☔ Weather
Bengaluru: ☀️ 24°C | AQI 113
Mysore: ☀️ 22°C | AQI 110
Mangalore: ☀️ 27°C | AQI 172
Bengaluru: ☀️ 24°C | AQI 113
☔ Weather
Bengaluru: ☀️ 24°C | AQI 113
Mysore: ☀️ 22°C | AQI 110
Mangalore: ☀️ 27°C | AQI 172
Bengaluru: ☀️ 24°C | AQI 113

MALLIKARJUNA KHARGE : ತಟ್ಟೆ ಖಾಲಿಯಾಗುತ್ತಿದೆ, ಜೇಬು ಬರಿದಾಗುತ್ತಿದೆ: ಬೆಲೆ ಏರಿಕೆ ವಿರುದ್ಧ ಖರ್ಗೆ ಕಿಡಿ

Image of Mallikarjuna kharge
ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ (Mallikarjuna Kharge) ಬೆಲೆ ಏರಿಕೆಯನ್ನು ಮುಂದಿಟ್ಟುಕೊಂಡು ಪ್ರಧಾನಿ ಮೋದಿ ನೇತೃತ್ವದ ಕೇಂದ್ರ ಸರ್ಕಾರದ ಮೇಲೆ ತೀವ್ರ ಮುಗಿಬಿದ್ದಿದ್ದಾರೆ.

ಮುಖ್ಯಾಂಶಗಳು

  • ಮೋದಿ ಉದ್ದದ್ದ ಭಾಷಣ ನಿಲ್ಲಿಸಿ
  • ಖರ್ಗೆ ವ್ಯಾಪಕ ಆಕ್ರೋಶ

ನವದೆಹಲಿ: ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ (Mallikarjuna Kharge) ಅವರು ಅಗತ್ಯ ವಸ್ತುಗಳ ಬೆಲೆ ಏರಿಕೆಯನ್ನು ಮುಂದಿಟ್ಟುಕೊಂಡು ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರ್ಕಾರದ ಮೇಲೆ ತೀವ್ರವಾಗಿ ಮುಗಿಬಿದ್ದಿದ್ದಾರೆ. ಹನ್ನೆರಡು ವರ್ಷಗಳ ಹಿಂದೆ ಬೆಲೆ ಇಳಿಸುವುದಾಗಿ ಭರವಸೆ ಕೊಟ್ಟಿದ್ದ ಸರ್ಕಾರ ಈಗ ಜನಸಾಮಾನ್ಯರ ಬದುಕನ್ನೇ ಕಷ್ಟಕರವಾಗಿಸಿದೆ ಎಂದು ಅವರು ಆರೋಪಿಸಿದ್ದಾರೆ. ದೇಶದ ಅಭಿವೃದ್ಧಿಯನ್ನು ಪ್ರಧಾನಿಯ ಭಾಷಣಗಳ ಉದ್ದದಲ್ಲಿ ಅಳೆಯಲು ಸಾಧ್ಯವಿಲ್ಲ, ಬದಲಾಗಿ ಸಾಮಾನ್ಯ ಮನುಷ್ಯನ ಊಟದ ತಟ್ಟೆಯಲ್ಲಿ ಎಷ್ಟು ಆಹಾರವಿದೆ ಮತ್ತು ತಿಂಗಳ ಕೊನೆಗೆ ಅವನ ಜೇಬಿನಲ್ಲಿ ಎಷ್ಟು ಹಣ ಉಳಿಯುತ್ತದೆ ಎಂಬುದರಲ್ಲೇ ಅಳೆಯಬೇಕು ಎಂದು ಖರ್ಗೆ ಹೇಳಿದ್ದಾರೆ. ಮೋದಿ ಸರ್ಕಾರದ ಆರ್ಥಿಕ ನಿರ್ವಹಣೆಯ ವೈಫಲ್ಯಕ್ಕೆ ಜನರು ಇನ್ನೆಷ್ಟು ಕಾಲ ಬೆಲೆ ತೆರಬೇಕು ಎಂದು ಅವರು ಪ್ರಶ್ನಿಸಿದ್ದಾರೆ.

12 ವರ್ಷಗಳ ಲೆಕ್ಕ ಬಿಚ್ಚಿಟ್ಟ ಖರ್ಗೆ !

ಸಾಮಾಜಿಕ ಜಾಲತಾಣ ಎಕ್ಸ್ ನಲ್ಲಿ ಹಿಂದಿಯಲ್ಲಿ ಪೋಸ್ಟ್ ಮಾಡಿರುವ ಖರ್ಗೆ, ಕಳೆದ ಹನ್ನೆರಡು ವರ್ಷಗಳಲ್ಲಿ ಅಗತ್ಯ ವಸ್ತುಗಳ ಬೆಲೆ ಎಷ್ಟು ಏರಿದೆ ಎಂಬುದರ ಲೆಕ್ಕವನ್ನು ಬಿಚ್ಚಿಟ್ಟಿದ್ದಾರೆ. 2014ರಲ್ಲಿ ಕೆಜಿಗೆ 21 ರೂಪಾಯಿ ಇದ್ದ ಗೋಧಿ ಹಿಟ್ಟು ಈಗ 69 ರೂಪಾಯಿಗೆ, 75 ರೂಪಾಯಿ ಇದ್ದ ತೊಗರಿ ಬೇಳೆ 180 ರೂಪಾಯಿಗೆ, 102 ರೂಪಾಯಿ ಇದ್ದ ಸಾಸಿವೆ ಎಣ್ಣೆ 263 ರೂಪಾಯಿಗೆ ಏರಿದೆ. ಹಾಲಿನ ದರ 36 ರೂಪಾಯಿಯಿಂದ 85 ರೂಪಾಯಿಗೆ, ಅಕ್ಕಿ ದರ 29 ರೂಪಾಯಿಯಿಂದ 71 ರೂಪಾಯಿಗೆ ತಲುಪಿದೆ. ಕಳೆದ ಅಕ್ಟೋಬರ್ ನಲ್ಲಿ ಆಹಾರ ಹಣದುಬ್ಬರ ಶೇಕಡಾ 8.94ಕ್ಕೆ ಮತ್ತು ಸಗಟು ಹಣದುಬ್ಬರ ಶೇಕಡಾ 12.29ಕ್ಕೆ ಏರಿರುವುದು ಜನರನ್ನು ಅಸಹಾಯಕರನ್ನಾಗಿಸಿದೆ. ಒಂದು ಸಮೀಕ್ಷೆಯ ಪ್ರಕಾರ ಶೇಕಡಾ 61ರಷ್ಟು ಕುಟುಂಬಗಳ ಮಾಸಿಕ ಗೃಹಬಳಕೆ ವೆಚ್ಚ ಕಳೆದ ವರ್ಷಕ್ಕಿಂತ ಶೇಕಡಾ 20ಕ್ಕಿಂತ ಹೆಚ್ಚಾಗಿದೆ, ಶೇಕಡಾ 74ರಷ್ಟು ಜನರು ಅನಗತ್ಯ ಖರ್ಚುಗಳನ್ನು ಕಡಿಮೆ ಮಾಡುವಂತಾಗಿದೆ. ಈ ಹಿನ್ನೆಲೆಯಲ್ಲಿ ಹಣದುಬ್ಬರದ ಕುರಿತು ಶ್ವೇತಪತ್ರ ಹೊರಡಿಸಿ, ಬೆಲೆ ನಿಯಂತ್ರಣಕ್ಕೆ ಕೈಗೊಳ್ಳುವ ಕಠಿಣ ಕ್ರಮಗಳನ್ನು ದೇಶದ ಮುಂದಿಡಬೇಕು ಎಂದು ಕಾಂಗ್ರೆಸ್ ಆಗ್ರಹಿಸಿದೆ.

ಇದನ್ನೂ ಓದಿ: ‘ಚಪಲ ಚನ್ನಿಗರಾಯ’ – ಹೆಚ್‌ಡಿಕೆ ವಿರುದ್ಧ ಸುರೇಶ್ ತೀಕ್ಷ್ಣ ವಾಗ್ದಾಳಿ

ಬೆಲೆ ಏರಿಕೆ ಈಗ ಕೇವಲ ಅಂಕಿಅಂಶದ ವಿಷಯವಾಗಿ ಉಳಿದಿಲ್ಲ, ಅದು ಮಧ್ಯಮ ವರ್ಗ ಮತ್ತು ಬಡ ಕುಟುಂಬಗಳ ದೈನಂದಿನ ಬದುಕಿನ ಮೇಲೆ ನೇರ ಹೊಡೆತ ನೀಡುತ್ತಿದೆ. ತಟ್ಟೆ ಚಿಕ್ಕದಾಗುತ್ತಿದೆ ಎಂಬ ಖರ್ಗೆ ಅವರ ಮಾತು ಕೇವಲ ರಾಜಕೀಯ ವಾಗ್ದಾಳಿಯಲ್ಲ, ಮನೆ ಮನೆಗಳಲ್ಲಿ ಕಾಣುತ್ತಿರುವ ವಾಸ್ತವದ ಪ್ರತಿಬಿಂಬವಾಗಿದೆ. ಜನರು ಮೊದಲು ಅಗತ್ಯ ವಸ್ತುಗಳಿಗೆ ಆದ್ಯತೆ ಕೊಟ್ಟು, ಶಿಕ್ಷಣ, ಆರೋಗ್ಯ, ಮಕ್ಕಳ ಭವಿಷ್ಯದಂತಹ ಖರ್ಚುಗಳನ್ನು ಮುಂದೂಡುವ ಪರಿಸ್ಥಿತಿ ಬಂದರೆ ಅದು ದೇಶದ ದೀರ್ಘಕಾಲದ ಅಭಿವೃದ್ಧಿಗೆ ಅಪಾಯಕಾರಿ. ಸರ್ಕಾರ ಭಾಷಣಗಳಲ್ಲಿ ಅಭಿವೃದ್ಧಿಯ ಚಿತ್ರಣ ಕೊಡುವ ಬದಲು, ಬೆಲೆ ನಿಯಂತ್ರಣಕ್ಕೆ ಸ್ಪಷ್ಟ ನೀತಿ, ಪೂರೈಕೆ ವ್ಯವಸ್ಥೆಯ ಸುಧಾರಣೆ ಮತ್ತು ಬಡವರಿಗೆ ನೇರ ನೆರವಿನ ಬಗ್ಗೆ ಉತ್ತರ ಕೊಡಬೇಕಾದ ಸಮಯ ಬಂದಿದೆ. ಇಲ್ಲದಿದ್ದರೆ ಬೆಲೆ ಏರಿಕೆ ವಿಷಯ ಮುಂಬರುವ ಚುನಾವಣೆಗಳಲ್ಲಿ ಆಡಳಿತ ಪಕ್ಷಕ್ಕೆ ದೊಡ್ಡ ಸವಾಲಾಗಿ ಪರಿಣಮಿಸಲಿದೆ.