☔ Weather
Bengaluru: 🌤️ 23°C | AQI 156
Mysore: 🌤️ 21°C | AQI 122
Mangalore: ☀️ 26°C | AQI 144
Bengaluru: 🌤️ 23°C | AQI 156
☔ Weather
Bengaluru: 🌤️ 23°C | AQI 156
Mysore: 🌤️ 21°C | AQI 122
Mangalore: ☀️ 26°C | AQI 144
Bengaluru: 🌤️ 23°C | AQI 156

PRICE HIKE : ಬಿಎಂಟಿಸಿ, ಕೆಎಸ್‌ಆರ್‌ಟಿಸಿ ಟಿಕೆಟ್ ದರ ಏರಿಕೆ – ಗಾಯದ ಮೇಲೆ ಬರೆ

Image of Ticket Price hike
ಹಾಲು, ಮೊಸರು ಸೇರಿದಂತೆ ಅಗತ್ಯ ವಸ್ತುಗಳ ಬೆಲೆ ಏರಿಕೆಯಿಂದ (Price hike) ಕಂಗೆಟ್ಟಿರುವ ಜನರಿಗೆ ಬಸ್ ಪ್ರಯಾಣ ದರ ಏರಿಕೆಯ ಹೊರೆ ಕೂಡ ಬಿದ್ದಿದೆ.

ಮುಖ್ಯಾಂಶಗಳು

  • ರಾಜ್ಯದ ಜನರಿಗೆ ಮತ್ತೆ ಬರೆ
  • ಬಸ್ ಟಿಕೆಟ್ ದರ ಏರಿಕೆ
ಬೆಂಗಳೂರು; ಹಾಲು, ಮೊಸರು ಸೇರಿದಂತೆ ಅಗತ್ಯ ವಸ್ತುಗಳ ಬೆಲೆ ಏರಿಕೆಯಿಂದ (Price hike) ಕಂಗೆಟ್ಟಿರುವ ಜನರಿಗೆ ಬಸ್ ಪ್ರಯಾಣ ದರ ಏರಿಕೆಯ ಹೊರೆ ಕೂಡ ಬಿದ್ದಿದೆ. ಕೆಎಸ್‌ಆರ್‌ಟಿಸಿ ಮತ್ತು ಬಿಎಂಟಿಸಿ ಸೇರಿದಂತೆ ರಾಜ್ಯದ ಸಾರಿಗೆ ನಿಗಮಗಳ ಬಸ್ ಪ್ರಯಾಣ ದರವನ್ನು ಪರಿಷ್ಕರಿಸಲು ಸರ್ಕಾರ ನಿರ್ಧರಿಸಿದ್ದು, ಸಾಮಾನ್ಯ ಬಸ್‌ಗಳಲ್ಲಿ ಹಂತ ಹಂತವಾಗಿ ಗರಿಷ್ಠ 9 ರೂಪಾಯಿವರೆಗೆ ದರ ಹೆಚ್ಚಿಸಲಾಗಿದೆ. ಬೆಂಗಳೂರಿನಲ್ಲಿ ಬಿಎಂಟಿಸಿ ಮೊದಲ ಹಂತದ ಟಿಕೆಟ್ ದರದಲ್ಲಿ 4 ರೂಪಾಯಿ ಏರಿಕೆ ಮಾಡಿದ್ದು, ಇದುವರೆಗೆ 6 ರೂಪಾಯಿ ಇದ್ದ ಕನಿಷ್ಠ ದರ ಈಗ 10 ರೂಪಾಯಿಗೆ ತಲುಪಿದೆ. ಇನ್ಮುಂದೆ ನಗರದಲ್ಲಿ ಬಿಎಂಟಿಸಿ ಬಸ್ ಹತ್ತುವ ಪ್ರತಿಯೊಬ್ಬ ಪ್ರಯಾಣಿಕನು ಕನಿಷ್ಠ 10 ರೂಪಾಯಿ ನೀಡಲೇಬೇಕಾಗುತ್ತದೆ. ಪರಿಷ್ಕೃತ ದರ ಇಂದು ಮಧ್ಯರಾತ್ರಿಯಿಂದಲೇ ಜಾರಿ ದರ ಪರಿಷ್ಕರಣೆ ಸಮಿತಿಯ ವರದಿಯ ಆಧಾರದಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದ್ದು, ಪರಿಷ್ಕೃತ ದರ ಇಂದು ಮಧ್ಯರಾತ್ರಿಯಿಂದಲೇ ಜಾರಿಗೆ ಬರಲಿದೆ. ಸಾರಿಗೆ ಸಚಿವರು ಮಾತನಾಡಿ, ಶಕ್ತಿ ಯೋಜನೆಯಿಂದ ನಿಗಮಗಳಿಗೆ ನಷ್ಟವಾಗುತ್ತಿದೆ ಎಂಬ ವಿರೋಧ ಪಕ್ಷಗಳ ಆರೋಪವನ್ನು ತಳ್ಳಿಹಾಕಿದ್ದಾರೆ. ರಾಜ್ಯದ ನಾಲ್ಕು ನಿಗಮಗಳ ಬಳಿ ಒಟ್ಟು 26,125 ಬಸ್‌ಗಳಿದ್ದು, 1,03,646 ನೌಕರರು ಕೆಲಸ ಮಾಡುತ್ತಿದ್ದಾರೆ. ಪ್ರತಿದಿನ 24,179 ಮಾರ್ಗಗಳಲ್ಲಿ ಬಸ್‌ಗಳು ಸಂಚರಿಸುತ್ತಿದ್ದು, ನಿತ್ಯ 1.24 ಕೋಟಿ ಪ್ರಯಾಣಿಕರು ಸರ್ಕಾರಿ ಬಸ್‌ಗಳನ್ನು ಅವಲಂಬಿಸಿದ್ದಾರೆ ಎಂದು ಅವರು ತಿಳಿಸಿದ್ದಾರೆ. ನಿಯಮದಂತೆ ಪ್ರತಿ ವರ್ಷ ಸ್ವಲ್ಪ ದರ ಏರಿಕೆ ಮಾಡಬೇಕಿತ್ತು. ಆದರೆ ಕಳೆದ 10 ವರ್ಷಗಳಲ್ಲಿ 2025ರಲ್ಲಿ ಒಮ್ಮೆ ಮಾತ್ರ ದರ ಏರಿಸಲಾಗಿತ್ತು ಎಂದು ಅವರು ಸಮರ್ಥಿಸಿಕೊಂಡಿದ್ದಾರೆ. ಈ ಹಿಂದೆ ಹೊಸ ವರ್ಷದ ಆರಂಭದಲ್ಲೇ ಶೇ. 15ರಷ್ಟು ದರ ಏರಿಸಲಾಗಿತ್ತು. ಅದು ಜನವರಿ 5ರಿಂದ ಜಾರಿಗೆ ಬಂದಿತ್ತು. 2015ರಲ್ಲಿ ನಾಲ್ಕು ನಿಗಮಗಳಿಗೆ ದಿನಕ್ಕೆ ಡೀಸೆಲ್ ವೆಚ್ಚ 9.14 ಕೋಟಿ ರೂಪಾಯಿ ಇದ್ದದ್ದು 13.21 ಕೋಟಿ ರೂಪಾಯಿಗೆ, ಸಿಬ್ಬಂದಿ ವೆಚ್ಚ 12.81 ಕೋಟಿ ರೂಪಾಯಿಯಿಂದ 18.36 ಕೋಟಿ ರೂಪಾಯಿಗೆ ಏರಿತ್ತು. ಇದನ್ನೂ ಓದಿ : ಕುಮಾರಸ್ವಾಮಿ ಮನೆ ಬಳಿ ಮೊಬೈಲ್ ಬದಲಾವಣೆ..? – ಎಲ್ಲಿಗೆ ಬಂತು ಸ್ಟಿಂಗ್ ತನಿಖೆ ಈ ದರ ಏರಿಕೆ ಕೇವಲ ನಿಗಮಗಳ ಆರ್ಥಿಕ ಹೊರೆ ಕಡಿಮೆ ಮಾಡುವ ಕ್ರಮ ಎಂದು ನೋಡಲು ಸಾಧ್ಯವಿಲ್ಲ. ನೌಕರರ ವೇತನ, ಡೀಸೆಲ್, ಟಯರ್ ಮತ್ತು ನಿರ್ವಹಣಾ ವೆಚ್ಚ ನಿರಂತರವಾಗಿ ಏರುತ್ತಿರುವಾಗ ದರ ಪರಿಷ್ಕರಣೆ ಅನಿವಾರ್ಯ ಎಂಬ ಸರ್ಕಾರದ ವಾದದಲ್ಲಿ ಹುರುಳಿದೆ. ಆದರೆ ಒಂದೇ ವರ್ಷದಲ್ಲಿ ಎರಡು ಬಾರಿ ದರ ಏರಿಕೆಯಾಗಿರುವುದು ಸಾಮಾನ್ಯ ಜನರ, ಅದರಲ್ಲೂ ನಿತ್ಯ ನಗರದಲ್ಲಿ ಓಡಾಡುವ ಕಾರ್ಮಿಕರು, ವಿದ್ಯಾರ್ಥಿಗಳು ಮತ್ತು ಕಡಿಮೆ ಆದಾಯದ ಕುಟುಂಬಗಳ ಮೇಲೆ ನೇರ ಹೊರೆ ಹಾಕುತ್ತದೆ. ಶಕ್ತಿ ಯೋಜನೆಯಿಂದ ಮಹಿಳೆಯರಿಗೆ ಅನುಕೂಲವಾದರೂ, ಪುರುಷ ಪ್ರಯಾಣಿಕರು ಮತ್ತು ಇತರ ಪ್ರಯಾಣಿಕರಿಗೆ ದರ ಏರಿಕೆ ಭಾರವಾಗುತ್ತದೆ. ಸರ್ಕಾರ ಬಸ್ ಸೇವೆಯ ಗುಣಮಟ್ಟ, ಸಮಯಪಾಲನೆ ಮತ್ತು ಹೊಸ ಬಸ್‌ಗಳ ಸೇರ್ಪಡೆ ಬಗ್ಗೆ ಸ್ಪಷ್ಟ ಭರವಸೆ ನೀಡದಿದ್ದರೆ, ಈ ಏರಿಕೆ ಜನರಲ್ಲಿ ಅಸಮಾಧಾನ ಹೆಚ್ಚಿಸಬಹುದು. ದರ ಏರಿಕೆಯನ್ನು ಜನರು ಒಪ್ಪಿಕೊಳ್ಳುವ ಸಾಧ್ಯತೆ ಕಡಿಮೆ.