☔ Weather
Bengaluru: 🌤️ 23°C | AQI 156
Mysore: 🌤️ 21°C | AQI 122
Mangalore: ☀️ 26°C | AQI 144
Bengaluru: 🌤️ 23°C | AQI 156
☔ Weather
Bengaluru: 🌤️ 23°C | AQI 156
Mysore: 🌤️ 21°C | AQI 122
Mangalore: ☀️ 26°C | AQI 144
Bengaluru: 🌤️ 23°C | AQI 156

Bigg Boss Kannada 13: ಕಿಚನ್‌ನಲ್ಲಿ ಅವಿನಾಶ್‌ಗೆ ಮಾತಿನಲ್ಲೇ ತಿವಿದ ಮಾಡ್ರನ್ ಕವಿ ಮಂಜು; ಗಲಾಟೆನೋ ಗಲಾಟೆ

Bigg Boss Kannada 13: Intense Verbal Fight Between Avinash and Modern Mahakavi Manju
ಇದೀಗ ಬಿಡುಗಡೆಯಾಗಿರುವ ಹೊಸ ಪ್ರೋಮೋದಲ್ಲಿ ಸ್ಪರ್ಧಿಗಳಾದ ಅವಿನಾಶ್ ಹಾಗೂ ಮಾಡ್ರನ್ ಮಹಾಕವಿ ಮಂಜು ನಡುವೆ ತೀವ್ರ ಮಾತಿನ ಚಕಮಕಿ ನಡೆದಿದೆ.

Photo Credits: @colorskannadaofficial (Instagram)

ಬಿಗ್ ಬಾಸ್ ಕನ್ನಡ (Bigg Boss Kannada 13) ಮನೆಯಲ್ಲಿ ಸ್ಪರ್ಧಿಗಳ ನಡುವಿನ ಜಟಾಪಟಿ ದಿನದಿಂದ ದಿನಕ್ಕೆ ಭಾರಿ ಕಾವು ಪಡೆದುಕೊಳ್ಳುತ್ತಿದೆ. ದೊಡ್ಮನೆಯಲ್ಲಿ ಪ್ರತಿಯೊಂದು ವಿಚಾರಕ್ಕೂ ಸ್ಪರ್ಧಿಗಳ ನಡುವೆ ದೊಡ್ಡ ಮಟ್ಟದ ವಾಗ್ವಾದಗಳು ನಡೆಯುತ್ತಿವೆ.

ಇದೀಗ ಬಿಡುಗಡೆಯಾಗಿರುವ ಹೊಸ ಪ್ರೋಮೋದಲ್ಲಿ ಸ್ಪರ್ಧಿಗಳಾದ ಅವಿನಾಶ್ (Avinash) ಹಾಗೂ ಮಾಡ್ರನ್ ಮಹಾಕವಿ ಮಂಜು (Modern Kavi Manju) ನಡುವೆ ತೀವ್ರ ಮಾತಿನ ಚಕಮಕಿ ನಡೆದಿದೆ. ಈ ಇಬ್ಬರ ನಡುವಿನ ಗಲಾಟೆ ತೀವ್ರ ಸ್ವರೂಪ ಪಡೆದುಕೊಂಡಿದೆ.

ಇಬ್ಬರ ನಡುವಿನ ಜಗಳ ವಿಕೋಪಕ್ಕೆ ಹೋಗಿದ್ದು, ಪರಿಸ್ಥಿತಿ ಕೈಕೈ ಮಿಲಾಯಿಸುವ ಹಂತಕ್ಕೆ ತಲುಪಿದೆ. ಈ ಪ್ರೋಮೋ ನೋಡಿದ ವೀಕ್ಷಕರು ಮತ್ತು ಅಭಿಮಾನಿಗಳು ಶಾಕ್ ಆಗಿದ್ದಾರೆ.

ಬಿಗ್ ಬಾಸ್ ಕಿಚನ್‌ನಲ್ಲಿ ಗಲಾಟೆ: ವೈಯಕ್ತಿಕ ನಿಂದನೆಗೆ ತಿರುಗಿದ ವಾಗ್ವಾದ

ಪ್ರೋಮೋದ ಆರಂಭದಲ್ಲಿ ಕಿಚನ್ ಹಾಗೂ ಊಟದ ಮೇಜಿನ ಬಳಿ ನಡೆಯುವ ಸಂಭಾಷಣೆಯಿಂದ ಈ ದೊಡ್ಡ ಗಲಾಟೆ ಉದ್ಭವಿಸಿದೆ. ಆಹಾರ ಹಾಗೂ ಸ್ಪರ್ಧಿಗಳ ವ್ಯಕ್ತಿತ್ವದ ಕುರಿತು ಮಾತಿನ ಚಕಮಕಿ ಆರಂಭವಾಯಿತು.

ಸಣ್ಣದಾಗಿ ಶುರುವಾದ ಈ ಸಂಭಾಷಣೆ ನಂತರದ ಕ್ಷಣಗಳಲ್ಲಿ ಪರಸ್ಪರ ವೈಯಕ್ತಿಕ ನಿಂದನೆಗೆ ತಿರುಗಿದೆ. ಮಂಜು ಮತ್ತು ಅವಿನಾಶ್ ಪರಸ್ಪರ ಅತಿ ಹತ್ತಿರ ಬಂದು ಕೆರಳಿಸುವಂತೆ ಮಾತನಾಡಿದ್ದಾರೆ. ಕೋಪದ ಕೈಯಲ್ಲಿ ಅವಿನಾಶ್ ತಮ್ಮ ಕೈಯಲ್ಲಿದ್ದ ನೀರಿನ ಬಾಟಲಿಯನ್ನು ಜೋರಾಗಿ ಕುಟ್ಟಿದ್ದಾರೆ. ಇದನ್ನು ಕಂಡ ಮನೆಯ ಇತರ ಸ್ಪರ್ಧಿಗಳು ಆತಂಕದಿಂದ ಇಬ್ಬರನ್ನೂ ತಡೆಯಲು ಯತ್ನಿಸಿದ್ದಾರೆ.

ಅವಿನಾಶ್-ಮಂಜುಗೆ ಕ್ಲಾಸ್ ತಗೋತಾರಾ ಕಿಚ್ಚ?

ಪ್ರತಿದಿನ ರಂಗೇರುತ್ತಿರುವ ಬಿಗ್ ಬಾಸ್ ಮನೆಯಲ್ಲಿ ಈ ಜಗಳ ಮುಂದೆ ಯಾವ ಹಂತ ತಲುಪಲಿದೆ ಎಂಬ ಕುತೂಹಲ ಎಲ್ಲರಲ್ಲೂ ಮೂಡಿದೆ. ಇವರಿಬ್ಬರ ಗಲಾಟೆಯಿಂದ ಮನೆಯ ವಾತಾವರಣ ಸಂಪೂರ್ಣ ಕಲುಷಿತಗೊಂಡಿದೆ.

ಮುಂಬರುವ ‘ಕಿಚ್ಚನ ಪಂಚಾಯಿತಿ’ ಸಂಚಿಕೆಯಲ್ಲಿ ನಿರೂಪಕ ಕಿಚ್ಚ ಸುದೀಪ್ ಅವರು ಈ ಗಲಾಟೆಗೆ ಹೇಗೆ ಕ್ಲಾಸ್ ತಗೆದುಕೊಳ್ಳಲಿದ್ದಾರೆ ಎಂಬುದನ್ನು ವೀಕ್ಷಕರು ಕಾತುರದಿಂದ ಕಾಯುತ್ತಿದ್ದಾರೆ. ಸುದೀಪ್ ಅವರ ಖಡಕ್ ಎಚ್ಚರಿಕೆಗಾಗಿ ಕಾಯಲಾಗುತ್ತಿದೆ.

ಸಾಮಾಜಿಕ ಜಾಲತಾಣಗಳಲ್ಲಿ ಈ ಪ್ರೋಮೋ ಸಖತ್ ವೈರಲ್ ಆಗುತ್ತಿದ್ದು, ಅಭಿಮಾನಿಗಳು ಇಬ್ಬರ ನಡೆಗೆ ಭಿನ್ನ ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದಾರೆ. ಈ ವಾರದ ಎಲಿಮಿನೇಷನ್ ಮೇಲೆಯೂ ಇದು ಪರಿಣಾಮ ಬೀರಲಿದೆ.