☔ Weather
Bengaluru: ☀️ 24°C | AQI 113
Mysore: ☀️ 22°C | AQI 110
Mangalore: ☀️ 27°C | AQI 172
Bengaluru: ☀️ 24°C | AQI 113
☔ Weather
Bengaluru: ☀️ 24°C | AQI 113
Mysore: ☀️ 22°C | AQI 110
Mangalore: ☀️ 27°C | AQI 172
Bengaluru: ☀️ 24°C | AQI 113

DK SHIVAKUMAR: ತಮಿಳುನಾಡಿನ ವಿರೋಧಕ್ಕೆ ಜಗ್ಗಲ್ಲ, ಮೇಕೆದಾಟು ಕಟ್ಟೇ ಕಟ್ಟುತ್ತೇವೆ ಎಂದ ಸಿಎಂ ಡಿ.ಕೆ

ಮೇಕೆದಾಟು ಯಾರಿಂದಲೂ ತಡೆಯಲು ಸಾಧ್ಯವಿಲ್ಲ ಎಂಬ ತಮ್ಮ ಹೇಳಿಕೆಯನ್ನು ಖಂಡಿಸಿ ತಮಿಳುನಾಡು ಕಾಂಗ್ರೆಸ್ ಅಧ್ಯಕ್ಷರು ಟ್ವೀಟ್ ಮಾಡಿದ್ದಕ್ಕೆ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ (DK Shivakumar) ಬೆಂಗಳೂರಿನಲ್ಲಿ ತೀಕ್ಷ್ಣವಾಗಿ ಪ್ರತಿಕ್ರಿಯಿಸಿದ್ದಾರೆ.

ಮುಖ್ಯಾಂಶಗಳು

  • ಮೇಕೆದಾಟು ಮಾಡೇ ಮಾಡ್ತೀವಿ !
  • ತಮಿಳುನಾಡು ವಿರೋಧಕ್ಕೆ ಡೋಂಟ್ ಕೇರ್
  • ಸಿಎಂ ಡಿಕೆ ಗುಡುಗು

ಬೆಂಗಳೂರು: ಮೇಕೆದಾಟು ಅಣೆಕಟ್ಟು ನಿರ್ಮಾಣವನ್ನು ಯಾರಿಂದಲೂ ತಡೆಯಲು ಸಾಧ್ಯವಿಲ್ಲ ಎಂಬ ತಮ್ಮ ಹೇಳಿಕೆಯನ್ನು ಖಂಡಿಸಿ ತಮಿಳುನಾಡು ಕಾಂಗ್ರೆಸ್ ಅಧ್ಯಕ್ಷರು ಟ್ವೀಟ್ ಮಾಡಿದ್ದಕ್ಕೆ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ (DK Shivakumar) ಬೆಂಗಳೂರಿನಲ್ಲಿ ತೀಕ್ಷ್ಣವಾಗಿ ಪ್ರತಿಕ್ರಿಯಿಸಿದ್ದಾರೆ. ಯಾರು ಬೇಕಾದರೂ ತಮ್ಮನ್ನು ಖಂಡಿಸಲಿ, ಅದರ ಬಗ್ಗೆ ತಾವು ಸ್ವಲ್ಪವೂ ಚಿಂತೆ ಮಾಡುವುದಿಲ್ಲ ಎಂದು ಅವರು ಸ್ಪಷ್ಟವಾಗಿ ಹೇಳಿದ್ದಾರೆ. ಇದು ನನ್ನ ರಾಜ್ಯ ಮತ್ತು ನನ್ನ ಹಕ್ಕು ಎಂದು ಪ್ರತಿಪಾದಿಸಿದ ಅವರು, ತಮಿಳುನಾಡಿನ ನಾಯಕರು ಒಂದು ನಿಯೋಗದೊಂದಿಗೆ ಬಂದರೆ ಈ ಯೋಜನೆಯಿಂದ ಅವರಿಗೆ ಆಗುವ ಲಾಭವನ್ನು ತಾವೇ ಖುದ್ದಾಗಿ ತೋರಿಸಿ ವಿವರಿಸುವುದಾಗಿ ಆಹ್ವಾನ ನೀಡಿದ್ದಾರೆ.

ಸುಪ್ರೀಂ ಆದೇಶ ನೆನಪಿಸಿದ ಡಿಕೆ.!

ತಮಿಳುನಾಡು ನಾಯಕರ ಟೀಕೆಗಳ ಬಗ್ಗೆ ತಮಗೆ ಯಾವುದೇ ಬೇಸರವಿಲ್ಲ ಎಂದು ಹೇಳಿದ ಡಿ.ಕೆ. ಶಿವಕುಮಾರ್, ಅಲ್ಲಿ ನಡೆಯುತ್ತಿರುವುದು ಶುದ್ಧ ರಾಜಕೀಯ ಎಂದು ವಿಶ್ಲೇಷಿಸಿದ್ದಾರೆ. ಅಲ್ಲಿ ಕಾಂಗ್ರೆಸ್ ಖಂಡಿಸದಿದ್ದರೆ ಡಿಎಂಕೆ ಖಂಡಿಸುತ್ತದೆ, ಡಿಎಂಕೆ ಖಂಡಿಸದಿದ್ದರೆ ಎಐಎಡಿಎಂಕೆ ಖಂಡಿಸುತ್ತದೆ, ಹೀಗಾಗಿ ಅಲ್ಲಿನ ಎಲ್ಲಾ ಪಕ್ಷಗಳೂ ಇದನ್ನು ವಿರೋಧಿಸಬಹುದು ಎಂದು ಅಲ್ಲಿನ ರಾಜಕೀಯ ವಾಸ್ತವವನ್ನು ಬಿಚ್ಚಿಟ್ಟಿದ್ದಾರೆ. ದೇಶದ ಕಾನೂನನ್ನು ಪ್ರತಿಯೊಬ್ಬರೂ ಗೌರವಿಸಿ ಒಪ್ಪಿಕೊಳ್ಳಲೇಬೇಕು ಎಂದು ಒತ್ತಿ ಹೇಳಿದ ಅವರು, ತಮಿಳುನಾಡಿಗೆ 177 ಟಿಎಂಸಿ ನೀರು ಪಡೆಯುವ ಹಕ್ಕಿದೆ ಎಂದು ಸುಪ್ರೀಂ ಕೋರ್ಟ್ ಅತ್ಯಂತ ಸ್ಪಷ್ಟವಾಗಿ ಆದೇಶಿಸಿದೆ ಎಂದು ನೆನಪಿಸಿದ್ದಾರೆ. ಆ ಹಕ್ಕನ್ನು ರಕ್ಷಿಸುವುದು ನಮ್ಮ ಕರ್ತವ್ಯವಾಗಿದೆ, ಅದೇ ರೀತಿ ನಮ್ಮ ಜಾಗದಲ್ಲಿ ಅಣೆಕಟ್ಟು ಕಟ್ಟಿ ಅವರಿಗೆ ನೀರು ಕೊಡುವುದು ನಮ್ಮ ಹಕ್ಕಾಗಿದೆ ಎಂದು ಮೇಕೆದಾಟು ಯೋಜನೆ ಕುರಿತ ತಮ್ಮ ನಿಲುವನ್ನು ಸಮರ್ಥಿಸಿಕೊಂಡಿದ್ದಾರೆ.

ಇದನ್ನೂ ಓದಿ : ಮೇಕೆದಾಟು ಅನುಮತಿಗೆ ಪ್ರಧಾನಿ ಎದುರೇ ಮನವಿ – ಕಾಸ್ಮಾಸ್ ವೇದಿಕೆಯಲ್ಲಿ ಡಿಕೆಶಿ ಪ್ರಸ್ತಾಪ

ಕಾವೇರಿ ವಿಚಾರ ಬಂದಾಗಲೆಲ್ಲಾ ಎರಡೂ ರಾಜ್ಯಗಳಲ್ಲಿ ರಾಜಕೀಯ ಬಿಸಿಯಾಗುವುದು ಹೊಸದೇನಲ್ಲ, ಆದರೆ ಈ ಬಾರಿ ಡಿ.ಕೆ. ಶಿವಕುಮಾರ್ ಅವರ ಮಾತುಗಳು ಕೇವಲ ಪ್ರತಿಕ್ರಿಯೆಯಾಗಿ ಉಳಿದಿಲ್ಲ, ರಾಜ್ಯದ ಹಕ್ಕಿನ ಪ್ರತಿಪಾದನೆಯಾಗಿ ಕೇಳಿಬಂದಿವೆ. ಮೇಕೆದಾಟು ಯೋಜನೆ ಕೇವಲ ಅಣೆಕಟ್ಟು ಕಟ್ಟುವ ವಿಚಾರವಲ್ಲ, ಬೆಂಗಳೂರಿಗೆ ಕುಡಿಯುವ ನೀರು, ವಿದ್ಯುತ್ ಉತ್ಪಾದನೆ ಮತ್ತು ಬೇಸಿಗೆಯಲ್ಲಿ ತಮಿಳುನಾಡಿಗೆ ನಿಯಮಿತವಾಗಿ ನೀರು ಬಿಡುಗಡೆ ಮಾಡುವ ವ್ಯವಸ್ಥೆಯ ವಿಚಾರವಾಗಿದೆ. ಆದರೂ ತಮಿಳುನಾಡಿನಲ್ಲಿ ಯಾವುದೇ ಪಕ್ಷ ಅಧಿಕಾರದಲ್ಲಿದ್ದರೂ ಈ ಯೋಜನೆಯನ್ನು ವಿರೋಧಿಸುವುದನ್ನೇ ರಾಜಕೀಯ ಬಂಡವಾಳ ಮಾಡಿಕೊಂಡಿದೆ. ಕಾನೂನು ಮತ್ತು ನ್ಯಾಯಾಲಯದ ಆದೇಶದ ಚೌಕಟ್ಟಿನಲ್ಲಿ ಎರಡೂ ರಾಜ್ಯಗಳ ಹಿತವನ್ನು ಕಾಪಾಡಿಕೊಂಡು ಮುಂದೆ ಹೋಗಬೇಕಾದರೆ, ವಿರೋಧದ ರಾಜಕೀಯ ಬಿಟ್ಟು ತಾಂತ್ರಿಕ ಸತ್ಯಾಂಶಗಳ ಆಧಾರದಲ್ಲಿ ಚರ್ಚೆ ನಡೆಯಬೇಕು. ಡಿ.ಕೆ. ಶಿವಕುಮಾರ್ ಅವರು ನಿಯೋಗಕ್ಕೆ ನೀಡಿದ ಆಹ್ವಾನ ಈ ದಿಕ್ಕಿನಲ್ಲಿ ಒಂದು ಉತ್ತಮ ಹೆಜ್ಜೆಯಾಗಬಹುದು, ಆದರೆ ಕೇಂದ್ರ ಸರ್ಕಾರ ಮತ್ತು ನ್ಯಾಯಾಲಯದ ಮಧ್ಯಸ್ಥಿಕೆಯಿಲ್ಲದೆ ಈ ವಿವಾದಕ್ಕೆ ಶಾಶ್ವತ ಪರಿಹಾರ ಸಿಗುವುದು ಕಷ್ಟ.