Dina Bhavishya: ಶಾಲಿವಾಹನ ಶಕವರ್ಷ 1949ರ ದಕ್ಷಿಣಾಯನ, ವರ್ಷ ಋತುವಿನ ಭಾದ್ರಪದ ಮಾಸದ ಶುಕ್ಲ ಪಕ್ಷದ ನವಮೀ ತಿಥಿಯ ಈ ಶನಿವಾರದಂದು ದ್ವಾದಶ ರಾಶಿಗಳ ಭವಿಷ್ಯ ಹೇಗಿದೆ? ಉದ್ಯೋಗ, ಆರ್ಥಿಕತೆ, ಆರೋಗ್ಯ ಮತ್ತು ಕುಟುಂಬ ಜೀವನದಲ್ಲಿ ಯಾರಿಗೆ ಲಾಭ, ಯಾರಿಗೆ ಎಚ್ಚರಿಕೆ ಅಗತ್ಯ? ಸಂಪೂರ್ಣ ವಿವರ ಹಾಗೂ ಪಂಚಾಂಗ ಇಲ್ಲಿದೆ.
ಮೇಷ ರಾಶಿ
ನಿಮ್ಮ ಮಾತಿನ ಮೇಲೆ ನಿಯಂತ್ರಣ ಅತ್ಯವಶ್ಯಕ. ಅಮೂಲ್ಯ ವಸ್ತು ಕಳೆದುಹೋಗುವ ಅಥವಾ ಕಳ್ಳತನವಾಗುವ ಭಯ ಕಾಡಬಹುದು. ಇತರರ ಬಳಿ ಇರುವ ನಿಮ್ಮ ವಸ್ತುವನ್ನು ಮರಳಿ ಪಡೆದುಕೊಳ್ಳುವಿರಿ. ಅತಿಯಾದ ವೆಚ್ಚವನ್ನು ಸ್ವಲ್ಪ ಮಟ್ಟಿಗೆ ಕಡಿಮೆ ಮಾಡಬಹುದು. ಬಂಧುಗಳ ಸಹಕಾರದಿಂದ ಸಾಲದ ಬಾಧೆ ಶಮನವಾಗಲಿದೆ. ನಿಮ್ಮ ಬಗ್ಗೆ ಕೆಲ ಊಹಾಪೋಹಗಳು ಹರಡಬಹುದು, ಎಚ್ಚರವಿರಲಿ.
ವೃಷಭ ರಾಶಿ
ವ್ಯವಹಾರವನ್ನು ಜಾಗರೂಕತೆಯಿಂದ ನಿರ್ವಹಿಸಿ, ವಂಚನೆಯಾಗುವ ಸಾಧ್ಯತೆ ಇದೆ. ಪ್ರೇಮ ವಿಚಾರದಲ್ಲಿ ಗೊಂದಲಗಳು ಎದುರಾಗಬಹುದು. ಹಿಂದೆ ಕಳೆದುಹೋದ ವಸ್ತು ಮರಳಿ ಸಿಗುವ ಲಕ್ಷಣವಿದೆ. ಅನಗತ್ಯ ರಾಜಕೀಯ ಪ್ರೇರಿತ ಮಾತುಗಳಿಂದ ದೂರವಿರಿ. ಇಷ್ಟವಿಲ್ಲದಿದ್ದರೂ ಕೆಲವು ಕೆಲಸಗಳನ್ನು ಮಾಡಬೇಕಾಗಿ ಬರಬಹುದು. ವಿದ್ಯಾರ್ಥಿಗಳು ಅಭ್ಯಾಸದತ್ತ ಹೆಚ್ಚಿನ ಗಮನಹರಿಸುವುದು ಒಳಿತು.
ಮಿಥುನ ರಾಶಿ
ಆರ್ಥಿಕ ಲಾಭದಿಂದ ಸಂತೋಷ ಹಾಗೂ ಮನಸ್ಸಿಗೆ ನೆಮ್ಮದಿ ಸಿಗಲಿದೆ. ಹೊಸ ವಾಹನ ಖರೀದಿಸುವ ಮುನ್ನ ಆಪ್ತರ ಸಲಹೆ ಪಡೆಯುವುದು ಉತ್ತಮ. ಸಾಲ ಮಾಡುವಾಗ ನಿಮ್ಮ ಆದಾಯದ ಮಿತಿಯನ್ನು ಗಮನದಲ್ಲಿಟ್ಟುಕೊಳ್ಳಿ. ಸಾಲದ ಹೊರೆ ಹೆಚ್ಚಾಗದಂತೆ ನೋಡಿಕೊಳ್ಳಿ. ಸತ್ಕಾರ್ಯಗಳಿಗೆ ನಿಮ್ಮಿಂದ ಸಣ್ಣ ಕೊಡುಗೆ ಸಿಗಲಿದೆ. ವಹಿಸಿದ ಜವಾಬ್ದಾರಿಯಿಂದ ಹಿಂದೆ ಸರಿಯಬೇಡಿ.
ಕರ್ಕಾಟಕ ರಾಶಿ
ಯಾರೊಂದಿಗೂ ವೃಥಾ ವಿವಾದಕ್ಕೆ ಇಳಿಯಬೇಡಿ. ಯಂತ್ರೋಪಕರಣ ಬಳಸಿ ಹೊಸ ಉದ್ಯೋಗ ಅಥವಾ ವ್ಯವಹಾರ ಆರಂಭಿಸಲು ಯೋಜನೆ ರೂಪಿಸುವಿರಿ. ಉಚಿತ ಸಹಾಯವನ್ನು ಯಾರಿಂದಲೂ ನಿರೀಕ್ಷಿಸಬೇಡಿ. ವಿದೇಶದಲ್ಲಿರುವವರಿಗೆ ಕೆಲವು ಸಂಕಟಗಳು ಎದುರಾಗಬಹುದು. ಕಾನೂನು ಅರಿಯದೆ ಹೇಳಿಕೆ ನೀಡಬೇಡಿ. ಮಕ್ಕಳ ಆರೋಗ್ಯದ ಬಗ್ಗೆ ಹೆಚ್ಚಿನ ನಿಗಾ ಅಗತ್ಯ.
ಸಿಂಹ ರಾಶಿ
ಮನಸ್ಸಿಗೆ ಒಪ್ಪದ ಸಂಗತಿಗಳ ವಿರುದ್ಧ ಧೈರ್ಯವಾಗಿ ಧ್ವನಿ ಎತ್ತುವಿರಿ. ಕೆಲಸದ ಸ್ಥಳದಲ್ಲಿ ಮೇಲಾಧಿಕಾರಿಗಳ ಕಿರುಕುಳ ಕಾಡಬಹುದು. ಉದ್ಯೋಗ ಬದಲಾವಣೆಗೆ ಸ್ನೇಹಿತರ ಸೂಕ್ತ ಸಲಹೆ ಪಡೆಯುವಿರಿ. ಸ್ವಾರ್ಥ ಮನೋಭಾವ ತೊರೆಯಲು ಇದು ಸೂಕ್ತ ಸಮಯ. ಸಹೋದರನ ಆರೋಗ್ಯ ವ್ಯತ್ಯಾಸಗೊಂಡು ಆತಂಕ ತರಬಹುದು. ಬೇಗ ಮುಗಿಯುವ ಕೆಲಸಗಳನ್ನು ಮೊದಲು ಪೂರ್ಣಗೊಳಿಸಿ.
ಕನ್ಯಾ ರಾಶಿ
ಆಸ್ತಿ ಅಥವಾ ಭೂಮಿ ಖರೀದಿಸುವ ಯೋಗವಿದ್ದರೂ ಹಣ ಹೊಂದಿಸುವುದು ಸವಾಲಾಗಲಿದೆ. ದುಬಾರಿ ವಸ್ತುಗಳ ಖರೀದಿಯನ್ನು ಮುಂದೂಡುವುದು ಒಳಿತು. ಸಮಯಪಾಲನೆಗೆ ವೃತ್ತಿರಂಗದಲ್ಲಿ ಪ್ರಶಂಸೆ ಸಿಗಲಿದೆ. ಸ್ನೇಹಿತರೊಂದಿಗೆ ಸಮಯ ಕಳೆಯುವಿರಿ. ಅನಿರೀಕ್ಷಿತ ಆರ್ಥಿಕ ನೆರವು ಸಿಗಲಿದ್ದು, ಪರಿಸ್ಥಿತಿಗೆ ಸುಲಭವಾಗಿ ಹೊಂದಿಕೊಳ್ಳುವಿರಿ.
ತುಲಾ ರಾಶಿ
ಸಹೋದ್ಯೋಗಿಗಳ ಸಂಪೂರ್ಣ ಸಹಕಾರದಿಂದ ನಿಗದಿತ ಗುರಿ ತಲುಪುವಿರಿ. ನಿರೀಕ್ಷಿತ ಉದ್ಯೋಗಾವಕಾಶ ಸಿಗಲಿದ್ದು, ಮನೆಯಲ್ಲಿ ಸಂತಸದ ವಾತಾವರಣ ಇರಲಿದೆ. ಇತರರ ಮಾತನ್ನು ಕೇಳಿ ಯಾರನ್ನೂ ಅಳೆಯಬೇಡಿ. ಕೆಲವರ ಮಾತು ಮನಸ್ಸಿಗೆ ಬೇಸರ ತರಬಹುದು. ಅಪರಿಚಿತ ಕರೆಗಳಿಗೆ ಸ್ಪಂದಿಸಬೇಡಿ, ಸಂಗಾತಿಯಿಂದ ಸಮಾಧಾನ ಸಿಗಲಿದೆ.
ವೃಶ್ಚಿಕ ರಾಶಿ
ಇಂದು ಭೇಟಿಯಾಗುವ ವ್ಯಕ್ತಿಗಳಿಂದ ಧನಾತ್ಮಕ ಆಲೋಚನೆಗಳು ಮೂಡಲಿವೆ. ಸಮಸ್ಯೆಗಳಿಗೆ ಪರಿಹಾರ ಮಾರ್ಗ ವಿಳಂಬವಾಗಿ ಸಿಕ್ಕರೂ ನೆಮ್ಮದಿ ತರಲಿದೆ. ಇತರರ ವಸ್ತುವನ್ನು ಗೌರವಯುತವಾಗಿ ಹಿಂತಿರುಗಿಸಿ. ನಿಂತುಹೋದ ಕೆಲಸಗಳನ್ನು ಬಂಧುಗಳ ನೆರವಿನಿಂದ ಮುನ್ನಡೆಸುವಿರಿ. ಸಣ್ಣ ಉದ್ಯಮಿಗಳಿಗೆ ಬಂದ ಕೆಲಸವನ್ನು ನಿಷ್ಠೆಯಿಂದ ಪೂರ್ಣಗೊಳಿಸುವುದರಿಂದ ಲಾಭವಿದೆ.
ಧನು ರಾಶಿ
ನಿಮ್ಮ ಶ್ರಮಕ್ಕೆ ತಕ್ಕಂತೆ ಆದಾಯ ಸಿಗುತ್ತಿಲ್ಲ ಎಂಬ ಅಸಮಾಧಾನ ಕಾಡಬಹುದು. ಕಾನೂನುಬಾಹಿರ ಚಟುವಟಿಕೆಗಳಿಂದ ದೂರವಿರಿ, ಸಂಕಟ ತರಬಹುದು. ಒತ್ತಡಗಳು ಕ್ರಮೇಣ ಕಡಿಮೆಯಾಗಲಿವೆ. ಸಣ್ಣ ತಪ್ಪಿನಿಂದ ದೊಡ್ಡ ನಿಂದನೆ ಎದುರಿಸಬೇಕಾಗಬಹುದು. ನಿಮ್ಮ ಜ್ಞಾನದ ಬಗ್ಗೆ ಅಹಂಕಾರ ಬೇಡ, ಸಂಗಾತಿಯ ಸಲಹೆಗೆ ಬೆಲೆ ನೀಡಿ.
ಮಕರ ರಾಶಿ
ಒತ್ತಡವಿಲ್ಲದೆ ಪ್ರಶಾಂತವಾಗಿ ಕಾರ್ಯ ನಿರ್ವಹಿಸುವಿರಿ. ದುರಭ್ಯಾಸಗಳನ್ನು ತಿದ್ದುಕೊಳ್ಳುವ ಅರಿವು ಮೂಡಲಿದೆ. ಸಾರ್ವಜನಿಕವಾಗಿ ಇರುವ ಸಂಕೋಚವನ್ನು ಬಿಟ್ಟು ಮುನ್ನಡೆಯಿರಿ. ಸಾಮಾಜಿಕ ಕಾರ್ಯಗಳಿಗೆ ಬೆಂಬಲ ಸಿಗಲಿದೆ. ಸ್ನೇಹಿತರಿಂದ ಸರ್ಪ್ರೈಸ್ ಉಡುಗೊರೆ ಲಭಿಸಬಹುದು. ಕುಟುಂಬದೊಂದಿಗೆ ಸಮತೋಲನ ಕಾಯ್ದುಕೊಳ್ಳಿ.
ಕುಂಭ ರಾಶಿ
ವಿದೇಶಿ ಸಂಪರ್ಕ ಅಥವಾ ಸ್ನೇಹಿತರಿಂದ ಹಣಕಾಸಿನ ನೆರವು ಸಿಗಬಹುದು. ಹೊಸ ತರಹದ ಆಲೋಚನೆಗಳಿಂದ ಮಾನಸಿಕ ಶಾಂತಿ ಸಿಗಲಿದೆ. ಇತರರನ್ನು ಗೌರವಿಸುವ ನಿಮ್ಮ ಗುಣಕ್ಕೆ ಶ್ಲಾಘನೆ ವ್ಯಕ್ತವಾಗಲಿದೆ. ವೃತ್ತಿರಂಗದಲ್ಲಿ ಕೆಲಸ ಮಾಡಲು ಹುಮ್ಮಸ್ಸಿನ ಕೊರತೆ ಇರಬಹುದು. ಕಾರಣವಿಲ್ಲದೆ ಯಾರ ಮೇಲೂ ಸಿಟ್ಟು ಮಾಡಿಕೊಳ್ಳಬೇಡಿ.
ಮೀನ ರಾಶಿ
ನಿಮ್ಮ ಧನಾತ್ಮಕ ಆಶಾವಾದಕ್ಕೆ ಉತ್ತಮ ಫಲ ಸಿಗಲಿದೆ. ಸಣ್ಣ ವಿಚಾರಗಳನ್ನೇ ದೊಡ್ಡದಾಗಿ ಯೋಚಿಸಿ ಸಮಯ ವ್ಯರ್ಥ ಮಾಡಬೇಡಿ. ಹಿತಶತ್ರುಗಳ ಕುರಿತು ಎಚ್ಚರವಿರಲಿ. ಸಮಸ್ಯೆಗೆ ಇತರರನ್ನು ಹೊಣೆ ಮಾಡದೆ ಸ್ವಯಂ ಜವಾಬ್ದಾರಿ ತೆಗೆದುಕೊಳ್ಳಿ. ಸಹೋದ್ಯೋಗಿಗಳ ಸಹಕಾರದಿಂದ ಕೆಲಸ ಸುಲಭವಾಗಲಿದೆ. ಹಣಕಾಸಿನ ಸ್ಥಿತಿಯಲ್ಲಿ ಸುಧಾರಣೆ ಕಂಡುಬರಲಿದೆ.
Dina Bhavishya: 19 ಸೆಪ್ಟೆಂಬರ್ 2026
ಸಂವತ್ಸರ: ಪರಾಭವ
ಅಯನ: ದಕ್ಷಿಣಾಯನ | ಋತು: ವರ್ಷ ಋತು
ಮಾಸ: ಭಾದ್ರಪದ | ಪಕ್ಷ: ಶುಕ್ಲ ಪಕ್ಷ
ತಿಥಿ: ನವಮೀ | ವಾರ: ಶನಿವಾರ
ನಕ್ಷತ್ರ: ಮೂಲಾ | ಯೋಗ: ಆಯುಷ್ಮಾನ್ | ಕರಣ: ಬವ
ಸೂರ್ಯೋದಯ: ಬೆಳಿಗ್ಗೆ 06:09 | ಸೂರ್ಯಾಸ್ತ: ಸಂಜೆ 06:16
ರಾಹು ಕಾಲ: 09:12 AM – 10:42 AM
ಯಮಗಂಡ ಕಾಲ: 01:44 PM – 03:15 PM
ಗುಳಿಕ ಕಾಲ: 06:10 AM – 07:41 AM
