀️ 27°C | AQI 172
Bengaluru: ☀️ 24°C | AQI 113
☔ Weather
Bengaluru: ☀️ 24°C | AQI 113
Mysore: ☀️ 22°C | AQI 110
Mangalore: ☀️ 27°C | AQI 172
Bengaluru: ☀️ 24°C | AQI 113

RAHUL GANDHI : ಎಡಿಟೆಡ್ ವಿಡಿಯೋ ಹಂಚಿ ಗೊಂದಲ ಸೃಷ್ಟಿಸುತ್ತಿದ್ದಾರೆ – ರಾಹುಲ್ ವಿರುದ್ಧ ಜೋಶಿ ವಾಗ್ದಾಳಿ

Image of Rahul Gandhi with Prahlad joshi
SIR ವಿಚಾರದಲ್ಲಿ ರಾಹುಲ್ ಗಾಂಧಿ (Rahul Gandhi) ಮತ್ತು ಆಡಳಿತಾರೂಢ ಬಿಜೆಪಿ ನಡುವಿನ ವಾಕ್ಸಮರ ಮತ್ತಷ್ಟು ತೀವ್ರಗೊಂಡಿದೆ

ಮುಖ್ಯಾಂಶಗಳು

  • ಎಡಿಟೆಡ್ ಕ್ಲಿಪ್ ಹಾಕಿ ಯಾಮರಿಸಬೇಡಿ..!
  • ರಾಹುಲ್ ಗೆ ಜೋಶಿ ಕ್ಲಾಸ್ !

ನವದೆಹಲಿ: ಮತದಾರರ ಪಟ್ಟಿಯ ವಿಶೇಷ ಸಮಗ್ರ ಪರಿಷ್ಕರಣೆ ವಿಚಾರದಲ್ಲಿ ಲೋಕಸಭೆಯ ಪ್ರತಿಪಕ್ಷ ನಾಯಕ ರಾಹುಲ್ ಗಾಂಧಿ (Rahul Gandhi) ಮತ್ತು ಆಡಳಿತಾರೂಢ ಬಿಜೆಪಿ ನಡುವಿನ ವಾಕ್ಸಮರ ಮತ್ತಷ್ಟು ತೀವ್ರಗೊಂಡಿದೆ. ರಾಹುಲ್ ಗಾಂಧಿ ತಮ್ಮ ಅಧಿಕೃತ ಎಕ್ಸ್ ಖಾತೆಯಲ್ಲಿ ಗೃಹ ಸಚಿವ ಅಮಿತ್ ಶಾ ಅವರ ಎರಡು ಬೇರೆ ಬೇರೆ ಸಂದರ್ಭದ ಭಾಷಣದ ಸಣ್ಣ ತುಣುಕುಗಳನ್ನು ಒಟ್ಟಿಗೆ ಜೋಡಿಸಿ ಹಂಚಿಕೊಂಡಿದ್ದರು. ಕಳೆದ ವರ್ಷ ಡಿಸೆಂಬರ್‌ನಲ್ಲಿ ಅಮಿತ್ ಶಾ ಅವರು ಸಂಸತ್ತಿನಲ್ಲಿ ಎಸ್‌ಐಆರ್ ಕುರಿತು ಚರ್ಚಿಸಲು ಸಾಧ್ಯವಿಲ್ಲ, ಚುನಾವಣಾ ಆಯೋಗ ಸ್ವತಂತ್ರ ಸಂಸ್ಥೆ, ಇಲ್ಲಿ ಪ್ರಶ್ನೆ ಕೇಳಿದರೆ ಯಾರು ಉತ್ತರಿಸುತ್ತಾರೆ ಎಂದು ಹೇಳಿದ್ದ ಮಾತು ಒಂದೆಡೆ ಇತ್ತು. ಇತ್ತೀಚೆಗೆ ಮೋದಿ ಅವರ ಜೊತೆ ಚರ್ಚೆಗೆ ಸವಾಲು ಹಾಕುವ ರಾಹುಲ್ ಅವರೇ, ಮೋದಿ ಅವರ ಅಗತ್ಯವಿಲ್ಲ, ಎಸ್‌ಐಆರ್ ಕುರಿತು ಚರ್ಚಿಸಲು ಸಂಸತ್ತಿನ ವಿಶೇಷ ಅಧಿವೇಶನ ಕರೆಯಲು ನಾವು ಸಿದ್ಧ ಎಂದು ಹೇಳಿದ್ದ ಮಾತು ಮತ್ತೊಂದೆಡೆ ಇತ್ತು. ಈ ಎರಡು ಹೇಳಿಕೆಗಳನ್ನು ಪಕ್ಕ ಪಕ್ಕ ಇಟ್ಟು ಬಿಜೆಪಿ ಈ ವಿಚಾರದಲ್ಲಿ ಗೊಂದಲದಲ್ಲಿದೆ ಎಂದು ರಾಹುಲ್ ಗಾಂಧಿ ವ್ಯಂಗ್ಯವಾಡಿದ್ದರು.

ರಾಹುಲ್ ಗಾಂಧಿಗೆ ಎಸ್‌ಐಆರ್ ಬಗ್ಗೆ ತಿಳಿವಳಿಕೆ ಇಲ್ಲ

ಈ ಪೋಸ್ಟ್‌ಗೆ ತೀಕ್ಷ್ಣವಾಗಿ ಪ್ರತಿಕ್ರಿಯೆ ನೀಡಿದ ಕೇಂದ್ರ ಸಚಿವ ಪ್ರಹ್ಲಾದ್ ಜೋಶಿ, ಅಮಿತ್ ಶಾ ಅವರ ಮಾತನ್ನು ಕತ್ತರಿಸಿ ಸಂದರ್ಭದಿಂದ ಹೊರತೆಗೆದು ಹಂಚಿಕೊಳ್ಳುವುದು ರಾಹುಲ್ ಗಾಂಧಿ ಅವರಿಗೆ ಎಸ್‌ಐಆರ್ ಬಗ್ಗೆ ಸರಿಯಾದ ತಿಳಿವಳಿಕೆ ಇಲ್ಲ ಎಂಬುದನ್ನು ತೋರಿಸುತ್ತದೆ ಎಂದು ಆರೋಪಿಸಿದರು. ರಾಹುಲ್ ಗಾಂಧಿ ವಿಡಿಯೋ ತಿರುಚಿ ರಾಜಕೀಯ ಪ್ರದರ್ಶನ ಮಾಡುತ್ತಿದ್ದಾರೆ ಎಂದು ಜೋಶಿ ಕಿಡಿಕಾರಿದರು. ಗೊಂದಲ ಇರುವುದು ಬಿಜೆಪಿಯಲ್ಲಿ ಅಲ್ಲ, ರಾಹುಲ್ ಅವರ ಮನಸ್ಸಿನಲ್ಲೇ ಎಂದು ಹೇಳಿದ ಅವರು, ಚುನಾವಣೆಯಲ್ಲಿ ಗೆದ್ದಾಗ ಚುನಾವಣಾ ಪ್ರಕ್ರಿಯೆ ಸರಿಯಾಗಿ ಕಾಣುತ್ತದೆ, ಸೋತಾಗ ಅದೇ ವ್ಯವಸ್ಥೆ ಅನುಮಾನಾಸ್ಪದವಾಗಿ ಕಾಣುತ್ತದೆ, ಇದೇನಾ ಅವರ ಪ್ರಜಾಪ್ರಭುತ್ವದ ಕಲ್ಪನೆ ಎಂದು ಪ್ರಶ್ನಿಸಿದರು. ಎಸ್‌ಐಆರ್ ಇಲ್ಲದಿದ್ದರೂ 2014, 2019 ಮತ್ತು 2024ರ ಲೋಕಸಭಾ ಚುನಾವಣೆಗಳಲ್ಲಿ ರಾಹುಲ್ ಸೋತಿದ್ದರು, ಆ ಸೋಲಿಗೆ ಹೊಣೆ ಹೊರುತ್ತಾರಾ ಅಥವಾ ಮತ್ತೆ ಬೇರೆಯವರನ್ನು ದೂಷಿಸುತ್ತಾರಾ ಎಂದು ಕೇಳಿದರು. ಅಮಿತ್ ಶಾ ಸಂಸತ್ತಿನಲ್ಲಿ ಚರ್ಚೆಗೆ ಮುಕ್ತ ಸವಾಲು ನೀಡಿದ್ದರೂ ರಾಹುಲ್ ಹಿಂಜರಿಯುತ್ತಿದ್ದಾರೆ ಎಂದು ಹೇಳಿದ ಜೋಶಿ, ಮಾಧ್ಯಮಗಳ ಮುಂದೆ ನಾಟಕ ಬಿಟ್ಟು ಧೈರ್ಯವಿದ್ದರೆ ಸಂಸತ್ತಿಗೆ ಬಂದು ಸತ್ಯಾಂಶಗಳೊಂದಿಗೆ ಚರ್ಚೆ ಮಾಡಿ ಎಂದು ಸವಾಲು ಹಾಕಿದರು.

ಇದನ್ನೂ ಓದಿ : ಮತದಾರರ ಪಟ್ಟಿಯಿಂದ ಹೆಸರು ಮಾಯ – ಕೊನೆ ಅವಕಾಶ ಕೊಟ್ಟ ಚು.ಆಯೋಗ !

ಈ ಬೆಳವಣಿಗೆ ಎಸ್‌ಐಆರ್‌ನಂತಹ ಗಂಭೀರ ಚುನಾವಣಾ ಪ್ರಕ್ರಿಯೆ ಕೂಡ ಈಗ ಸಾಮಾಜಿಕ ಜಾಲತಾಣದ ಕ್ಲಿಪ್ ಯುದ್ಧವಾಗಿ ಬದಲಾಗುತ್ತಿರುವುದನ್ನು ತೋರಿಸುತ್ತದೆ. ಎರಡು ಬೇರೆ ಸಂದರ್ಭದ ಮಾತುಗಳನ್ನು ಒಟ್ಟಿಗೆ ಇಟ್ಟಾಗ ಅರ್ಥವೇ ಬದಲಾಗಬಹುದು ಎಂಬುದು ಬಿಜೆಪಿ ವಾದವಾದರೆ, ಸರ್ಕಾರದ ನಿಲುವಿನಲ್ಲಿ ನಿಜವಾಗಿಯೂ ವ್ಯತ್ಯಾಸ ಇದೆ ಎಂಬುದನ್ನು ತೋರಿಸಲು ರಾಹುಲ್ ಪ್ರಯತ್ನಿಸುತ್ತಿದ್ದಾರೆ. ಆದರೆ ಈ ರೀತಿಯ ಕತ್ತರಿಸಿದ ವಿಡಿಯೋಗಳಿಂದ ಮತದಾರರಿಗೆ ಸ್ಪಷ್ಟ ಮಾಹಿತಿ ಸಿಗುವುದಿಲ್ಲ, ಬದಲಾಗಿ ಗೊಂದಲವೇ ಹೆಚ್ಚಾಗುತ್ತದೆ. ಚುನಾವಣಾ ಆಯೋಗದ ಸ್ವಾತಂತ್ರ್ಯ, ಸಂಸತ್ತಿನಲ್ಲಿ ಚರ್ಚೆಯ ಅವಕಾಶ ಮತ್ತು ಮತದಾರರ ಪಟ್ಟಿ ಪರಿಷ್ಕರಣೆಯ ಅಗತ್ಯದ ಬಗ್ಗೆ ವಾಸ್ತವಾಂಶಗಳ ಆಧಾರದ ಮೇಲೆ ಚರ್ಚೆ ನಡೆಯಬೇಕಿತ್ತು. ಬದಲಾಗಿ ಎರಡೂ ಕಡೆಯವರು ಒಬ್ಬರ ಮೇಲೊಬ್ಬರು ಆರೋಪ ಮಾಡುವುದರಲ್ಲೇ ಕಾಲ ಕಳೆಯುತ್ತಿರುವುದು ಪ್ರಜಾಪ್ರಭುತ್ವದ ಚರ್ಚೆಯ ಗುಣಮಟ್ಟವನ್ನು ಕುಂದಿಸುತ್ತಿದೆ. ಅಂತಿಮವಾಗಿ ಸಂಸತ್ತಿನಲ್ಲಿ ನೇರ ಚರ್ಚೆಯೇ ಈ ವಿವಾದಕ್ಕೆ ಉತ್ತರ ನೀಡಬಲ್ಲದು.