BBK 13: ಬಿಗ್ ಬಾಸ್ ಕನ್ನಡ ಮನೆಯಲ್ಲಿ ಈ ವಾರ ದೊಡ್ಡ ವಿವಾದವೊಂದು ಮುನ್ನೆಲೆಗೆ ಬಂದಿದೆ. ಶೋ ನಲ್ಲಿ ಫೇವರಿಸಂ ನಡೆಯುತ್ತದೆ ಎಂದು ಸ್ಪರ್ಧಿಗಳಾದ ತಾಂಡವ್ ಹಾಗೂ ಗಗನ್ ಗಂಭೀರ ಆರೋಪ ಮಾಡಿದ್ದರು.
ಬಿಗ್ ಬಾಸ್ ನಿರ್ಮಾಣ ತಂಡದ ವಿರುದ್ಧವೇ ಹಗುರವಾಗಿ ಮಾತನಾಡಿದ್ದ ಈ ಇಬ್ಬರು ಸ್ಪರ್ಧಿಗಳ ವರ್ತನೆ ದೊಡ್ಡ ಮಟ್ಟದಲ್ಲಿ ಚರ್ಚೆಗೆ ಗ್ರಾಸವಾಗಿತ್ತು.
ಈ ವಾರದ ವೀಕೆಂಡ್ ಸಂಚಿಕೆಯಲ್ಲಿ ಎಂಟ್ರಿ ಕೊಟ್ಟ ಕಿಚ್ಚ ಸುದೀಪ್, ಈ ವಿಚಾರವನ್ನು ಗಂಭೀರವಾಗಿ ಪರಿಗಣಿಸಿ ತಾಂಡವ್ ಹಾಗೂ ಗಗನ್ ಅವರನ್ನು ತೀವ್ರವಾಗಿ ತರಾಟೆಗೆ ತೆಗೆದುಕೊಂಡರು.
ವಿವಾದಕ್ಕೆ ಕಾರಣವಾದ ಅಸಲಿ ಸಂಗತಿ ಏನು?
ನಾಮಿನೇಷನ್ ಪ್ರಕ್ರಿಯೆಯಲ್ಲಿ ಸಂಗೀತಾ ಅವರನ್ನು ಕೊನೆಯದಾಗಿ ಕಳುಹಿಸಲಾಗಿತ್ತು. ಈ ಬೆಳವಣಿಗೆಯನ್ನು ಪ್ರಶ್ನಿಸಿ ತಾಂಡವ್ ಹಾಗೂ ಗಗನ್ ಮಾತನಾಡಿಕೊಂಡಿದ್ದರು.
ಬಿಗ್ ಬಾಸ್ ನಿರ್ಮಾಣ ತಂಡವು ಕೆಲವರಿಗೆ ಮಾತ್ರ ‘ಫೇವರ್’ ಮಾಡುತ್ತಿದೆ ಎಂದು ಇಬ್ಬರೂ ಅನುಮಾನ ವ್ಯಕ್ತಪಡಿಸಿದ್ದರು. ಈ ಇಡೀ ಚರ್ಚೆಯ ವೀಡಿಯೊ ತುಣುಕನ್ನು ಸುದೀಪ್ ನೇರವಾಗಿ ಪ್ರದರ್ಶಿಸಿ ಪ್ರಶ್ನಿಸಿದರು.
ಇದನ್ನು ಓದಿ: BBK 13: ಮಂಜನನ್ನು ಹೊರಗೆ ಎಳೆದೊಯ್ದ ಬೌನ್ಸರ್‌ಗಳು? ವೈರಲ್ ಸುದ್ದಿಯ ನಿಜಾಂಶವೇನು?
ಸುದೀಪ್ ಅವರ ಖಡಕ್ ಮಾತುಗಳ ಅರ್ಥವೇನು?
‘ಬಿಗ್ ಬಾಸ್ ಫೇವರಿಸಂ ಮಾಡುತ್ತದೆಯೇ? ನಮಗೇನೂ ಆಗಬೇಕಾಗಿಲ್ಲ, ಇದು ಕೇವಲ ಒಂದು ಶೋ’ ಎಂದು ಸುದೀಪ್ ಆಕ್ರೋಶ ವ್ಯಕ್ತಪಡಿಸಿದರು.
‘ಯಾರಾದರೂ ಗೆಲ್ಲಲಿ ಎಂದು ಬಂದಿರುವಾಗ ನಮಗೆ ಫೇವರಿಸಂ ಮಾಡುವ ಅವಶ್ಯಕತೆ ಏನಿದೆ? ಈ ಹಿಂದೆ ಗೆದ್ದವರಿಗೂ ನಾವು ಹೀಗೆಯೇ ಮಾಡಿದ್ದೇವಾ?’ ಎಂದು ಪ್ರಶ್ನಿಸಿದರು.
‘ಅವರು ಸೋತ್ರೆ ನಮ್ಮ ಮೇಲೆ ಆರೋಪ ಮಾಡುತ್ತೀರಿ, ಅದೇ ಗೆದ್ರೆ ಮಾತ್ರ ನಾವು ಮಾಡಿದೆವು ಎನ್ನುತ್ತೀರಲ್ಲ’ ಎಂದು ಕಠಿಣ ಮಾತುಗಳಲ್ಲಿ ತರಾಟೆಗೆ ತೆಗೆದುಕೊಂಡರು.
BBK 13: ಉಸ್ತುವಾರಿ ಜವಾಬ್ದಾರಿಯ ನಿಜವಾದ ಲೆಕ್ಕಾಚಾರ ಏನು?
ಆಸಿಯಾ ಅವರಿಗೆ ಉಸ್ತುವಾರಿ ಜವಾಬ್ದಾರಿ ಕೊಟ್ಟಿದ್ದೇಕೆ ಎಂಬುದನ್ನು ಸುದೀಪ್ ವಿವರವಾಗಿ ಸ್ಪಷ್ಟಪಡಿಸಿದರು. ಇಲ್ಲಿಯವರೆಗೆ ಒಟ್ಟು 21 ಟಾಸ್ಕ್‌ಗಳು ನಡೆದಿವೆ ಎಂದು ತಿಳಿಸಿದರು.
ಇದರಲ್ಲಿ ಮಂಜು 6 ಟಾಸ್ಕ್‌ಗಳಲ್ಲಿ ಹಾಗೂ ಗಗನ್ 4 ಟಾಸ್ಕ್‌ಗಳಲ್ಲಿ ಉಸ್ತುವಾರಿಯಾಗಿದ್ದರು. ಆದರೆ, ಈವರೆಗೆ ನಾಮಿನೇಟ್ ಆಗದೇ ಉಳಿದುಕೊಂಡವರು ಸಂಗೀತಾ ಹಾಗೂ ಆಸಿಯಾ.
ಈ ಪೈಕಿ ಆಸಿಯಾಗೆ ಇದುವರೆಗೆ ಯಾವುದೇ ಅವಕಾಶ ಸಿಕ್ಕಿರಲಿಲ್ಲ. ಹಾಗಾಗಿ ಅವರಿಗೆ ಆ ಜವಾಬ್ದಾರಿ ನೀಡಲಾಯಿತು ಎಂದು ಸುದೀಪ್ ಎಲ್ಲರ ಅನುಮಾನಗಳನ್ನು ದೂರ ಮಾಡಿದರು.
