☔ Weather
Bengaluru: ☁️ 20°C | AQI 153
Mysore: 🌤️ 19°C | AQI 123
Mangalore: ☁️ 24°C | AQI 136
Bengaluru: ☁️ 20°C | AQI 153
☔ Weather
Bengaluru: ☁️ 20°C | AQI 153
Mysore: 🌤️ 19°C | AQI 123
Mangalore: ☁️ 24°C | AQI 136
Bengaluru: ☁️ 20°C | AQI 153

BBK 13: ಮೊದಲ ವಾರದ ಆಟಕ್ಕೆ ಕಿಚ್ಚನ ಪಂಚಾಯಿತಿ ಶುರು; ಬಿಗ್ ಬಾಸ್ ಮನೆಯಲ್ಲಿ ಯಾರಿಗೆ ಕ್ಲಾಸ್?

ಕಿಚ್ಚನ ಮೊದಲ ಪಂಚಾಯಿತಿ ಪ್ರೋಮೋ ಔಟ್

Photo Credits: @colorskannadaofficial (Instagram)

‘ಬಿಗ್ ಬಾಸ್ ಕನ್ನಡ ಸೀಸನ್ 13’ ಆರಂಭವಾಗಿ ಮೊದಲ ವಾರ ಯಶಸ್ವಿಯಾಗಿ ಪೂರ್ಣಗೊಂಡಿದೆ. ಈ ಒಂದು ವಾರದಲ್ಲಿ ಮನೆಯ 16 ಸ್ಪರ್ಧಿಗಳ ನಡುವೆ ಭಾರಿ ಆಟ, ಟಾಸ್ಕ್ ಹಾಗೂ ಕಿತ್ತಾಟಗಳು ನಡೆದಿವೆ.

ಸೆಪ್ಟೆಂಬರ್ 6 ರಂದು ಅದ್ಧೂರಿಯಾಗಿ ಚಾಲನೆ ಪಡೆದ ಈ ಶೋನಲ್ಲಿ ಸ್ಪರ್ಧಿಗಳು ವಿಮಾನದ ಮೂಲಕ ದೊಡ್ಮನೆಗೆ ಎಂಟ್ರಿ ಕೊಟ್ಟಿದ್ದರು. ಟಾಸ್ಕ್‌ನಲ್ಲಿ ಸೋತ ಆಸಿಯಾ ಹಾಗೂ ಓಂ ಪ್ರಕಾಶ್ ರಾವ್ ಮೊದಲ ವಾರವೇ ಹೊರಬಿದ್ದಿದ್ದಾರೆ.

ಇದೀಗ ಮೊದಲ ವಾರದ ಸ್ಪರ್ಧಿಗಳ ಆಟದ ವೈಖರಿ ಹಾಗೂ ಅವರ ನಡವಳಿಕೆಯನ್ನು ವಿಶ್ಲೇಷಿಸಲು ನಟ ಕಿಚ್ಚ ಸುದೀಪ್ ಸಜ್ಜಾಗಿದ್ದಾರೆ. ತಮ್ಮ ಮೊದಲ ವಾರಾಂತ್ಯದ ‘ಪಂಚಾಯಿತಿ’ ಸಂಚಿಕೆಯೊಂದಿಗೆ ಅವರು ಮನೆಮಂದಿಯ ಮುಂದೆ ಬರಲಿದ್ದು, ಈ ಕುರಿತಾದ ಹೊಸ ಪ್ರೋಮೋ ಬಿಡುಗಡೆಯಾಗಿದೆ.

ಕಾಮನ್ ಮ್ಯಾನ್ ಮತ್ತು ಸೆಲೆಬ್ರಿಟಿ ಭೇದಭಾವ: ಸುದೀಪ್ ಎತ್ತಿದ ನೇರ ಪ್ರಶ್ನೆಗಳು

ದೊಡ್ಮನೆಯಲ್ಲಿ ಸೆಲೆಬ್ರಿಟಿಗಳು ಹಾಗೂ ಕಾಮನ್ ಮ್ಯಾನ್ ನಡುವೆ ಭೇದಭಾವ ನಡೆಯುತ್ತಿದೆ ಎಂಬ ಆರೋಪ ಕೇಳಿಬಂದಿದೆ. ಈ ವಿಚಾರವನ್ನು ಧನುಷ್ ಮಂಜುನಾಥ್ ಹಾಗೂ ಮಹಾಕವಿ ಮಂಜ ಮೊದಲು ಧ್ವನಿ ಎತ್ತಿದ್ದರು.

ಕಾಮನ್ ಮ್ಯಾನ್ ಸ್ಪರ್ಧಿಗಳನ್ನು ಬೇಕೆಂದೇ ಟಾರ್ಗೆಟ್ ಮಾಡಲಾಗುತ್ತಿದೆ ಎಂಬ ದೂರುಗಳಿದ್ದವು. ಇದೀಗ ಬಿಡುಗಡೆಯಾಗಿರುವ ಪ್ರೋಮೋದಲ್ಲಿ ಕಿಚ್ಚ ಸುದೀಪ್ ಈ ಭೇದಭಾವದ ಕುರಿತು ನೇರವಾಗಿ ಪ್ರಶ್ನೆಗಳನ್ನು ಕೇಳಿದ್ದಾರೆ.

“ಈ ಭೇದಭಾವ ಯಾರಿಂದ ಶುರುವಾಯಿತು? ವಿಐಪಿ ಅವಕಾಶಗಳನ್ನು ನಿಮಗೇ ಬೇಕಾದಂತೆ ಬಳಸಿಕೊಂಡಿದ್ದು ಯಾವಾಗ?” ಎಂದು ಸುದೀಪ್ ಸ್ಪರ್ಧಿಗಳಿಗೆ ಖಡಕ್ ಆಗಿ ಪ್ರಶ್ನಿಸಿದ್ದಾರೆ.

ಮೂಲ ನಿಯಮ ಮುರಿದವರಿಗೆ ಎಚ್ಚರಿಕೆ: ಇಂದು ರಾತ್ರಿ 9ಕ್ಕೆ ಪ್ರಸಾರ

ಮನೆಯ ಮೂಲ ನಿಯಮಗಳನ್ನು ಮೂಲೆಗುಂಪು ಮಾಡಿದವರ ವಿರುದ್ಧ ಸುದೀಪ್ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಈ ವಾರ ಗಗನ್ ಚಿನ್ನಪ್ಪ ಸೇರಿದಂತೆ ಇತರ ಸ್ಪರ್ಧಿಗಳಿಗೆ ಕ್ಲಾಸ್ ಸಿಗಲಿದೆಯಾ ಎಂಬ ಕುತೂಹಲ ಮೂಡಿದೆ.

ಪ್ರತಿ ಸೀಸನ್‌ನಂತೆ ಈ ಬಾರಿಯೂ ವಾರಾಂತ್ಯದ ಪಂಚಾಯಿತಿ ಸಂಚಿಕೆಯು ಶನಿವಾರ ಮತ್ತು ರವಿವಾರ ರಾತ್ರಿ 9 ಗಂಟೆಗೆ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗಲಿದೆ.

ಯಾರಿಗೆ ಸುದೀಪ್ ಅವರಿಂದ ಶಹಬ್ಬಾಸ್‌ಗಿರಿ ಸಿಗಲಿದೆ ಹಾಗೂ ಯಾರಿಗೆ ಕ್ಲಾಸ್ ಸಿಗಲಿದೆ ಎಂಬುದನ್ನು ತಿಳಿಯಲು ವೀಕ್ಷಕರು ಕಾತರದಿಂದ ಕಾಯುತ್ತಿದ್ದಾರೆ.