☔ Weather
Bengaluru: ☁️ 21°C | AQI 153
Mysore: 🌤️ 19°C | AQI 123
Mangalore: ☁️ 25°C | AQI 136
Bengaluru: ☁️ 21°C | AQI 153
☔ Weather
Bengaluru: ☁️ 21°C | AQI 153
Mysore: 🌤️ 19°C | AQI 123
Mangalore: ☁️ 25°C | AQI 136
Bengaluru: ☁️ 21°C | AQI 153

SATISH JARAKIHOLI : ನನ್ನ ವಿರುದ್ಧ ದೂರು ಕೊಟ್ಟವರ ಬಗ್ಗೆ ತಿಳಿದಿದೆ – ಜಾರಕಿಹೊಳಿ ಶಾಕಿಂಗ್ ಸ್ಟೇಟ್ಮೆಂಟ್ !

ಜಾರಿ ನಿರ್ದೇಶನಾಲಯದ ಕಾರ್ಯಾಚರಣೆಗೆ ಗುರಿಯಾಗಿದ್ದ ಲೋಕೋಪಯೋಗಿ ಸಚಿವ ಸತೀಶ್ ಜಾರಕಿಹೊಳಿ, ತಮ್ಮ ವಿರುದ್ಧ ಕೇಂದ್ರ ತನಿಖಾ ಸಂಸ್ಥೆಗೆ ದೂರು ರವಾನಿಸಿದ ವ್ಯಕ್ತಿಯ ಮಾಹಿತಿ ತಮಗೆ ಮೊದಲೇ ತಿಳಿದಿತ್ತು ಹಾಗೂ ಆ ವಿಚಾರವನ್ನು ಮುಖ್ಯಮಂತ್ರಿಗಳ ಗಮನಕ್ಕೂ ತರಲಾಗಿದೆ ಎಂದು ಹೇಳಿದ್ದಾರೆ. ದೂರು ಸಲ್ಲಿಸುವುದು ಪ್ರತಿಯೊಬ್ಬರ ಹಕ್ಕು ಎಂದಿರುವ ಅವರು, ಈ ದೂರುದಾರರಿಗೆ ಕಾಂಗ್ರೆಸ್ ಜೊತೆ ಸಂಪರ್ಕವಿದ್ದರೂ ಮತದಾರರ ಪಟ್ಟಿಯಲ್ಲಿ ಪ್ರತಿಪಕ್ಷದ ಸಂಬಂಧ ಹೊಂದಿರುವ ಗೊಂದಲಮಯ ಹಿನ್ನೆಲೆಯಿದೆ ಎಂದು ಸ್ಪಷ್ಟಪಡಿಸಿದ್ದಾರೆ.

ಕೇಂದ್ರ ತನಿಖಾ ಸಂಸ್ಥೆ ಶೋಧ ಕಾರ್ಯ ನಡೆಸಿ 3.45 ಕೋಟಿ ರೂಪಾಯಿ ನಗದು ವಶಪಡಿಸಿಕೊಂಡಿದೆ ಮತ್ತು ವಿದೇಶಿ ಹೂಡಿಕೆ ಹಾಗೂ ಗುತ್ತಿಗೆ ವ್ಯವಹಾರದ ಆರೋಪ ಹೊರಿಸಿದೆ. ಆದರೆ, ತಾವು ಯಾವುದೇ ಅಕ್ರಮ ಹೂಡಿಕೆ ಮಾಡಿಲ್ಲವೆಂದು ಸಮರ್ಥಿಸಿಕೊಂಡಿರುವ ಸಚಿವರು, ತನಿಖಾ ಸಂಸ್ಥೆ ನೀಡುವ ನೋಟಿಸ್‌ಗೆ ಅಗತ್ಯ ದಾಖಲೆಗಳೊಂದಿಗೆ ಸೂಕ್ತ ಉತ್ತರ ನೀಡುವುದಾಗಿ ತಿಳಿಸಿದ್ದಾರೆ.

ಇನ್ನು ತಮ್ಮ ವಾರ್ಷಿಕ ವಹಿವಾಟು ದೊಡ್ಡ ಮಟ್ಟದಲ್ಲಿದ್ದು, ಮನೆಯಲ್ಲಿದ್ದ ಹಣಕ್ಕೆ ಸೂಕ್ತ ಲೆಕ್ಕವಿದೆ ಎಂದು ಸಚಿವರು ಪ್ರತಿಪಾದಿಸಿದ್ದಾರೆ. ಈ ಪ್ರಕರಣ ಕಾನೂನುತ್ಮಕವಾಗಿ ತನಿಖೆಯ ಹಂತದಲ್ಲಿದ್ದು, ತನಿಖಾಧಿಕಾರಿಗಳ ಎದುರು ಸತ್ಯಾಂಶವನ್ನು ಮಂಡಿಸುವುದಾಗಿ ಅವರು ತಿಳಿಸಿದ್ದಾರೆ. ಮುಖ್ಯಮಂತ್ರಿಗಳು ಈ ದೂರನ್ನು ಸೂಕ್ತವಾಗಿ ಪರಿಶೀಲಿಸಲಿದ್ದಾರೆ ಎಂದು ವಿಶ್ವಾಸ ವ್ಯಕ್ತಪಡಿಸಿರುವ ಅವರು, ಈ ಸಂಪೂರ್ಣ ಪ್ರಕ್ರಿಯೆಯನ್ನು ಕಾನೂನು ಬದ್ಧವಾಗಿಯೇ ಎದುರಿಸಲು ನಿರ್ಧರಿಸಿದ್ದಾರೆ. ಅಲ್ಲದೆ ಕೇಂದ್ರ ಸಂಸ್ಥೆ ಬಿಡುಗಡೆ ಮಾಡಿರುವ ಮಾಧ್ಯಮ ಹೇಳಿಕೆಯಲ್ಲಿ ಕೇವಲ ಪ್ರಾಥಮಿಕ ಆರೋಪಗಳಿದ್ದು, ವಿಚಾರಣೆ ಕರೆದಾಗ ಹಾಜರಾಗಿ ತಮ್ಮ ಮೇಲಿನ ಆರೋಪಗಳನ್ನು ಮುಖಾಮುಖಿಯಾಗಿ ತೆರವುಗೊಳಿಸುವುದಾಗಿ ಹೇಳಿದ್ದಾರೆ.

ಈ ಬೆಳವಣಿಗೆ ರಾಜ್ಯ ರಾಜಕೀಯದಲ್ಲಿ ಆಡಳಿತ ಮತ್ತು ವಿರೋಧ ಪಕ್ಷಗಳ ನಡುವೆ ಹೊಸ ಸಂಚಲನಕ್ಕೆ ಕಾರಣವಾಗಿದೆ. ಕೇಂದ್ರ ತನಿಖಾ ಸಂಸ್ಥೆಗಳ ದುರ್ಬಳಕೆ ಮತ್ತು ರಾಜಕೀಯ ಪ್ರೇರಿತ ದಾಳಿಗಳ ಕುರಿತು ಆಡಳಿತಾರೂಢ ನಾಯಕರು ನಿರಂತರವಾಗಿ ಧ್ವನಿ ಎತ್ತುತ್ತಿರುವ ಸಂದರ್ಭದಲ್ಲೇ ಈ ಘಟನೆ ಸಂಭವಿಸಿದೆ. ಪಕ್ಷದ ಒಳಗಿನ ಭಿನ್ನಾಭಿಪ್ರಾಯ ಅಥವಾ ಶತ್ರುತ್ವದಿಂದಲೇ ಇಂತಹ ದೂರುಗಳು ಸೃಷ್ಟಿಯಾಗುತ್ತಿವೆಯೇ ಎಂಬ ಅನುಮಾನ ಸಾರ್ವಜನಿಕ ವಲಯದಲ್ಲಿ ಎದ್ದಿದೆ.