Daily Horoscope: ಶಾಲಿವಾಹನ ಶಕವರ್ಷ 1949ರ ದಕ್ಷಿಣಾಯನ, ವರ್ಷ ಋತುವಿನ ಭಾದ್ರಪದ ಮಾಸದ ಕೃಷ್ಣ ಪಕ್ಷದ ದಶಮೀ ತಿಥಿಯ ಸೋಮವಾರದ ಈ ದಿನ ಸಂಶೋಧನೆ, ವಾಹನದಿಂದ ಲಾಭ ಹಾಗೂ ಭೋಗಾಪೇಕ್ಷೆಯ ದಿನವಾಗಿದೆ. ಆಚರಣೆಯಲ್ಲಿ ಸುಧಾರಣೆ ತಂದುಕೊಳ್ಳುವುದು ಮತ್ತು ದುಡುಕಿನ ನಿರ್ಧಾರಗಳಿಂದ ದೂರವಿರುವುದು ಇಂದಿನ ಅಗತ್ಯ.
ಇಂದಿನ ಚಾಂದ್ರಮಾನ ಭಾದ್ರಪದ, ಸೌರಮಾನ ಕನ್ಯಾ ಮಾಸ, ಹಸ್ತಾ ಮಹಾನಕ್ಷತ್ರ ಹಾಗೂ ಪುಷ್ಯ ನಿತ್ಯನಕ್ಷತ್ರಗಳ ಶುಭ ಸಂಯೋಗವಿದೆ. ಶಿವ ಯೋಗ ಮತ್ತು ಗರಜ ಕರಣವಿದ್ದು, ಸೂರ್ಯೋದಯ ಬೆಳಿಗ್ಗೆ 06:10ಕ್ಕೆ ಹಾಗೂ ಸೂರ್ಯಾಸ್ತ ಸಂಜೆ 06:05ಕ್ಕೆ ಆಗಲಿದೆ.
ಇಂದಿನ ಶುಭಾಶುಭ ಕಾಲಗಳನ್ನು ಗಮನಿಸುವುದಾದರೆ, ಬೆಳಿಗ್ಗೆ 07:40 ರಿಂದ 09:09 ರವರೆಗೆ ರಾಹು ಕಾಲವಿರುತ್ತದೆ. ಯಮಗಂಡ ಕಾಲ ಬೆಳಿಗ್ಗೆ 10:38 ರಿಂದ 12:08 ಹಾಗೂ ಗುಳಿಕ ಕಾಲ ಮಧ್ಯಾಹ್ನ 01:37 ರಿಂದ 05:07 ರವರೆಗೆ ಇರಲಿದೆ.
ಮೇಷ ರಾಶಿ
ಇಂದು ಮೋಜು ಮಸ್ತಿಯಲ್ಲಿ ದಿನ ಕಳೆಯುವಿರಿ. ವಿದ್ಯಾರ್ಥಿಗಳಿಗೆ ಅಭ್ಯಾಸದಲ್ಲಿ ಆಸಕ್ತಿ ಕಡಿಮೆಯಾಗಬಹುದು. ಆಸ್ತಿ ಖರೀದಿ ಬಗ್ಗೆ ಮನೆಯಲ್ಲಿ ಚರ್ಚೆ ನಡೆಯಲಿದೆ. ಬಾಕಿ ಇರುವ ಹಣವನ್ನು ಪಡೆಯಲು ನೇರವಾಗಿ ಮನೆಗೆ ತೆರಳುವಿರಿ. ಉದ್ಯೋಗದ ನಿಮಿತ್ತ ಅತಿಯಾದ ಓಡಾಟವಿರಲಿದೆ.
ವೃಷಭ ರಾಶಿ
ನಿಮ್ಮ ಆಲಸ್ಯವೇ ನಿಮ್ಮ ಯಶಸ್ಸಿಗೆ ಶತ್ರುವಾಗಬಹುದು. ರಹಸ್ಯಗಳನ್ನು ಯಾರೊಂದಿಗೂ ಹಂಚಿಕೊಳ್ಳಬೇಡಿ. ಸತ್ಯವನ್ನು ಸರಿಯಾಗಿ ತಿಳಿಸಿ ಗೊಂದಲ ಬಗೆಹರಿಸಿ. ಧಾರ್ಮಿಕ ಕಾರ್ಯಗಳಿಗೆ ಹೆಚ್ಚಿನ ಆದ್ಯತೆ ನೀಡುವಿರಿ. ಭೂ ವ್ಯವಹಾರಗಳು ಕಾರಣಾಂತರಗಳಿಂದ ಮಂದಗತಿಯಲ್ಲಿ ಸಾಗಲಿವೆ.
ಮಿಥುನ ರಾಶಿ
ಬಂಧುಗಳ ಅಗತ್ಯಕ್ಕೆ ಹಣ ನೀಡಬೇಕಾಗಿ ಬರಬಹುದು. ಶಿಕ್ಷಣಕ್ಕೆ ಕುಟುಂಬದಿಂದ ಉತ್ತಮ ಪ್ರೋತ್ಸಾಹ ಸಿಗಲಿದೆ. ಅನಿವಾರ್ಯವಾಗಿ ಹಳೆಯ ವೃತ್ತಿಗೆ ಮರಳುವ ಸ್ಥಿತಿ ಬರಬಹುದು. ಸಹೋದರರಿಂದ ಸೂಕ್ತ ನೆರವು ಸಿಗಲಿದೆ. ಅನಗತ್ಯ ವಿಚಾರಗಳಲ್ಲಿ ಆಸಕ್ತಿ ತೋರಬೇಡಿ.
ಕರ್ಕಾಟಕ ರಾಶಿ
ನಾಯಕರಂತೆ ನಡೆದುಕೊಳ್ಳುವುದು ಇಂದಿನ ಅಗತ್ಯ. ಜೀವನ ನಿಧಾನವಾಗಿ ಸಾಗುತ್ತಿದೆ ಎನಿಸಬಹುದು. ಸಂಗಾತಿಯೊಂದಿಗೆ ಸಣ್ಣಪುಟ್ಟ ಮನಸ್ತಾಪ ಉಂಟಾಗಿ ಮೌನ ಆವರಿಸಬಹುದು. ಆಪ್ತರನ್ನು ಭೇಟಿಯಾಗಿ ಸಂತೋಷದಿಂದ ಕಾಲ ಕಳೆಯುವಿರಿ.
ಸಿಂಹ ರಾಶಿ
ಮಕ್ಕಳಿಂದ ನಿಮ್ಮ ಚಿಂತೆಗಳು ದೂರವಾಗಲಿವೆ. ಆರೋಗ್ಯದ ವೆಚ್ಚದಿಂದಾಗಿ ಆರ್ಥಿಕ ಮಟ್ಟದಲ್ಲಿ ಸ್ವಲ್ಪ ಕುಸಿತ ಕಾಣಬಹುದು. ಆಲೋಚನೆಗಳು ಅಸ್ಥಿರವಾಗಿರುತ್ತವೆ. ಅಧಿಕಾರಕ್ಕಾಗಿ ಹೊಸ ತಂತ್ರ ರೂಪಿಸುವಿರಿ. ಮಕ್ಕಳಿಗೆ ಜವಾಬ್ದಾರಿ ನೀಡಿ ನಿಶ್ಚಿಂತೆಯಿಂದ ಇರುವಿರಿ.
ಕನ್ಯಾ ರಾಶಿ
ಅಪರಿಚಿತರು ಸಹಾಯ ಕೇಳಿ ಬಂದರೆ ನಿಮ್ಮಿಂದಾದಷ್ಟು ದಾನ ಮಾಡಿ. ಮನೆಗೆ ಅಗತ್ಯವಿರುವ ವಸ್ತುಗಳನ್ನು ಖರೀದಿಸುವಿರಿ. ಯಾರ ಬಗ್ಗೆಯೂ ಮನಬಂದಂತೆ ಮಾತನಾಡಬೇಡಿ. ಬಂಧುಗಳ ಜೊತೆ ಮನಸ್ಸಿನ ಮಾತು ಹಂಚಿಕೊಳ್ಳುವಿರಿ. ಭವಿಷ್ಯದ ಬಗ್ಗೆ ಕೊಂಚ ಚಿಂತೆ ಕಾಡಬಹುದು.
ತುಲಾ ರಾಶಿ
ಒಂಟಿತನದಿಂದ ಅನಗತ್ಯ ಆಲೋಚನೆಗಳು ಹೆಚ್ಚಾಗಬಹುದು. ಗೌರವಕ್ಕೆ ಧಕ್ಕೆ ಬಾರದಂತೆ ನಡೆದುಕೊಳ್ಳಿ. ನಿಮ್ಮ ಜಾಣತನದಿಂದ ಕೆಲಸಗಳನ್ನು ಸಾಧಿಸಿಕೊಳ್ಳುವಿರಿ. ವಿದೇಶ ಪ್ರಯಾಣಕ್ಕೆ ಉತ್ತಮ ಅವಕಾಶಗಳು ಒದಗಿಬರಲಿವೆ. ಆಪ್ತರ ಒಡನಾಟ ಖುಷಿ ತರಲಿದೆ.
ವೃಶ್ಚಿಕ ರಾಶಿ
ಪ್ರತಿಯೊಂದನ್ನೂ ಸಂಭ್ರಮದಿಂದ ಸ್ವೀಕರಿಸಿ. ಹಿತಶತ್ರುಗಳನ್ನು ಹಿಮ್ಮೆಟ್ಟಿಸಲು ಸರಿಯಾದ ತಂತ್ರ ಬಳಸಿ. ವ್ಯಾಪಾರ ಮತ್ತು ವ್ಯವಹಾರಗಳು ಲಾಭದಾಯಕವಾಗಿ ನಡೆಯಲಿವೆ. ಉದ್ಯೋಗದಲ್ಲಿ ಉತ್ತಮ ಪ್ರಗತಿ ಸಾಧಿಸುವಿರಿ. ನಿಮ್ಮ ಜ್ಞಾನದ ಮೇಲೆ ನಿಮಗೆ ನಂಬಿಕೆ ಇರಲಿ.
ಧನು ರಾಶಿ
ವಿಷಯ ತಿಳಿಯದೆ ಮಾತನಾಡುವುದು ಶೋಭೆಯಲ್ಲ. ವಂಚಕರ ಬಲೆಗೆ ಬೀಳದಂತೆ ಎಚ್ಚರವಹಿಸಿ. ಆಪ್ತರನ್ನು ರಕ್ಷಿಸಿಕೊಳ್ಳಲು ಶ್ರಮಿಸುವಿರಿ. ಸಂಗಾತಿಯ ಪ್ರೀತಿಯನ್ನು ಉಳಿಸಿಕೊಳ್ಳಲು ಪ್ರಯತ್ನಿಸುವಿರಿ. ವಿದ್ಯಾರ್ಥಿಗಳಿಗೆ ಅಭ್ಯಾಸದಲ್ಲಿ ಏಕಾಗ್ರತೆ ಕೊರತೆಯಾಗಬಹುದು.
ಮಕರ ರಾಶಿ
ಇತರರ ಕಷ್ಟಕ್ಕೆ ಸ್ಪಂದಿಸುವ ಸ್ಥಿತಿ ಬರಲಿದೆ. ಆರ್ಥಿಕ ಮೂಲಗಳು ಕೈತಪ್ಪದಂತೆ ನೋಡಿಕೊಳ್ಳಿ. ಕೈಗೊಂಡ ಕೆಲಸಗಳಲ್ಲಿ ಸಣ್ಣಪುಟ್ಟ ಅಡೆತಡೆಗಳು ಎದುರಾಗಬಹುದು. ತಾಯಿಯ ಸಂಪೂರ್ಣ ಸಹಕಾರ ಸಿಗಲಿದೆ. ಸಂಗಾತಿಯನ್ನು ಸಂತೋಷಪಡಿಸಲು ಹೊರಗೆ ಕರೆದೊಯ್ಯುವಿರಿ.
ಕುಂಭ ರಾಶಿ
ಧಾರ್ಮಿಕ ಕಾರ್ಯಗಳಲ್ಲಿ ಆಸಕ್ತಿ ಕಡಿಮೆಯಾಗಬಹುದು. ಆಸ್ತಿಯಿಂದ ಉತ್ತಮ ಲಾಭ ಕಾಯ್ದಿರಿಸಿದೆ. ವ್ಯವಹಾರದಲ್ಲಿ ಪ್ರಗತಿ ಕಾಣುವಿರಿ. ಇತರರ ಸುಖಕ್ಕಾಗಿ ನಿಮ್ಮ ಕೆಲ ಸಂತೋಷಗಳನ್ನು ತ್ಯಾಗ ಮಾಡುವಿರಿ. ನಿಮ್ಮ ನಡವಳಿಕೆಯಲ್ಲಿ ಉತ್ತಮ ಬದಲಾವಣೆ ಇರಲಿದೆ.
ಮೀನ ರಾಶಿ (Daily Horoscope)
ಅತಿಯಾದ ಬುದ್ಧಿವಂತಿಕೆ ಪ್ರದರ್ಶಿಸಲು ಹೋಗಿ ತೊಂದರೆಗೆ ಸಿಲುಕಬೇಡಿ. ವಾಹನ ದುರಸ್ತಿಗೆ ಖರ್ಚಾಗಬಹುದು. ಆಸ್ತಿಗೆ ಸಂಬಂಧಿಸಿದ ವಿವಾದಗಳು ಇತ್ಯರ್ಥವಾಗಲಿವೆ. ಹಳೆಯ ಕಡತಗಳನ್ನು ವಿಲೇವಾರಿ ಮಾಡುವಿರಿ. ನಿಮ್ಮ ಕೆಲಸದ ಮೇಲೆ ಸಂಪೂರ್ಣ ಗಮನವಿರಲಿ.
