BBK 13: ‘ಬಿಗ್ ಬಾಸ್ ಕನ್ನಡ 13’ ಮನೆಯಲ್ಲಿ ದಿನದಿಂದ ದಿನಕ್ಕೆ ಆಟ ಕಾವು ಪಡೆದುಕೊಳ್ಳುತ್ತಿದೆ. ಸ್ಪರ್ಧಿಗಳ ನಡುವಿನ ವಾಗ್ವಾದಗಳು ಮತ್ತು ವಾಕ್ಸಮರಗಳು ವೀಕ್ಷಕರಿಗೆ ಭರ್ಜರಿ ಮನರಂಜನೆ ನೀಡುತ್ತಿವೆ.
ಇತ್ತೀಚೆಗೆ ನಡೆದ ಕ್ಯಾಪ್ಟನ್ಸಿ ರೇಸ್ ವೇಳೆ ಸ್ಪರ್ಧಿಗಳಾದ ಗಾನವಿ ಹಾಗೂ ತಾಂಡವ್ ರಾಮ್ ನಡುವೆ ತೀವ್ರ ಮಾತಿನ ಚಕಮಕಿ ನಡೆದಿದೆ. ಗಾನವಿ ನೀಡಿದ ಖಡಕ್ ಕೌಂಟರ್ ಏಟಿಗೆ ತಾಂಡವ್ ರಾಮ್ ಶಮನಗೊಂಡು ಸೈಲೆಂಟ್ ಆಗಿದ್ದಾರೆ.
ಕ್ಯಾಪ್ಟನ್ಸಿ ರೇಸ್‌ನಿಂದ ಹೊರಗಿಡುವ ಪ್ರಕ್ರಿಯೆಯಲ್ಲಿ ಗಾನವಿ ಅವರ ಅರ್ಹತೆಯನ್ನು ತಾಂಡವ್ ಪ್ರಶ್ನಿಸಿದ್ದು, ಅದಕ್ಕೆ ಗಾನವಿ ನೀಡಿದ ತಿರುಗೇಟು ಈಗ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ.
‘ಕ್ಯಾಪ್ಟನ್ಸಿ ಓಟಕ್ಕೆ ಗಾನವಿ ಅರ್ಹರಲ್ಲ’ ಎಂದ ತಾಂಡವ್
ಕ್ಯಾಪ್ಟನ್ಸಿ ರೇಸ್ ವಿಚಾರವಾಗಿ ಚರ್ಚೆ ನಡೆಯುತ್ತಿರುವಾಗ ತಾಂಡವ್ ರಾಮ್ ಅವರು ಗಾನವಿ ಅವರ ಆಟವನ್ನು ಟೀಕಿಸಿದರು. ‘ಕ್ಯಾಪ್ಟನ್ಸಿ ಓಟಕ್ಕೆ ಗಾನವಿ ಅವರು ಅರ್ಹರಲ್ಲ’ ಎಂದು ನೇರವಾಗಿಯೇ ಹೇಳಿದರು.
ಇದನ್ನು ಓದಿ: BBK 13: ಈ ವಾರ ಮಂಜು ಎಲಿಮಿನೇಟ್ ಫಿಕ್ಸ್?
ತಾಂಡವ್ ಅವರ ಈ ಮಾತು ಬಿಗ್ ಬಾಸ್ ಮನೆಯಲ್ಲಿ ಇತರ ಸ್ಪರ್ಧಿಗಳ ಗಮನ ಸೆಳೆಯಿತು. ತಮ್ಮ ಸಾಮರ್ಥ್ಯವನ್ನು ಪ್ರಶ್ನಿಸಿದ ತಾಂಡವ್ ಮಾತಿಗೆ ಗಾನವಿ ಸುಮ್ಮನೆ ಕುಳಿತುಕೊಳ್ಳದೆ ತಕ್ಷಣವೇ ಪ್ರತಿಕ್ರಿಯಿಸಲು ನಿರ್ಧರಿಸಿದರು.
‘ನೀವು ಗಗನ್ ಪಕ್ಕ ಇರೋ ತಾಂಡವ್ ಅಷ್ಟೇ’ ಎಂದ ಗಾನವಿ
ತಾಂಡವ್ ಅವರ ಆರೋಪಕ್ಕೆ ಸಖತ್ ಕೌಂಟರ್ ಕೊಟ್ಟ ಗಾನವಿ, “ನೀವು ಯಾವಾಗಲೂ ಗಗನ್ ಪಕ್ಕದಲ್ಲಿ ನಿಲ್ಲುವ ತಾಂಡವ್ ಎಂದಷ್ಟೇ ಗುರುತಿಸಿಕೊಳ್ಳುತ್ತೀರಿ. ನಿಮಗೆ ಸ್ವಂತ ಅಸ್ತಿತ್ವವಿಲ್ಲ” ಎಂದು ಖಾರವಾಗಿ ಹೇಳಿದರು.
“ನೀವು ಬಿಗ್ ಬಾಸ್ ಮನೆಯಲ್ಲಿ ಏನೂ ಆಡುತ್ತಿಲ್ಲ ಎಂಬ ಕಾರಣಕ್ಕೆ ನಿಮ್ಮನ್ನು ಹೊರಗೆ ಕಳುಹಿಸಲಾಗಿತ್ತು. ನಂತರ ಮತ್ತೆ ಅವಕಾಶ ನೀಡಿ ಮನೆಗೆ ಕರೆತರಲಾಯಿತು. ಆದರೂ ನಿಮ್ಮ ಆಟದಲ್ಲಿ ಯಾವುದೇ ಬದಲಾವಣೆ ಬಂದಿಲ್ಲ” ಎಂದು ಗಾನವಿ ನೇರವಾಗಿ ವಾಗ್ದಾಳಿ ನಡೆಸಿದರು.
BBK 13: ಗಾನವಿ ನೀಡಿದ ತಿರುಗೇಟಿಗೆ ಸೈಲೆಂಟ್ ಆದ ತಾಂಡವ್ ರಾಮ್
ತಮ್ಮ ಹಳೆಯ ಎಲಿಮಿನೇಷನ್ ಹಾಗೂ ಮನೆಯಲ್ಲಿನ ಆಟದ ಶೈಲಿಯನ್ನು ನೆನಪಿಸಿ ಗಾನವಿ ನೀಡಿದ ತಿರುಗೇಟನ್ನು ಕೇಳಿ ತಾಂಡವ್ ರಾಮ್ ಸಂಪೂರ್ಣವಾಗಿ ಸೈಲೆಂಟ್ ಆದರು. ಅವರ ಬಳಿ ಉತ್ತರವೇ ಇಲ್ಲದಂತಾಯಿತು.
ಗಾನವಿ ಅವರ ಈ ಧೈರ್ಯದ ನಡೆ ಹಾಗೂ ಖಡಕ್ ಮಾತುಗಳಿಗೆ ಬಿಗ್ ಬಾಸ್ ವೀಕ್ಷಕರಿಂದ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಗಾನವಿ ಅವರ ಕೌಂಟರ್‌ಗೆ ತಾಂಡವ್ ಸೈಲೆಂಟ್ ಆದ ವೀಡಿಯೋ ಈಗ ಜಾಲತಾಣಗಳಲ್ಲಿ ಹಲ್ಚಲ್ ಎಬ್ಬಿಸುತ್ತಿದೆ.
