☔ Weather
Bengaluru: ☀️ 24°C | AQI 112
Mysore: ☀️ 22°C | AQI 135
Mangalore: ☀️ 28°C | AQI 180
Bengaluru: ☀️ 24°C | AQI 112
☔ Weather
Bengaluru: ☀️ 24°C | AQI 112
Mysore: ☀️ 22°C | AQI 135
Mangalore: ☀️ 28°C | AQI 180
Bengaluru: ☀️ 24°C | AQI 112

POSTERS : ಬೆಂಗಳೂರಿನಲ್ಲಿ ನಿಲ್ಲದ ಪೋಸ್ಟರ್ ಪಾಲಿಟಿಕ್ಸ್ – ಬಿಜೆಪಿ ನಾಯಕರ ಮನೆ ಎದುರೇ ಬಿತ್ತಿಪತ್ರ ಪ್ರತ್ಯಕ್ಷ

Image of Posters by congress
ಕಾಂಗ್ರೆಸ್ ಮತ್ತು ಬಿಜೆಪಿ ನಡುವಿನ ರಾಜಕೀಯ ಕಾದಾಟ ಇದೀಗ ಪೋಸ್ಟರ್ (Posters) ಸಮರದ ರೂಪ ಪಡೆದುಕೊಂಡಿದೆ.

ಮುಖ್ಯಾಂಶಗಳು

  • ಆಕ್ಷೇಪಾರ್ಹ ಬರಹವುಳ್ಳ ಪೋಸ್ಟರ್
  • ಕರಂದ್ಲಾಜೆ & ಬೊಮ್ಮಾಯಿ ನಿವಾಸದ ಬಳಿ ಪ್ತತ್ಯಕ್ಷ

ಬೆಂಗಳೂರು : ಕಾಂಗ್ರೆಸ್ ಮತ್ತು ಬಿಜೆಪಿ ನಡುವಿನ ರಾಜಕೀಯ ಕಾದಾಟ ಇದೀಗ ಪೋಸ್ಟರ್ (Posters) ಸಮರದ ರೂಪ ಪಡೆದುಕೊಂಡಿದೆ. ಕೇಂದ್ರ ಸಚಿವೆ ಶೋಭಾ ಕರಂದ್ಲಾಜೆ ಹಾಗೂ ಮಾಜಿ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಅವರ ನಿವಾಸಗಳ ಮುಂಭಾಗಕ್ಕೆ ತೆರಳಿದ ಯುವ ಕಾಂಗ್ರೆಸ್ ಕಾರ್ಯಕರ್ತರು ವಿವಾದ ಸೃಷ್ಟಿಸುವ ಪೋಸ್ಟರ್‌ಗಳನ್ನು ಅಂಟಿಸಿ ತಮ್ಮ ಆಕ್ರೋಶವನ್ನು ಹೊರಹಾಕಿದ್ದಾರೆ. ಇಬ್ಬರು ಹಿರಿಯ ಬಿಜೆಪಿ ನಾಯಕರ ಮನೆಗಳ ಎದುರೇ ಈ ರೀತಿ ಪೋಸ್ಟರ್ ಅಂಟಿಸಿರುವುದು ದೊಡ್ಡ ಸಂಚಲನ ಮೂಡಿಸಿದ್ದು, ಎರಡೂ ಪಕ್ಷಗಳ ನಡುವೆ ಮತ್ತೊಂದು ಸುತ್ತಿನ ವಾಕ್ಸಮರಕ್ಕೆ ನಾಂದಿ ಹಾಡಿದಂತಾಗಿದೆ. ಈ ಬೆಳವಣಿಗೆಯಿಂದಾಗಿ ಬೆಂಗಳೂರಿನಲ್ಲಿ ಈಗ ಪೋಸ್ಟರ್ ಯುದ್ಧ ಆರಂಭವಾಗಿದೆ.

ಬಿಜೆಪಿಗರು ದ್ವೇಷಕ್ಕಾಗಿ ಹುಟ್ಟಿದವರು ..!

ಹೀಗೆ ಅಂಟಿಸಲಾದ ಪೋಸ್ಟರ್‌ಗಳಲ್ಲಿನ ಬರಹಗಳು ಬಿಜೆಪಿಯನ್ನು ನೇರವಾಗಿ ಗುರಿಯಾಗಿಸಿಕೊಂಡಿವೆ. ಕಾಂಗ್ರೆಸ್‌ನವರು ದೇಶಕ್ಕಾಗಿ ಹುಟ್ಟಿದವರು, ಬಿಜೆಪಿಗರು ದ್ವೇಷಕ್ಕಾಗಿ ಹುಟ್ಟಿದವರು ಎಂಬ ಸಾಲುಗಳ ಮೂಲಕ ಕಾಂಗ್ರೆಸ್ ತನ್ನ ಪಕ್ಷದ ಸಿದ್ಧಾಂತವನ್ನು ದೇಶಪ್ರೇಮದ ಜತೆ ಬೆಸೆದು, ಎದುರಾಳಿ ಪಕ್ಷವನ್ನು ದ್ವೇಷ ರಾಜಕಾರಣದ ಸಂಕೇತವಾಗಿ ಬಿಂಬಿಸಲು ಪ್ರಯತ್ನಿಸಿದೆ. ಅಲ್ಲದೆ ಕಾಂಗ್ರೆಸ್ ಮಕ್ಕಳು ಗಾಂಧೀಜಿ ಮಕ್ಕಳು, ವಿಜಯೇಂದ್ರನ ಮಕ್ಕಳು ಕಳ್ಳರ ಮಕ್ಕಳು ಎಂಬ ಅತ್ಯಂತ ಕಟುವಾದ ಮಾತುಗಳನ್ನು ಪೋಸ್ಟರ್‌ನಲ್ಲಿ ಬಳಸಲಾಗಿದೆ. ಈ ಮೂಲಕ ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ವೈ. ವಿಜಯೇಂದ್ರ ಅವರನ್ನೂ ಈ ವಿವಾದದೊಳಗೆ ಎಳೆದು ತರಲಾಗಿದ್ದು, ಯುವ ಕಾಂಗ್ರೆಸ್ ನಾಯಕರು ಬಿಜೆಪಿ ನಾಯಕತ್ವದ ವಿರುದ್ಧ ಬಹಿರಂಗವಾಗಿ ಕಿಡಿಕಾರಿದ್ದಾರೆ. ನಾಯಕರ ಮನೆ ಮುಂದೆಯೇ ಇಂತಹ ಪೋಸ್ಟರ್ ಅಂಟಿಸಿದ್ದು, ಇದನ್ನು ಕೇವಲ ಪ್ರತಿಭಟನೆ ಎಂದು ನೋಡಲು ಸಾಧ್ಯವಿಲ್ಲ, ಇದೊಂದು ಉದ್ದೇಶಪೂರ್ವಕ ರಾಜಕೀಯ ಸಂದೇಶ ಎಂಬ ಅಭಿಪ್ರಾಯ ವ್ಯಕ್ತವಾಗುತ್ತಿದೆ.

ಇದನ್ನೂ ಓದಿ : ಕುಮಾರಸ್ವಾಮಿ ಮನೆಯಿಂದಲೇ ಅಪಲೋಡ್ ಆಯ್ತಾ ಸ್ಟಿಂಗ್ ವಿಡಿಯೋ..? ಯತೀಂದ್ರ ಸ್ಫೋಟಕ ಆರೋಪ

ಹೀಗೆ ಕಟು ಭಾಷೆಯ ಪೋಸ್ಟರ್ ಅಂಟಿಸುವುದು ರಾಜಕೀಯ ಸಂಸ್ಕೃತಿಯ ಮಟ್ಟವನ್ನು ಇನ್ನಷ್ಟು ಕೆಳಗಿಳಿಸುತ್ತದೆ ಎಂಬ ಟೀಕೆ ಕೇಳಿ ಬರುತ್ತಿದೆ. ಸಿದ್ಧಾಂತಗಳ ಬಗ್ಗೆ, ಆಡಳಿತದ ವೈಫಲ್ಯಗಳ ಬಗ್ಗೆ ಚರ್ಚೆ ನಡೆಯಬೇಕಾದ ಜಾಗದಲ್ಲಿ ವೈಯಕ್ತಿಕ ನಿಂದನೆ, ಕುಟುಂಬವನ್ನು ಎಳೆದು ತರುವ ಮಾತುಗಳು ಮುನ್ನೆಲೆಗೆ ಬಂದರೆ, ಅದು ಮತದಾರರಲ್ಲಿ ಗೊಂದಲ ಮತ್ತು ಬೇಸರ ಮೂಡಿಸುತ್ತದೆ. ಮತ್ತೊಂದೆಡೆ, ಇಂತಹ ಪ್ರಚೋದನಕಾರಿ ಪೋಸ್ಟರ್‌ಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿ ಪಕ್ಷಕ್ಕೆ ಪ್ರಚಾರ ತಂದುಕೊಡುತ್ತವೆ ಎಂಬ ಲೆಕ್ಕಾಚಾರವೂ ಇರಬಹುದು. ಆದರೆ ದೀರ್ಘಕಾಲದಲ್ಲಿ ಇಂತಹ ಪೋಸ್ಟರ್ ರಾಜಕಾರಣ ಎರಡೂ ಪಕ್ಷಗಳಿಗೆ ಹಾನಿ ಮಾಡುತ್ತದೆ. ಸಮಸ್ಯೆಗಳ ಮೇಲೆ ಚರ್ಚೆ ಮಾಡುವ ಬದಲು, ಪರಸ್ಪರ ನಿಂದನೆಯೇ ರಾಜಕಾರಣ ಎಂಬ ಭಾವನೆ ಜನರಲ್ಲಿ ಬಲಗೊಂಡರೆ, ಅದು ಪ್ರಜಾಪ್ರಭುತ್ವದ ಆರೋಗ್ಯಕ್ಕೆ ಒಳ್ಳೆಯದಲ್ಲ.