BBK 13: ಬಿಗ್ ಬಾಸ್ ಮನೆಯಲ್ಲಿ ದಿನದಿಂದ ದಿನಕ್ಕೆ ಸ್ಪರ್ಧಿಗಳ ನಡುವಿನ ಸಮೀಕರಣಗಳು ಕುತೂಹಲಕಾರಿಯಾಗಿ ಬದಲಾಗುತ್ತಿವೆ. ಇತ್ತೀಚೆಗೆ ವೈಲ್ಡ್ ಕಾರ್ಡ್ ಮೂಲಕ ದೊಡ್ಮನೆಗೆ ಎಂಟ್ರಿ ಕೊಟ್ಟಿರುವ ಹೊಸ ಸ್ಪರ್ಧಿಗಳು ತಮ್ಮ ತಾಕತ್ತು ತೋರಿಸಲು ಮುಂದಾಗಿದ್ದಾರೆ.
ಅದರಲ್ಲೂ ಹೊಸ ಸ್ಪರ್ಧಿ ಕುಮಾರಿ ಅವರು ತೆಗೆದುಕೊಂಡಿರುವ ಒಂದು ದಿಟ್ಟ ನಿರ್ಧಾರ ಈಗ ಬಿಗ್ ಬಾಸ್ ಮನೆಯಲ್ಲಿ ಹಾಟ್ ಟಾಪಿಕ್ ಆಗಿದೆ. ಕ್ಯಾಪ್ಟನ್ ಸವಾಲನ್ನೇ ನೇರವಾಗಿ ಸ್ವೀಕರಿಸಿ ಆಡಲು ನಿಂತಿರುವ ಅವರ ಶೈಲಿ ಪ್ರೇಕ್ಷಕರ ಗಮನ ಸೆಳೆದಿದೆ.
ಸಾಮಾನ್ಯವಾಗಿ ರಿಯಾಲಿಟಿ ಶೋಗಳಲ್ಲಿ ಪ್ರತಿಯೊಬ್ಬರೂ ಬಲವಾದ ಅಥವಾ ತಮಗೆ ಸಪೋರ್ಟ್ ಮಾಡುವವರ ತಂಡವನ್ನು ಆಯ್ಕೆ ಮಾಡಲು ಬಯಸುತ್ತಾರೆ. ಆದರೆ, ಕುಮಾರಿ ಅವರು ತಮ್ಮ ಆಟದ ಮೊದಲ ಹಂತದಲ್ಲೇ ಸಂಪೂರ್ಣ ಭಿನ್ನವಾದ ಹಾದಿಯನ್ನು ಹಿಡಿದು ಎಲ್ಲರಿಗೂ ದೊಡ್ಡ ಅಚ್ಚರಿ ಮೂಡಿಸಿದ್ದಾರೆ.
ಕ್ಯಾಪ್ಟನ್ ಟೀಕೆಗೆ ದಿಟ್ಟ ಉತ್ತರ ಕೊಟ್ಟ ಕುಮಾರಿ
ಕ್ಯಾಪ್ಟನ್ ಹಾಗೂ ಇತರೆ ಸ್ಪರ್ಧಿಗಳು ಯಾವ ತಂಡವನ್ನು ಟೀಕೆ ಮಾಡಿದ್ದರೊ ಅದೇ ತಂಡವನ್ನು ಕುಮಾರಿ ಆಯ್ಕೆ ಮಾಡಿಕೊಂಡಿದ್ದಾರೆ. ಯಾರ ಸಾಮರ್ಥ್ಯದ ಬಗ್ಗೆ ಮನೆಯವರು ಅನುಮಾನ ವ್ಯಕ್ತಪಡಿಸಿದ್ದರೊ, ಅದೇ ತಂಡವನ್ನು ಬೆಂಬಲಿಸಿ ಸವಾಲಾಗಿ ಸ್ವೀಕರಿಸಿದ್ದಾರೆ.
ಇದನ್ನು ಓದಿ: BBK 13: ವೈಲ್ಡ್ ಕಾರ್ಡ್ ಎಂಟ್ರಿಯಿಂದ ದೊಡ್ಮನೆಯಲ್ಲಿ ಆಟದ ಲೆಕ್ಕಾಚಾರ ಬದಲಾಗುತ್ತಾ?
ತಮ್ಮ ಆಟದ ಮೂಲಕವೇ ಟೀಕಾಕಾರರಿಗೆ ತಕ್ಕ ಉತ್ತರ ನೀಡಲು ಕುಮಾರಿ ಸಿದ್ಧರಾಗಿದ್ದಾರೆ. ಈ ನಿರ್ಧಾರದಿಂದಾಗಿ ಮನೆಯೊಳಗಿನ ಹಳೆಯ ಆಟಗಾರರು ಕ್ಷಣಕಾಲ ಶಾಕ್ ಆಗಿದ್ದಾರೆ.
BBK 13: ಪ್ರೇಕ್ಷಕರ ಮನ ಗೆದ್ದ ಧೈರ್ಯದ ನಿರ್ಧಾರ
ಎಲ್ಲರೂ ಬಲಶಾಲಿಗಳಾಗಿದ್ದಾರೆ ಮತ್ತು ಕಷ್ಟಪಟ್ಟು ಆಡುತ್ತಿದ್ದಾರೆ ಎಂಬುದು ತನಗೆ ಸ್ಪಷ್ಟವಾಗಿ ಗೊತ್ತು ಎಂದು ಕುಮಾರಿ ಹೇಳಿದ್ದಾರೆ. ದುರ್ಬಲ ಎಂದು ಭಾವಿಸಿರುವವರ ಜೊತೆ ಸೇರಿಕೊಂಡು ತಾನು ಕೂಡ ಎಷ್ಟು ಸ್ಟ್ರಾಂಗ್ ಎಂಬುದನ್ನು ಸಾಬೀತುಪಡಿಸಲು ಈ ತೀರ್ಮಾನ ಕೈಗೊಂಡಿರುವುದಾಗಿ ಅವರು ತಿಳಿಸಿದ್ದಾರೆ.
ಈ ನಿರ್ಧಾರದಿಂದಾಗಿ ದೊಡ್ಮನೆಯಲ್ಲಿ ಮುಂಬರುವ ಟಾಸ್ಕ್‌ಗಳು ಹಾಗೂ ಆಟದ ಕಾವು ಮತ್ತಷ್ಟು ಹೆಚ್ಚಾಗುವುದು ಖಚಿತವಾಗಿದೆ.
