Photo Credits: @thenameisyash (Instagram)
ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಬಹುನಿರೀಕ್ಷಿತ ‘ಟಾಕ್ಸಿಕ್’ ಸಿನಿಮಾದ ಸೆನ್ಸಾರ್ ಪ್ರಕ್ರಿಯೆ ಯಶಸ್ವಿಯಾಗಿ ಪೂರ್ಣಗೊಂಡಿದೆ. ಆಗಸ್ಟ್ 20ರಂದು ಸೆನ್ಸಾರ್ ಮಂಡಳಿಯು ಸಿನಿಮಾವನ್ನು ವೀಕ್ಷಿಸಿದ್ದು, ಚಿತ್ರಕ್ಕೆ ‘A’ (Adults Only) ಸರ್ಟಿಫಿಕೇಟ್ ನೀಡಿದೆ. ಚಿತ್ರದ ಸುದೀರ್ಘ ರನ್‌ಟೈಮ್ ಹಾಗೂ ಬೋಲ್ಡ್ ಕಂಟೆಂಟ್ ಇದೀಗ ಗಾಂಧಿನಗರದಲ್ಲಿ ಭಾರಿ ಸದ್ದು ಮಾಡುತ್ತಿದೆ.
3 ಗಂಟೆ 14 ನಿಮಿಷಗಳ ರನ್‌ಟೈಮ್: ದೃಶ್ಯಗಳಿಗೆ ಸಿಗಲಿಲ್ಲ ಕತ್ತರಿ…
ಸೆನ್ಸಾರ್ ಮಂಡಳಿಯು ‘ಟಾಕ್ಸಿಕ್’ ಸಿನಿಮಾದ ಯಾವುದೇ ದೃಶ್ಯಗಳಿಗೂ ಕಟ್ ನೀಡದಿರುವುದು ಅಭಿಮಾನಿಗಳಿಗೆ ಖುಷಿ ತಂದಿದೆ. ಚಿತ್ರದ ಒಟ್ಟು ರನ್‌ಟೈಮ್ ಬರೋಬ್ಬರಿ 3 ಗಂಟೆ 14 ನಿಮಿಷ 12 ಸೆಕೆಂಡುಗಳು (194 ನಿಮಿಷಗಳು) ಎಂದು ತಿಳಿದುಬಂದಿದೆ. ದೊಡ್ಡ ಮಟ್ಟದ ಆಕ್ಷನ್ ಹಾಗೂ ಕಥಾಹಂದರ ಹೊಂದಿರುವ ಕಾರಣ ಇಷ್ಟು ಸುದೀರ್ಘ ಅವಧಿಯ ರನ್‌ಟೈಮ್ ಲಾಕ್ ಆಗಿದೆ. ಯಶ್ ಅಭಿನಯದ ಈ ಮಾಸ್ ಆಕ್ಷನ್ ಥ್ರಿಲ್ಲರ್ ಸಿನಿಮಾ ಪ್ರೇಕ್ಷಕರಿಗೆ ಭರಪೂರ ಮನರಂಜನೆ ನೀಡಲು ಸಜ್ಜಾಗಿದೆ.
ಡೈಲಾಗ್‌ಗಳಿಗೆ ಸೆನ್ಸಾರ್ ಅಡ್ಡಿ: ತಮಿಳಿನ ಅಶ್ಲೀಲ ಪದಗಳಿಗೆ ಮ್ಯೂಟ್/ರಿಪ್ಲೇಸ್…
ದೃಶ್ಯಗಳಿಗೆ ಕತ್ತರಿ ಹಾಕದಿದ್ದರೂ ಕೆಲವು ಸಂಭಾಷಣೆಗಳಿಗೆ ಸೆನ್ಸಾರ್ ಮಂಡಳಿ ಆಕ್ಷೇಪ ವ್ಯಕ್ತಪಡಿಸಿದೆ. ಚಿತ್ರದಲ್ಲಿದ್ದ ‘Tevidiya Paiya’ ಮತ್ತು ‘Tevidiya Pulla’ ನಂತಹ ತಮಿಳು ಅಶ್ಲೀಲ ಪದಗಳನ್ನು ಮ್ಯೂಟ್ ಮಾಡಲಾಗಿದೆ. ಕೆಲವು ಕಡೆಗಳಲ್ಲಿ ಆ ಪದಗಳ ಬದಲು ಬೇರೆ ಸೂಕ್ತ ಪದಗಳನ್ನು ಬಳಸಲು ಸೂಚಿಸಲಾಗಿದೆ. ಬೋಲ್ಡ್ ಹಾಗೂ ಗ್ಯಾಂಗ್‌ಸ್ಟರ್ ಹಿನ್ನೆಲೆಯ ಕಥೆಯಾದ್ದರಿಂದ ಈ ರೀತಿಯ ಬದಲಾವಣೆಗಳನ್ನು ಮಾಡಲಾಗಿದೆ.
ಕಡ್ಡಾಯ ಎಚ್ಚರಿಕೆ ಸಂದೇಶ: ಆಗಸ್ಟ್ 26ಕ್ಕೆ ಥಿಯೇಟರ್‌ಗಳಲ್ಲಿ ಬಿಗ್ ರಮಜಾನ್ ರಿಲೀಸ್…
ಚಿತ್ರದಲ್ಲಿ ಸ್ಮೋಕಿಂಗ್, ಆಲ್ಕೋಹಾಲ್ ಹಾಗೂ ಡ್ರಗ್ಸ್ ಬಳಕೆಯ ದೃಶ್ಯಗಳಿರುವುದರಿಂದ ಕಡ್ಡಾಯ ಎಚ್ಚರಿಕೆ ಹಾಕಲಾಗಿದೆ. ಸಿನಿಮಾ ಆರಂಭದಲ್ಲಿ ಮಾತ್ರವಲ್ಲದೇ ಇಂಟರ್ವೆಲ್ ಬಳಿಕವೂ ಸ್ಟ್ಯಾಚ್ಯುಟರಿ ವಾರ್ನಿಂಗ್ ಪ್ರದರ್ಶಿಸುವುದು ಕಡ್ಡಾಯವಾಗಿದೆ. ಕೆವಿಎನ್ ಪ್ರೊಡಕ್ಷನ್ಸ್ ಮತ್ತು ಮಾನ್‌ಸ್ಟರ್ ಮೈಂಡ್ ಕ್ರಿಯೇಷನ್ಸ್ ಜಂಟಿಯಾಗಿ ಈ ಅದ್ದೂರಿ ಚಿತ್ರವನ್ನು ನಿರ್ಮಿಸಿವೆ. ಎಲ್ಲಾ ಅಡೆತಡೆಗಳನ್ನು ದಾಟಿ ‘A’ ಸರ್ಟಿಫಿಕೇಟ್‌ನೊಂದಿಗೆ ‘ಟಾಕ್ಸಿಕ್’ ಸಿನಿಮಾ ಇದೇ ಆಗಸ್ಟ್ 26ಕ್ಕೆ ಜಾಗತಿಕವಾಗಿ ಬಿಡುಗಡೆಯಾಗಲಿದೆ.
