☔ Weather
Bengaluru: ☀️ 24°C | AQI 113
Mysore: ☀️ 22°C | AQI 110
Mangalore: ☀️ 27°C | AQI 172
Bengaluru: ☀️ 24°C | AQI 113
☔ Weather
Bengaluru: ☀️ 24°C | AQI 113
Mysore: ☀️ 22°C | AQI 110
Mangalore: ☀️ 27°C | AQI 172
Bengaluru: ☀️ 24°C | AQI 113

HD KUMARASWAMY: ತಿಂಗಳಿಗೆ 5,000 ಕೊಡಬಲ್ಲೆ – ಗೃಹಲಕ್ಷ್ಮಿಯರಿಗೆ ‌ಹೆಚ್.ಡಿ.ಕೆ ಭರವಸೆ

ಹೆಚ್.ಡಿ.ಕುಮಾರಸ್ವಾಮಿ (HD Kumaraswamy) ಮಹಿಳೆಯರಿಗೆ. 2 ಸಾವಿರ ರೂಪಾಯಿಗೆ ಆಸೆ ಪಡಬೇಡಿ, ತಿಂಗಳಿಗೆ 5 ಸಾವಿರ ರೂಪಾಯಿ ಸಿಗುವಂತೆ ಮಾಡುವ ಶಕ್ತಿ ನನಗಿದೆ ಎಂದು ಅವರು ಭರವಸೆ ನೀಡಿದರು.

ಮುಖ್ಯಾಂಶಗಳು

  • 2 ಸಾವಿರಕ್ಕೆ ಮರುಳಾಗಬೇಡಿ
  • 5 ಸಾವಿರ ಬರುವಂತ್ರ ಮಾಡುವೆ
  • ಹೆಚ್.ಡಿ.ಕೆ ಭರವಸೆ

ಹಾಸನ : ಶ್ರೀವೀರಾಂಜನೇಯ ದೇವಾಲಯದ ಲೋಕಾರ್ಪಣಾ ಕಾರ್ಯಕ್ರಮದಲ್ಲಿ ಮಾತನಾಡಿದ ಕೇಂದ್ರ ಸಚಿವ ಹೆಚ್.ಡಿ.ಕುಮಾರಸ್ವಾಮಿ (HD Kumaraswamy) ಅವರು ಗೃಹಲಕ್ಷ್ಮಿ ಫಲಾನುಭವಿ ಮಹಿಳೆಯರಿಗೆ ನೇರವಾಗಿ ಕರೆ ನೀಡಿದರು. 2 ಸಾವಿರ ರೂಪಾಯಿಗೆ ಆಸೆ ಪಡಬೇಡಿ, ತಿಂಗಳಿಗೆ 5 ಸಾವಿರ ರೂಪಾಯಿ ಸಿಗುವಂತೆ ಮಾಡುವ ಶಕ್ತಿ ನನಗಿದೆ ಎಂದು ಅವರು ಭರವಸೆ ನೀಡಿದರು. ಇಂದು ಅನಾರೋಗ್ಯ ಮತ್ತು ಮಕ್ಕಳ ವಿದ್ಯಾಭ್ಯಾಸದ ಖರ್ಚಿಗಾಗಿ ಜನರು ಮನೆ, ಆಸ್ತಿಯನ್ನು ಕಳೆದುಕೊಳ್ಳುತ್ತಿದ್ದಾರೆ. ಸರ್ಕಾರ ನೀಡುತ್ತಿರುವ ಎರಡು ಸಾವಿರ ರೂಪಾಯಿ ಯಾವುದೇ ದಾನ ಅಥವಾ ದಯೆಯಿಂದ ಬಂದದ್ದಲ್ಲ, ಜನರು ಕಟ್ಟುವ ತೆರಿಗೆಯ ಹಣದಿಂದಲೇ ಅದನ್ನು ನೀಡಲಾಗುತ್ತಿದೆ ಎಂದು ಅವರು ಸ್ಪಷ್ಟಪಡಿಸಿದರು.

ಯಾವ ಕುಟುಂಬವೂ ಕೈಚಾಚುವ ಸ್ಥಿತಿಗೆ ಹೋಗಬಾರದು..!

ಬರಗಾಲ ಪರಿಹಾರವಾಗಿ ಎರಡೂವರೆ ಸಾವಿರ ರೂಪಾಯಿ ಕೊಡುವುದಾಗಿ ಸರ್ಕಾರ ಹೇಳುತ್ತದೆಯಾದರೂ, ಯಾದಗಿರಿ ಭಾಗದಲ್ಲಿ ಅದಕ್ಕಿಂತ ಕಡಿಮೆ ಹಣವನ್ನು ಭಿಕ್ಷೆ ನೀಡಿದಂತೆ ನೀಡಲಾಗಿದೆ ಎಂದು ಕುಮಾರಸ್ವಾಮಿ ಆರೋಪಿಸಿದರು. ಆ ಹಣವನ್ನು ಹಿಂದಿರುಗಿಸುತ್ತೇವೆ ಎಂದು ಅಲ್ಲಿನ ರೈತರು ಹೇಳುತ್ತಿದ್ದಾರೆ ಎಂದು ಅವರು ತಿಳಿಸಿದರು. ತಮ್ಮ ಬಳಿಗೆ ಶ್ರೀಮಂತರು ಬರುವುದಿಲ್ಲ, ನೋವು ಅನುಭವಿಸುವ ಬಡವರೇ ಬರುತ್ತಾರೆ ಎಂದು ಹೇಳಿದ ಅವರು, ರಾಜ್ಯದ ಯಾವ ಕುಟುಂಬವೂ ಕೈಚಾಚುವ ಸ್ಥಿತಿಗೆ ಹೋಗಬಾರದು, ಬದಲಾಗಿ ಕೈ ಎತ್ತಿ ಕೊಡುವ ಮಟ್ಟಕ್ಕೆ ಬೆಳೆಯಬೇಕು ಎಂದು ಆಶಯ ವ್ಯಕ್ತಪಡಿಸಿದರು. ತಮಗೆ ಐದು ವರ್ಷ ಸರ್ಕಾರ ನಡೆಸುವ ಅವಕಾಶ ಸಿಕ್ಕರೆ ಎಲ್ಲ ಕೆಲಸಗಳನ್ನು ಮಾಡಲು ಸಾಧ್ಯ ಎಂದು ಹೇಳಿದ ಅವರು, ರಾಜ್ಯದ ಬೊಕ್ಕಸವನ್ನು ಜನರೇ ತುಂಬಿದ್ದಾರೆ, ಹಲವು ಸಮಸ್ಯೆಗಳನ್ನು ಎದುರಿಸಿ ಜನರ ಮುಂದೆ ನಿಂತಿರುವುದು ಅವರ ಆಶೀರ್ವಾದದಿಂದಲೇ ಎಂದು ಹೇಳಿದರು. ಇದೇ ವೇಳೆ ಸಹೋದರ ರೇವಣ್ಣ ಅವರನ್ನು ಕುರಿತು ಮಾತನಾಡಿದ ಅವರು, ರೇವಣ್ಣ ದೈವಭಕ್ತ, ಸ್ವಲ್ಪ ಕೋಪಿಷ್ಠ, ಬೆಳಗ್ಗೆ ಎದ್ದ ತಕ್ಷಣ ಯಾರ ಮುಖವನ್ನೂ ನೋಡದೆ ಮೊದಲು ದೇವಸ್ಥಾನಕ್ಕೆ ಹೋಗಿ ಪೂಜೆ ಮಾಡಿ ಬರುತ್ತಾರೆ, ಕೆಲಸ ಮಾಡುವುದರಲ್ಲಿ ತಾವು ಅವರ ಮುಂದೆ ನಿಲ್ಲಲು ಸಾಧ್ಯವಿಲ್ಲ ಎಂದು ಹೊಗಳಿದರು.

ಇದನ್ನೂ ಓದಿ : ಕಿದ್ವಾಯಿ ಆಸ್ಪತ್ರೆಯ ಪುಟಾಣಿ ಮಕ್ಕಳೊಂದಿಗೆ ಮಕ್ಕಳ ದಿನಾಚರಣೆ ಆಚರಿಸಿದ ಡಿ.ಕೆ. ಶಿವಕುಮಾರ್

ಗೃಹಲಕ್ಷ್ಮಿ ಯೋಜನೆ ಈಗ ಕೇವಲ ಆರ್ಥಿಕ ನೆರವಿನ ವಿಷಯವಾಗಿ ಉಳಿದಿಲ್ಲ, ಅದು ರಾಜ್ಯ ರಾಜಕಾರಣದಲ್ಲಿ ಮಹಿಳಾ ಮತದಾರರ ಭಾವನೆಯನ್ನು ಸೆಳೆಯುವ ಪ್ರಮುಖ ಅಸ್ತ್ರವಾಗಿ ಬದಲಾಗಿದೆ. ಎರಡು ಸಾವಿರ ರೂಪಾಯಿ ಸಾಕಾಗುವುದಿಲ್ಲ, ಐದು ಸಾವಿರ ಕೊಡಬಹುದು ಎಂಬ ಕುಮಾರಸ್ವಾಮಿ ಅವರ ಮಾತು ಮಹಿಳಾ ಮತದಾರರಲ್ಲಿ ಹೊಸ ನಿರೀಕ್ಷೆಯನ್ನು ಹುಟ್ಟಿಸುವ ಪ್ರಯತ್ನವಾಗಿದೆ. ಆದರೆ ಇಂತಹ ಭರವಸೆಗಳು ಚುನಾವಣಾ ವೇದಿಕೆಗಳಲ್ಲಿ ಮಾತ್ರ ಕೇಳಿಬರುತ್ತವೆ, ಅಧಿಕಾರಕ್ಕೆ ಬಂದ ನಂತರ ಆರ್ಥಿಕ ಶಿಸ್ತು, ಬೊಕ್ಕಸದ ಸ್ಥಿತಿ ಮತ್ತು ಯೋಜನೆಗಳ ಸುಸ್ಥಿರತೆ ಪ್ರಶ್ನೆಗಳು ಮುನ್ನೆಲೆಗೆ ಬರುತ್ತವೆ. ಜನರ ತೆರಿಗೆ ಹಣವೇ ಯೋಜನೆಗಳಿಗೆ ಮೂಲ ಎಂಬ ಅವರ ಮಾತು ನಿಜವಾದರೂ, ಯಾವುದೇ ಸರ್ಕಾರಕ್ಕೆ ದೊಡ್ಡ ಮೊತ್ತದ ನೇರ ನಗದು ವರ್ಗಾವಣೆಯನ್ನು ದೀರ್ಘಕಾಲ ಮುಂದುವರಿಸುವುದು ಸುಲಭವಲ್ಲ. ಹೀಗಾಗಿ ಮತದಾರರು ಭರವಸೆಯ ಮೊತ್ತಕ್ಕಿಂತ, ಅದನ್ನು ಈಡೇರಿಸುವ ಮಾರ್ಗ, ಆದಾಯದ ಮೂಲ ಮತ್ತು ಅಭಿವೃದ್ಧಿ ಕಾರ್ಯಗಳ ಜೊತೆಗಿನ ಸಮತೋಲನವನ್ನು ಗಮನಿಸಬೇಕಾಗಿದೆ. ಇಲ್ಲದಿದ್ದರೆ ಉಚಿತ ಹಣದ ಸ್ಪರ್ಧೆ ರಾಜ್ಯದ ಆರ್ಥಿಕತೆಯನ್ನು ದುರ್ಬಲಗೊಳಿಸುವ ಅಪಾಯವಿದೆ.