Daily Horoscope: ಅಕ್ಟೋಬರ್ 20ರ ಇಂದಿನ ರಾಶಿ ಭವಿಷ್ಯದ ಪ್ರಕಾರ, ಕೆಲ ರಾಶಿಯವರ ಮೇಲೆ ಅವಹೇಳನಕರ ಸಂಗತಿಗಳು ಅಥವಾ ಅಪವಾದಗಳು ಪ್ರಸಾರವಾಗುವ ಸಾಧ್ಯತೆಯಿದೆ. ಇಂದಿನ ದಿನದಲ್ಲಿ ಪ್ರತಿಯೊಂದು ವಿಚಾರದಲ್ಲೂ ಎಚ್ಚರಿಕೆ ಹಾಗೂ ಸಂಯಮ ವಹಿಸುವುದು ಅತ್ಯಂತ ಅವಶ್ಯವಾಗಿದೆ.
ಶಾಲಿವಾಹನ ಶಕೆ ೧೯೪೯ರ ಪರಾಭವ ಸಂವತ್ಸರದ ದಕ್ಷಿಣಾಯನ, ಶರತ್ ಋತು, ಆಶ್ವಯುಜ ಮಾಸದ ಶುಕ್ಲ ಪಕ್ಷದ ನವಮೀ ತಿಥಿಯ ಮಂಗಳವಾರದ ದಿನ ಇದಾಗಿದೆ. ಇಂದು ಉದ್ಯೋಗ ಬದಲಾವಣೆ, ವಿಪತ್ತು ಹಾಗೂ ಹಿತಶತ್ರುಗಳ ಕಾಟದಿಂದ ದೂರವಿರುವುದು ಒಳ್ಳೆಯದು.
ಶರನ್ನವರಾತ್ರದ ಒಂಭತ್ತನೇ ದಿನವಾದ ಇಂದು ಸಿದ್ಧಿದಾತ್ರೀ ದೇವಿಯ ಆರಾಧನೆ ಎಲ್ಲರಿಗೂ ಲಭಿಸಲಿ. ತಾಯಿಯು ಸಕಲರ ಸಂಕಟಗಳನ್ನು ನಿವಾರಿಸಿ, ಎಲ್ಲರ ಕಾರ್ಯಗಳನ್ನು ಸಿದ್ಧಿಸಿಕೊಡಲಿ ಎಂದು ಭಕ್ತಿಯಿಂದ ಪ್ರಾರ್ಥಿಸೋಣ.
ಮೇಷ ರಾಶಿ
ಯಾರಾದರೂ ನಿಮ್ಮ ದೌರ್ಬಲ್ಯವನ್ನು ಅರಿತು ನಿಮ್ಮನ್ನು ಪೀಡಿಸಬಹುದು. ನಿಮ್ಮ ಸ್ವಂತ ಪ್ರಯತ್ನದಿಂದ ಎಲ್ಲ ಕೆಲಸಗಳಲ್ಲೂ ಯಶಸ್ಸು ಸಿಗಲಿದೆ. ಆರೋಗ್ಯದಲ್ಲಿ ಸಣ್ಣಪುಟ್ಟ ಸಮಸ್ಯೆಗಳು ಕಾಣಿಸಿಕೊಳ್ಳಬಹುದು.
ವೃಷಭ ರಾಶಿ
ನಿಮ್ಮ ಕೈಮೀರಿದ ಜವಾಬ್ದಾರಿಗಳನ್ನು ತೆಗೆದುಕೊಳ್ಳಲು ಹೋಗಬೇಡಿ. ವೃತ್ತಿ ಜೀವನದಿಂದ ನಿಮಗೆ ಉತ್ತಮ ಗೌರವ ದೊರೆಯಲಿದೆ. ಅನಗತ್ಯ ಖರ್ಚುಗಳಿಗೆ ಕಡಿವಾಣ ಹಾಕಿ, ಎಚ್ಚರಿಕೆಯಿಂದ ವ್ಯವಹಾರ ಮಾಡಿ.
ಮಿಥುನ ರಾಶಿ
ಉನ್ನತ ವಿದ್ಯಾಭ್ಯಾಸಕ್ಕೆ ಎದುರಾಗುವ ಅಡೆತಡೆಗಳ ಬಗ್ಗೆ ಮುನ್ನೆಚ್ಚರಿಕೆ ಇರಲಿ. ನಿರೀಕ್ಷಿತ ಹಂತ ತಲುಪುವುದರಿಂದ ಮನಸ್ಸಿಗೆ ಸಂತೋಷವಾಗಲಿದೆ. ಸರಿಯಾದ ಸಮಯಕ್ಕೆ ಭೋಜನ ಸೇವಿಸಿ.
ಕರ್ಕಾಟಕ ರಾಶಿ
ಸಂಬಂಧಿಕರು ನಿಮ್ಮ ಮುಗ್ಧತೆಯನ್ನು ಬಳಸಿಕೊಳ್ಳಲು ನೋಡಬಹುದು. ನಿಮ್ಮ ಕೆಲಸದ ಕಡೆ ಮಾತ್ರ ಸಂಪೂರ್ಣ ಗಮನವಿಡಿ. ಮನಸ್ತಾಪಗಳು ನಿಮ್ಮ ನೆಮ್ಮದಿಯನ್ನು ಹಾಳು ಮಾಡಬಹುದು.
ಸಿಂಹ ರಾಶಿ
ಅತಿಯಾದ ಉತ್ಸಾಹದಿಂದ ವರ್ತಿಸುವುದು ಒಳ್ಳೆಯದಲ್ಲ. ಜಾಣ್ಮೆಯಿಂದ ವ್ಯವಹಾರಗಳನ್ನು ಮಾಡಿ ಮುಗಿಸಿ. ಭೂಮಿ ಖರೀದಿಸುವ ನಿಮ್ಮ ಬಹಳ ದಿನಗಳ ಯೋಚನೆ ಕೈಗೂಡಲಿದೆ.
ಕನ್ಯಾ ರಾಶಿ
ಪರಿಚಿತರ ಜೊತೆ ಅನಾವಶ್ಯಕ ಕಲಹಗಳು ಮೂಡುವ ಸಾಧ್ಯತೆಯಿದೆ. ಅಧಿಕ ಒತ್ತಡದಿಂದ ಮನಸ್ಸು ಹಾಳಾಗಬಹುದು. ಆಸ್ತಿ ವಿಚಾರದಲ್ಲಿ ಜಗಳ ಉಂಟಾಗುವ ಸಂಭವವಿದೆ.
ತುಲಾ ರಾಶಿ
ಮನೆಗೆ ಬೇಕಾದ ಅಗತ್ಯ ವಸ್ತುಗಳನ್ನು ಖರೀದಿ ಮಾಡುವಿರಿ. ಅತಿಥಿಗಳ ಆಗಮನದಿಂದ ಮನೆಯಲ್ಲಿ ಸಂಭ್ರಮವಿರುತ್ತದೆ. ವಿದ್ಯಾರ್ಥಿಗಳಲ್ಲಿ ಪರೀಕ್ಷೆಯ ಭಯ ಕಾಡಬಹುದು.
ವೃಶ್ಚಿಕ ರಾಶಿ
ಮನೆಯವರ ಜೊತೆ ಹೆಚ್ಚು ಸಮಯ ಕಳೆಯಲು ಪ್ರಯತ್ನಿಸಿ. ಹಿರಿಯರಿಂದ ಆಶೀರ್ವಾದ ಪಡೆದುಕೊಳ್ಳಿ. ನಿರೀಕ್ಷಿತ ಹಣಕಾಸು ಬಾರದೆ ಸ್ವಲ್ಪ ನಿರಾಶೆಯಾಗಬಹುದು.
ಧನು ರಾಶಿ
ದಂಪತಿಗಳ ನಡುವೆ ಸಣ್ಣಪುಟ್ಟ ಕಲಹಗಳು ಏಳಬಹುದು. ವಾಸ್ತವದಲ್ಲಿ ಬದುಕುವುದನ್ನು ರೂಢಿಸಿಕೊಳ್ಳಿ. ಉದ್ಯಮ ವಿಸ್ತರಿಸಲು ಹೊಸದಾದ ಯೋಜನೆಗಳನ್ನು ರೂಪಿಸಿ.
ಮಕರ ರಾಶಿ
ಸೌಂದರ್ಯಕ್ಕೆ ಹೆಚ್ಚು ಪ್ರಾಮುಖ್ಯತೆ ನೀಡಿ ಸಮಯ ವ್ಯರ್ಥ ಮಾಡಬೇಡಿ. ಪ್ರಮುಖ ಕಾರ್ಯಗಳಲ್ಲಿ ವಿಘ್ನಗಳು ಎದುರಾಗಬಹುದು. ಆಪ್ತರಿಗೆ ವಿಶೇಷವಾದ ಉಡುಗೊರೆಗಳನ್ನು ನೀಡುವಿರಿ.
ಕುಂಭ ರಾಶಿ
ಯಾರಿಗೂ ಸುಲಭವಾಗಿ ಹಣವನ್ನು ಸಾಲವಾಗಿ ನೀಡಬೇಡಿ. ಧಾರ್ಮಿಕ ಕಾರ್ಯಗಳಲ್ಲಿ ಆಸಕ್ತಿ ಸ್ವಲ್ಪ ತಗ್ಗಬಹುದು. ನಿಮ್ಮ ನಂಬಿಕೆಗೆ ಧಕ್ಕೆ ಬರುವ ಸಾಧ್ಯತೆಯಿದೆ.
ಮೀನ ರಾಶಿ (Daily Horoscope)
ದೂರದ ಸಂಬಂಧಿಕರನ್ನು ಭೇಟಿಯಾಗಿ ಖುಷಿಪಡುವಿರಿ. ವಿವಾಹದ ಮಾತುಕತೆಗಳು ಕುಟುಂಬದಲ್ಲಿ ಸುಲಭವಾಗಿ ನಡೆಯಲಿವೆ. ಬಹುಕಾಲದ ಆಸೆಗಳು ಇಂದು ಈಡೇರಲಿವೆ.
